بسم الله الرحمن الرحيم
هذه بعض النصائح على مدرسين قسم الدراسات الإسلامية و العربية … من واقع خبرة و مشاورات حثيثة…بذكر طريقة المدرس و نتمنى مساعدتكم
****الدكتور سعيد القحطاني(إسلامية) : هذا الدكتور من أروع إنتاجات هذا القسم … دكتور يخليك تدخل جو مع المادة … و حبيب مرة حبيب … ممكن الأختبار الأول يزيد كل طالب درجتين … و في النهاية يحذف غيابين … ينتهي الفصل تتوقع تجيب بي بلس يحط لك +A عادي … يعني دكتور يعطيك أكثر من حقك بكثير
**** الدكتور عبدالملك قاضي (إسلامية): دكتور طريقته غريبة جدا … الإختبار الأول عليه 20 و الثاني 35 و النهائي 45 … ما عنده درجات على التحضير … لكنه شديد في التأخير … يحسب التأخير كأنه غياب بعض المرات … سبع غيابات ينزل لك DN … أسئلته بدون أدلة لا قرآن و لا سنة … و سهلة جدا … و لكنها أوقات من بين السطور … ما أدري عن طبيعة القريد عنده لكن شفت طلاب جايبين 6 من 20 و 14 من 35 … إن شاء الله بشوف قريدي و بقول لكم
**** محسن النمري(إسلامية) : دكتور ممتع جدا … تشوفه تحسب إنه قاسي … و يهزئ الطالب اللي يحط رجل على رجل و اللي يسهى …لكنه طيب مرة و حبوب إلا إذ نرفزتوه قبل الإختبار … هو مدرس حليق اللحية و عالم في متفرعات المذاهب الأربعة الفقهية … من النوع اللي حبيب لكن لا تنرفزونه … يعصب و يجيب أسئلة صعبة … بس بالحصة خذ لك حفـــال…
****محمد العيدروس ( إسلامية ) : والله في واحد من الربع منزل معاه … مسكين يقول أول مرة أندم إني ما حذفت مادة إسلامية … مسكين متوهق و رايح فيها … و المدرس دجة … و يا ساتر إستر يقول :يكرفك بحوث … و اعمال تسويها على الباور بوينت … و تخقيقات للجوازات و المدارس و استبيانات … و يلزمة بمذكرة من كتابته هو متشعبه ماتفهم منها شيء… و جدا دقيق بالتصحيح
*****عبدالرحمن هوساوي(إسلامية) : ما سمعت عنه إلا إنه مرة كويس …
*****المشوخي ( إسلامية) : اخلاق جدا تعبانة ولا يحترم الطالب و يعامل الطالب كانه طالب مدرسة
***** السندي (إسلامية ) : زوين…
***** عصام الحميدان ( إسلامية ) : مدرس طيب و على فكرة هو إمام جامع حمد المبارك بالدمام … مررررة صوته حلو ما شاء الله … والله تدخل جو مع صوته تحس إنك حشرة !…
***** القرارعة و ناصر الخليفي و مسفر القحطاني … سمعت انهم كويسين
***** العساف : حبيب و طيب
*****الأمين المبارك ( عربي ) : بصراحة أنا هالمدرس ما سمعت عنه إلا إنه من أطيب المدرسين في هذا القسم
***** أسامة الملا و محمد الملا ( عربي ) : مدرس حبيب و جيد . يطلب منك تلقي كلمة عليها 5 درجات و يعلمك الإلقاء خصوصا كورس ( 201)
***** الزامل : نكبة … هذا أقل ما يقال عنه
***** عبدالكريم الزهراني : مررررة حبيبب و طيب … يعطيك سورة تحفظها و تسمعها و يعطيك عليها بونس (زيادة درجات)
***** المعتوق : قالب العربي ماث… أنواع الكوزات و الوسوسة
***** قرعاوي : أسئلته قلق و تسحيب
***** عبدالله عمر إبراهيم : والله هو حبيب … درسني و جبت عنده +B مع الناس يقولون إنه شديد ( لا تفهمون غلط مو دافور …بس جت معي يمكن )
**** التويجري : كويس…
ــــــ
والسلام عليكم
ما بغت تفتح هالصحفة … هلا … نسيت أقول لكم شي عن الدكتور قاضي … الرجال يحس إن المحاضرة تأدية رسالة…و تحمل مسؤوليات … ويقول اللي يبي يروح عند دكتور ثاني يتفاهم معه و يقول لي ما عندي مشكلة يروح و هو مسجل عندي و بعدين ذاك الدكتور يعطيني قريده!!!! …
:eek:
بصراحه الموضوع جدا رائع ومتميز بس تبون نصيحتي بالاسلاميه
لايفوتكم الدكتور سعيد القحطاني دكتور اكثر من رااااااائع انا اخذت معه كورسين زي الحلاوه
اما العربي الدكتور عبدالكريم الزهراني ممتاز
