الموضوع باختصار هو رسالة للأخ عضوان حول الموضوع اللي نزله في جريدة الوطن يوم الاربعاء .
الأخ الحبيب المبدع المنطلق عضوان الأحمري محرر جريدة الوطن المتألقة وال… أحيانا
أقول لك يا عضوان ماهوب كذا تصير محرر ناجح ترى بروز الاسم شيء رائع للمحرر الناجح حتى يقرأ له الناس لكن مطلوب أن يكون هذا البروز في أمر جيد وراقي وأيضا بانصاف فليس من الانصاف أن يتكفل عضوان بابراز ناس في مكان اعلامي عام كجريدة الوطن أو حتى اعلامي خاص كمنتدى الجامعة (موضوع حفلة البحرين ) ويترك الصورة المشرفة لطلاب الجامعة ، ويا كثر الكتاب البارزين اللي أسماؤهم على كل لسان والكل يقرا لهم ولكن مايحبونهم مثل باجبير وطقته .
وعشان يكون كلامي واضح يا عضوان أسألك أسئلة ليش ما أبرزت صورة طلاب الجامعة المشرفة والمشرقة
ليش ما ذكرت أن طلاب البترول يقضون اوقاتهم في أندية النشاط الطلابي مثل الرياضي الثقافي نوادي الهندسة و الجوالة والادارة والعلاقات وغيرهم ؟
ليش ما قلت أنهم يقضون أوقاتهم في الدورات والمحاضرات اللامنهجية اللي تقدمها الجامعة وايضا المحاضرات الدينية وغيره ؟
ليش ما وضحت أن طلاب الجامعة يقضون أضعاف ما يقضيه غيرهم في الدراسة والتحصيل ؟
وليش ؟وليش؟ …وغيره كثير ليش ؟
فعذرا ياعضوان ترى عرض المواضيع دون موضوعية واثراء و في مكان اعلامي هو دعاية لها ومثل ما برزت صورة غير مشرقة عن طلاب الجامعة بتبريكات من عضوان أرى أنه امانة على عضوان أن يبرز الصورة المشرقة وفي الحالتين عضوان أسمه بينتشر وينعرف لكن ترى ينعرف بايش عضوان هو اللي يختار وعقلك في راسك وانت تختار لنفسك .
والفكرة السابقة هي تأكيد على كلام الأخ pc programmer بأن الموضوع حق الجريدة فعلا أبرز صورة غي لائقة لنا كطلاب جامعة مثل جامعتنا .
وترى يا عضوان أنت تخدمنا كطلاب عندما تبرز ايجابياتنا في الجريدة لأن الجريدة يقراها المسؤول والصغير والكبير فيكون انطباع وسمعة حلوة عننا ،لا ويقراها مدير التوظيف اللي بكرة انا وأنت وخالد والشباب راح تمر عليه أوراقنا ويعرف أننا من شباب الجامعة اللي دايما جريدة الوطن تذكرهم بخير .
ولك تحية يا عضوان وسلام من القلب
:)وهمسة في أذن صاحب الصورة (كل أمتي معافى الا المجاهرين …) طبعا هذا إن كنت تعرف أن اللي قاعد تسويه شيء غلط ، وإن كنت شايف غير كذا فلابد من نقاش مع ناس فاهمة تعرف هل هذا الشيء يصلح ولا ما يصلح وأنا تراني طالب زيي زيك يا خالد بل إني معجب بجرأتك ولكن أتمنى انها توظف في شيء آخر .
(عضوان بالله وصل الهمسة وياليت تخليه يقراها )
وللحديث بقية لكن أكتفي بهذا كذا ولا مو
وبالتوفيق للجميع أقولها من القلب وسلام على الحبايب