السلام عليكم 
يقولون بالجامعه ان المعدل التراكمي للطلبه نزل و انخفض … طيب وين الاسباب … هم قالوا لنا المشكله و نسوا يعطونا الحل و كأن الحل بين يدينا …
طيب السمستر هذا عندي PE102 و IAS301 و اخذتهم عشان ارفع المعدل و اكتشفت بالنهايه ان هذي المادتين ماهم اللا هم فوق هم مواد التخصص و ياليتني ما اخذتها عند الدكاتره اللي اخذتها عندهم لأن كل واحد على باله اننا ندرس تخصصه مادته و الله العالم انهم ماخذين مقلب بانفسهم و علماً اننا دائما نقول للدكتور حق الـ IAS301 ان الاسئله صعبه مقارنه بالدكارته الثانيين و الدرجات زفت لدرجه ان كثير من الطلبه قالوا للدكتور بوسط الكلاس …
المهم دكتور العربي الموقر … اليوم عطانا درجات الحضور اللي من 10 … و اكتشفت اليوم ان بس واحد اخذ 10 من 10 و الباقيين الله يستر عليهم … و في واحد اخذ صفر … نعم صفر … طيب نقوووول هذا تكاسل من الطلبه … لكن مافي مساعده للطلبه ؟ يعني رحمه على الاقل …
دكتور ثاني يدرس IAS311 يوم شاف ان درجات الطلبه نازله اعطى كل طالب 4 درجات زياده . (يا اخي ياليت كل الدكاتره مثله) … يا اخوان خاطري اعرف ايش اهميه الشعر و المقاله و المحاضره بتخصصاتنا ؟ مالها اي دخل من قريب او بعيد … المفروض تكون الماده سهله للطلبه و تكون مساعده على رفع المعدل… بعض الدكاتره تلقاه يساعد الطلبه باي شكل من الاشكال و يحاول انه يعطي الطلبه اعلى القريدات و بعضهم (و ادعي ربك انك ما تطيح بواحد فيهم) يقلب الماده تخصص و تحفظ شعر و نقاط و تعاريف و تعرب و تشكل ابيات الشعر … و مافي زياده بالدرجات و ياليت لو تكون الماده افرج على الاقل يمكن يكون الوضع افضل … انا اشوف ان مثل مواد العربي و الاسلاميه تكون مواد تساعد الطلبه و ترفع لهم المعدل … مو تجيب العيد فيهم … (طبعاً مو كل الدكاتره)
طيب نرجع للـ PE102… المفروض يعني يكون الصف بحدود +A الى +B للناس اللي تحضر و تواظب على الحضور حتى ولو كان ادائها ضعيف من الناحيه الرياضيه (على بالهم اننا بمنتخب السعوديه 
)
طبعا انا من الناس اللي ما غبت و لا غياب علما انها الساعه 2 الظهر … يعني اقوم من النوم و اطلع لها عشان خاطر القريد بس … المهم و اليوم و باخر كلاس … قال لنا العبوا الـ Game و راح انادي بالاسامي و كل واحد ياخذ قريده و قال كل واحد اخذ اكثر من حقه … قلت بنفسي يا ولد … شكله بيعطي الطلبه قريدات حلوه … و الله و انا العب و قال فلالالالالالالان … و انا اطب بنحره و اقول بشر ؟ قال +D 
قلت حرام يا مدرب … و لا غياب و دائما هنا قال انت اخذت 66 قلت له طيب يا اخي اول مره بحياتي العب X و اول مره بحياتي العب Y فكيف تتوقع مني اني اضبط الاختبار ؟ قال لي خلاص … C قلت له ما تنفع … قال عندك غيابات ؟ قلت له لا … وشاف الدفتر و قال +C قلت له يا مدرب … خلها B (و الله من الحاله التعيسه اللي اعيشها من القريدات اللي اشوفها) قال لي ارجعها C و قال لي مثلك مثل غيرك … و اشوف الدفتر و اللا كل الخلق C و +C حاولت اشوف شئ فوق … لكن ما قدرت :eek: قلت له طيب مو مشكله … حتى كلمه مشكور ما قلتها من القهر … قسم بالله قهر اخرتها +C بـ PE هذا القريد اخذها بماده تخصص مش برياضه و اقعد على جنب و اناظر وجيه الطلبه و كل الطلبه زعلانين على القريدات اللي جاتهم …
يا مدير الجامعه ؟ هل تتوقع العيب مننا ؟ او من الدكتور ؟ او من نظام الدرجات اللي ما ادري وش يبغى ؟ هل تتوقع انخفاض معدل الطلبه بسبب الطلبه نفسهم او بسبب الدكارته او بسبب نظام الدرجات ؟ انا ابغى اجابات واضحه ؟ و الله العظيم شكلها كذا بالنهايه راح ادفع لكل دكتور 500 ريال عشان يعطيني قريد … ياعالم ياهوووه … ترى الشركات صارت تطلب فوق 2.75 كمعدل اولي غير المفاضله … ياعالم ياهووه… نبغى نتوظف و نشتغل و نتزوج و نجيب عيال و نعيش حياه مثل البشر … ياعالم ياهووه مو معقوله اكرف 5 سنوات بهذ الجامعه و يروح شبابي بين الكتب و غيري القاه كل يوم بديره يتمشى او يدرس 4 سنوات بجامعه ثانيه و اسهل من جامعتنا و ياخذونه بالتوظيف مثل ما ياخذوني … ياعالم ياهوووه وش نهايه المصيبه اللي اسمها طراره القريد …
قسم بالله العظيم … مش عارف وش نظام القريدات … يعني انا اسال اكثر من دكتور يقول لي … لازم واحد +A و واحد A وكم واحد +B و B و باقي الصف +C و C و +D و D و F للي بايعها من الاساس … ابغى اعرف الـ C و الـ +C وش تسوي لنا بالجامعه ؟؟؟ هذي نقشر فيها بصل ؟ ليه التشدد بالدرجات علما ان كل الطلبه فاهمه و ما دخلت الجامعه اللا بعد اختبارت صعبه و (لووول… انجرحت يدي بطرف الطاوله …لووووول و الله من القهر |5|)
في خاطري كلام كثير لكن نسيته … 
و ان شاء الله اللي كتبته وافي و كافي و ياليت من مدير الجامعه يشوف لنا حل مع الدكارته قبل مايجي اليوم اللي اشوف رقمي الجامعه معلق بورقه المدسمسين (فال الله و لا فالك … هع هع هع)
** مره دكتور … شاف بروجكت لماده ICS يقول لي بروجكتك هذا مو انت اللي مسويه … و قام يسألني و يسألني و يوم اقتنع رفض يعطيني FULL MARK و حجته انه يشك اني كتبت البروجكت … يعني بالله عليكم وش رايكم فيه ؟
وبالنهايه اي واحد يعرف دكتور ياخذ فلوس و يعطي قريد (طبعا ICS) يكتب لي اسمه بالخاص … لأني من جد تعبت من شئ اسمه … من جد وجد و من زرع حصد … هذا الشئ بمكان غير جامعتنا… لا احد يقووول حرام …لأني اعرف انه حرام لكن ما ابغى بعدين مثل فلان اللي شفت شهادته الجامعيه مرميه مع (الله يكرمكم) النعل و الجزم… و متوظف بشهاده الثانويه
و السلام مسك ختام
و ادعولي بالتخرج و الوظيفه الزينه … يارب يالله