بس نصيحه ابعدوا عن الزامل ترى نكبه مثل ما قالوا الشباب يكرفك و يخسرك و اذا اعطاك سي نعمه
والدكتور الهوساوي جيد و تسعين بس يسال كل كلاس
يا شباب أنا كنت منزل “أخلاقنا” عند دكتور جديد اسمه خالد العبري. اللي ما ذاق طعم الA+ لازم ينزل عنده هالحين!! أول ما شفته قلت والله باين عليه متشدد وكلاسه ممل، ولكن طلع حبيب وكلاسه ممتع، وينكت دايم!! وأسئلته مرة سهلة لدرجة إنه في المياجر ما يجيب أدلة أبدا(يجيب في الفاينل!)، لكن لازم تسجل اللي يمليه في الكلاس. وبالنسبة لي كان عندي 3 غيابات ونقصني درجة في ميجر 2 وشوي لخبطت في الفاينل، وفي الأخير: A+ والحمد لله! وعلى فكرة اللي يعرف شي عن مسفر القحطاني لا يبخل علينا
شرحه ممل جدا ، أسئلته سهلة لكن يبغى اجابة دقيقة جدا
سعيد القحطاني :
قمة الاخلاق الاسلامية الرفيعة والتعامل الراقي
مهما قلت فلن اوفيه حقه
عبدالكريم الزهراني :
تاخذ عنده قريد محترم بالراحة
أسامة الملا :
أخلاق ليست بالمستوى الرفيع جدا
مياجره مويه
راح تستفيد منه كثيرا في مهارات الاتصال المختلفة
كلاسه غير ممل ابدا
عبدالله المشوخي :
كلاسه ممتع جدا ، ويخرج عن الدرس دائما و يتطرق الى مواضيع سياسية حساسة جدا ، المدرس الوحيد اللي ماغبت عنده ولا غياب
اخلاقه غير ممتازة ابدا
اسئلته سهلة لكن قليلة جدا يعني كل سؤال بقريد
تسلم يدك على هاالموضوع اللي راح استفيد منه واجد ان شاء الله
انا راح اتكلم عن الدكتور عبد العزيز أبو صقر
********************************************
الدكتور عبد العزيز أبو صقر ((اسلامية ))
********************************************
دكتور قمة في الاخلاق والتعامل مرة حبوب وطيب قالوا لي ان اسئلته سهلة جدا بس لما درست عنده كان عليه بعض الطلعات في المياجر يحب السوالف والضحك يكره التأخير وكان يقول ان اللي يتأخر ماراح اخليه يدخل الكلاس مرة ثانية ومع ذلك يخليه يدخل حتى لو تأخر مرات عديدة اذكر ان في ميجر2 جاب اختبار صعب لذلك الطلاب جابو العيد زاد كل طالب درجتين وفي بعض الطلاب زادهم من خمس الى سبع درجات والفاينل جابه سهل نوعا ما
حاول انك تكتب اللي يقوله لانه بعضه يجيبه في الاختبار حتى لو مو موجود في الكتاب
نصيحة خذ عنده بس كون مركز في الكلاس تجيب قريد عالي
111 دكتور بوصقر: كلاسه ممتع واسئلته سهله ويكررها ومتعاون مع الطلاب ويسهل عليك المادة ولازم تكتب معاه لانه يجيب من اللي يقوله.
101 عند دكتور الزهراني: ممتاز جدا شرحه حلو وتعامله حلو وكلاسه ممتع ويعطيك اكثر من حقك متعاون جدا جدا.
201 اسامة الملا: يكرف على خفيف ويخلي اخر شهر ونص تقريبا للمحاضرة كل يوم يطلع طالبين او ثلاثة يلقي موضوع من عنده. اسئلته مالها علاقة تقريبا بالكتاب يعني من راسك تحط الاجابة وقريده ممتاز بس لاتغيب عنده.
211 عند الحميدان: من افضل الدكاترة اللي يسهلون المادة على الطالب ومايخليك تحفظ جميع الادله ويحدف البعض ويحذف بعض المواضيع واسئلته سهلة ومباشرة ولازم تكتب معاه. تقدر تعوض بعض الدرجات اللي ناقصتك اذا جبت له نشاط يكلفك فيه وتسويه.
322 سعيد القحطاني: الشهادة فيه مجروحة واللي قبلي كفو ووفو عنه.
301: حاليا عند عبدالرزاق؟؟؟؟
416 عند السندي: طيب وخلوق بس يبيلك تحفظ كل شي اسئلته سهلة بس احيانا يجيب تواريخ بين السطور لكنها عموما سهلة. لازم تكتب اللي يقول عنه مهم والقريد بتاخذ حقك مو اكثر منه.
فعلا الدكتور أبو صقر قمة في الاخلاق والتعامل والشرح … وما يكتفي بالكتاب فقط يجيب مراجع قديمة معه للكلاس ويشرح كل شي بالتفصيل … حتى اتذكر درس واحد بس يشرح فيه اسبوعين كاملين ( الايمان باليوم الآخر ) … حتى اصبحت مادة الاسلامية افضل مادة و احضرها بحماس عكس بعض المدرسين الله يستر عليهم …
