بسم الله والصلاة والسلام على رسول الله … محمد بن عبد الله … وعلى آله
وصحبه ومن والاه …
أما بعـــــــد:
إخواني … الموضوع … بالنسبة لي … مهم جدا جدا جدا … لكن لبعض الطلاب
اتوقع انه ما همهم …
الموضوع بكل صراحة …
الطالب… المسكين … يكرف يكرف يكرف… ويقعد بالشهر والشهرين … ما يشوف اهله …
حالته النفسيه تتعب … وتحصيله يقل…
من جد … تلقون … الدرجات اول الترم فووووق … ويطلع بمعدل 2.3
طيب … ايش المشكله … مو فيه ويك اند … ممكن يوسع صدره … فيه ؟؟
انا اقول … انه توسيع الصدر … مع الشباب … غير مع اهلك …
لاحظوا .. ان الطلاب الي عايشين مع اهلهم بالشرقيه .. اقل هموم ..
واقل حالات نفسية متقلبه …
ليش؟؟
لأنهم عند اهلهم …
طيب … انتم تتسائلون … ايش الموضوع ؟؟
انا اقول لكم … ارامكوا… طبعا لمن اقارن بآرامكوا… لأنها المقارن مع جامعتنا …
لمن يتزوج الطالب.. يضاعفون له المكافأه ..
ويعطونه سكن … للطلاب المتزوجين …
طيب… انا واحد من الطلاب … الي ابي اتزوج … وبكل ما تحمله الكلمه من معنى…
لكن … وين بسكن بنت الناس؟؟
كيف بصرف عليها … وكل الي يجيني … 990 ريال … تخلص في غسيل وبنزين
واشياء كثيره …؟؟
كانوا يعطون الطالب المتزوج .. زيادة .. في المكافأه .. ويعطونه سكن ..
وأنا متأكد … لو بنتناقش الموضوع هذا مع احد الدكاتره … الي فاهمين في علم النفس…
كان اثبت لكم … انه المتزوج … تحصيله … افضل من الغير …
طيب .. ليش .. ما ييسرون الموضوع ..
لو كل من أراد العفه لقاها … كان كثيييييييير من الشباب … ما سلكوا طريق الخطأ
انا ما ودي أطول … لأني فعلا ً … منقهر من الموضوع هذا …
تعبت … والله ماني قادر اداوم … ولا اذاكر… ولا شي…
ولولا الله ثم اني عند دكاتره طيبين … كان متورط بعمري…
يا جماعة … انا ابي حل …
حتى لو صغير …
ما فيه احد بيزوج بنته … ويخليها عنده في البيت …؟؟؟
ولا راح تقط وجهك على ابوك … يصرف عليك وعلى بيتك … وعلى بنت الناس؟؟
( ابي الغالي … ارجوك … رجاءً خاص… انت ما قصرت … لا والله … لكن نبي حل للحاله هذي… )
اتمنى … إني ما ازعجتكم … بموضوعي المتكرر … الي ما انحل…
اتمنى انه ينحل…
على الأقل … الواحد … لمن يتضايق … يقدر يتكلم مع اهله … يطلع يتمشى معاهم … ينسى الدراسه باللي فيهم …
مو لمن يدخل على روميته … يقوله تعبت … ونفسيتي تعبت …
( طيب .؟؟ وش تبيني اسوي لك ؟؟؟ )
يا ربي…
وصعبه الواحد … بيتصل على امه … ينكد عليها يومها … بمشاكله ؟؟
حتى والله التلفون … ما ينفع … اسألوني…
انا واحد من الطلاب المعذبين ..
مثال حقيقي… من دراستي… ( في مادة تخصص… كنت متحممممس …
اول مادة تخصص… ميجر 1 اخذت الهايست على كل السكاشن …
لكن طلعت من الكورس بكم؟؟؟ C )
ازعجتكم …
لكن
ابي حل…
|5|
و ممكن تصبر, و ممكن تزور أهلك كل أسبوع اذا فلوسك زايدة, و ممكن تتزوج مسيار 