بسم الله الرحمن الرحيم
السلام عليكم جميعاً ورحمة الله وبركاته… إليكم قصتي …
يوم الأربعاء أتيت إلى الجامعة بغير العادة بسيارتي ولأني قلما أتيت بسيارتي إلى الجامعة فهي لايوجد عليها تصريح… دخلت الجامعة من بوابة آرمكو ولفيت على الجامعة لكي لا أمر على الأوريا ذاهباً إلى مواقف الأستديوم وهنا المفاجئة(تفتيش كالعادة) وطلب مني بطاقتي الجامعية فقلت له نسيتها في المنزل فطلب مني الرخصة أعطيته إياها فإذا به يسجل مخالفة جديدة وفريدة من نوعا (عدم وجود تصريح) فتشاجرت معه على هذه المخالفة فقال لي ( زي ما أعطي غيرك أعطيك ) المهم فقلت له أعطني الرخصة قال لي أحضر بطاقتك الجامعية فقلت له لو كانت معي لأعطيتك إياها بدل الرخصة فقال(مالي شغل دبر حالك روح مكتب الأمن ) فذهبت إلى مكتب الأمن ( بوابة الاينات) فقال لي لازم تجيب البطاقة فقلت له نفس الشي مع السكوتي الأول ورد نفس الرد وقال روح المكتب الرئيسي … رحنا المكتب الرئيسي وأنا أتذكر (طاش ماطاش) قلت لهم وين رئيس الأمن الأستاذ الخليفي قالو لي مو موجود روح إلى نائبه … فذهبيت إلى نائبه فقلت بما أنه رجل واعي وفاهم سوف أتفاهم معه قلت له أحتاج الرخصة على شان اطلع من الجامعة فقال لي جيب بطاقتك الجامعية أول . فقلت له في البيت والشارع ملين تفاتيش واليوم الأربعاء يعني بدون إثبات على طول توقيف إلى يوم السبت قال لي مالي شغل دبر حالك قلت له شوف الكمبيوتر أو أي شي قال لا لازم تجيب البطاقة … لما زهقت من هذا الموضوه وشفت إنه ماله نهاية قلت له طيب المخالفة على أيش قال لي ممنوع تكون في الجامعة بدون تصريح قلت له من متى هذا القانون قال لي من زمان فقلت له لكنه مو موجود في ورقة مخالفات الجامعة والتي عليها مخالفة الحزام رغم أنه فقط قبل سمسترين طبق . قال هذا القانون قديم وأحين الهدرة ماراح تفيدك شي . قلت له طيب ليش السكوتية على البوابتا مايدخلون الطلاب الجامعة إلا إذا كان عندهم تصريح قال لازم تجي تأخذ لك تصريح من المكتب قلت له قبل المكتب تفتيش المخالفات قال لي مايفيدك شي لو بشطب المخالفة عليك شطبتها على الطلاب كلهم . فقلت ليه يعني بالمختصر المفيد هذي عملية نصب على الطالب ندخله الجامعة بدون تصريح على شان نعطيه مخالفة داخل …
فكرة ماتخطر ولاعند إبليس والله حسيت إني ياجماعة (إنضربت قفى على غفلة )
بكرة ياجماعة يوزعون مخالفات على التضليل . ( ويولوا قانون قديم )
لو كان فيه إعلان على مخالفة عدم وجود تصريخ مادخلنا الجامعة بالسيارة أو وقفنا برة أما الجامعة فعملت لنا (خذوه فغلوه )
وطلعت من الجامعة وقمت أغاور في التفاتيش ( أنزل أمشي من ولاا التفتيش ) ياجماعة لوصادوني بدون إثبات ويش راح يكون وضعي بس الحمد لله عدت على خير هذه المرة ولكن كيف المرة القادمة ( أخذ الرخصة أو الهوية غير مسموح إلا لرجال الشرطة ) مو الجامعة أو الأمن يورطونا .
وسوف أبث شكواي إلى المسئولين يوم الأثنين ولكن وين أروح أشتكي عند الأمن ؟
بعدين يا ليت لو يكنسولون البوابات … انا اشوف ان مالها اي داعي … بس زحمه سير …
اللي اشوفه فصل سكن الدكاتره و المدارس عن الجامعه و كلياتها فصل كلي و يكون لهم بوابه خاصه و زيارات و الطلبه و الكليات يكونون مفصولين و نطلع و نجي على راحتنا … و يكون في امن يدور على اللاينات و العماير للامن … مش لوضع المخالفات
يوم من الأيام مريت على التفتيش الزلع إللى عند الجمعيه
وأنا حاط التصريح فوق المرايا إللي تنزلها لما تجيك الشمس في وجهك…
جاني الأخ اللطيف يقوللي وين التصريح قلتله هذا هو قاللي ليش منت حاطه على الطبلون … وكذا و كذا … بعدين قاللي سفط على جنب و صكني بذيك المخالفه المحترمه نزلت من السياره و شققتها في وجهه …
و دعست بالسياره و عطيتها نطله ولو كانت سيارتي قير عادي لعطيتها قرصه …
