بسم الله الرحمن الرحيم
با ختصار يا معالي المدير نرجوا منكم السماح باعاده بث القنوات الترفيهيه
في ربوع جامعتنا الحبيبه مثل قنات( mbc) و المستقبل وبعض القنوات الرياضيه
والشبابيه وذالك للاسباب التاليه:
1- ذبحتنا الاخبار (لانه بصراحه كلها تسد النفس)
2- اعتقد ان كل الطلاب (عاقلين) يعني يعرفون الصح من الغلط
3- توفي المشاوير والتكاليف على الطلاب (ومقاطعه كازينو العريقي)
4- نحتاج قنوات ترفيهيه ما نبي قنوات اخبار
هذ الطلب نيابه بعض اصدقائي وكلنا بانتظار الرد
مع اعذب التحايا
الساهر
قناة المستقبل مافيه مصلحة من رجعتها لانها قناة شخيفة جدا وتعرض برامج اقل مايقال عنها سخيفة…
انا اطالب بعودة mbc لما فيها من برامج مفيدة سواء ترفيهية او علمية او دينية
كما نطالب بعودة قناة art الرياضية لان قهاوي الشيشة ذبحونا بالمباريات المشفرة… وا تنسى ان مدير الجامعة ان المدير السابق عرض لنا كاس العالم على art علشان يفك الطلاب من القهاوي… واعتقد ان مشاهدة المباريات مافيه شيء من ناحية الشرع او الدراسة… يعني مالك عذر
ايضا… لاتنسى ان قناة orbit espin ماعاد لها اي داعي لانها تعرض مباريات بيسبول وفروسية وخرابيط حيث ان جميع المبارايات انتقلت الى قناة جديدة اسمها اوربيت الرياضية او القناة رقم 19 في ديكودر اوربت
قناة أوربت ESPN ممتازة ! أرجو أن ما أحديقرب عليها! فيها رياضات جيدة!
مثل التنس الأرضي: لعبة محترمة وعلى مستوى! الدوري الأمريكي في كرة السلة! والألعاب الأمريكية الأخرى اللي ما تعرضها القنوات العادية ! وهناك قنوات رياضية موجودة الآن مثل السعودية الرياضية ودبي الرياضية وكلها تعرض الألعاب اللي أكثرية الشعب هنا يحبها! فأرجو عدم مضايقة الناس أصحاب الأذواق الأخرى في الرياضة
والله ما ضيعكم في دينكم الا هذه القنوات والقهاوي وبعدين أسالك بالله العظيم الذي خلقك وسواك وفي احسن صورة ماشاء ركبك تصلي الفجر مع الجماعة في مسجد العماير ولا لا …اتوقع99 % الجواب لا…
وبعدين من تقصد بالمتطرفين اذا انك تقصدنا احنا الملتزمين هذا فخر لنا اننا متطرفين عن طريق ابليس وأذنابه من …
وفي الختام اسأل الله ان يهديك وان الجامعة تواصل منع بث قناة المستقبل واللي على شكلها…
صح الله لسانك يامعتصم …واتوقع انا قفلنا على الموضوع هذا من زمان …ويقولون المذاكرة زينة لان الفاينلاث على الابواب.
تحياتي…
غزل القصيد
صاحب الموضوع له حق يطالب باللي يبغاه لكن هذي الجمله ( ممنوع دخول المتطرفين) مالها داعي بالموضوع 
أرجو ان يتسع ضدرك يا أخي المعتصم بالله لانتفادي هذا الذي وددت اني اكتبه لك في الرسائل الخاصة ولكنني اكتبه هنا لاته يناقش مشكله دائما ما نواجهها مع الأخوه الملتزمين.
أما في قولك:(الله ما ضيعكم في دينكم الا هذه القنوات والقهاوي وبعدين أسالك بالله العظيم الذي خلقك وسواك وفي احسن صورة ماشاء ركبك تصلي الفجر مع الجماعة في مسجد العماير ولا لا …اتوقع99 % الجواب لا…)
مانت شايف انك تهجمت على الرجال بأسلوب جاف وأسأت الظن به بأنه لايصلي مع الجماعه ؟ هل تعلم الغيب؟! وهل تعتقد انه بمجرد ان يقرأكلماتك هذه سيتنازل عن طلبه ويذهب ليصلي في المسجد؟!
قال تعالى:(وادع الى سبيل ربك بالحكمة والموعظة الحينه وجادلهم بالتي هي أحسن)
لابد أن تكون مررت على هذه الآيه ألم تتفكر بها؟ هل تعتقد ان أسلوبك هذا فيه شيء من الموعظة الحسنه؟
فأقل ردة فعل لصاحب الطلب ان لايرد على كلامك والا سوف تأخذه العزة بالأثم ويرد عليك هذه الهجمه بأقوى منها!!
ثم قلت:(وبعدين من تقصد بالمتطرفين اذا انك تقصدنا احنا الملتزمين هذا فخر لنا اننا متطرفين عن طريق ابليس وأذنابه من …)
فمن الواضح هنا أنك رديت الغلط بغلط والإساءه بالإساءه فهل هذا هو الإلتزام الذي تتحدث عته.
قال صلى الله عليه وسلم (إنما بعثت لأتمم مكارم الأخلاق)
تعلم ان للكلمة اثرا كبيرا يا معتصم و الكلمه الحلوة تذوب الحجر فأرجو ان تضع نفسك مكان من تكتب له لترى ردة فعله على ماكتبت ثم ترسل المشاركه وجزاك الله خيرا
أخوك المحب
في الحقيقة معاه حق الساهر يامن يقول لايدخل المتطرفين و لأضنه يقصد الملتزمين لكن يعني بعض الناس الذين يبنون على سواء النية غالبا هداهم الله
بالنسبة إلى القنوات أنا اايد إرجاع MBC لما فيها من التنوع الذي لاتجده في أي قانة فكل القنوات ممله إما تتلكم بخطاب محلي هامشي بحت ممل أو عندها خبر من العراق و خبر من فلسطين و تعيدهم طول السبوع و أنا هنا لأصغر من أهمية سماع الأخبار
لكن القتوات اللبنانية لا لما فيها من اقلة الأدب الذي لاتخلو منه قناة عربية (بستثناء المجد و المنار و إقراء) ولكن يزيد (مثل المستقبل) و ينقص (مثل غصب 1) حسب الموجة و الموسم!
بالمناسبة أحب الشكر الجامعة بعنف على قناتي Discovery و Natural Geogrpghy
,و أتمنى أن يكثرو من هذه القنوات
اللي يبي يروح للقهوه الله يسمح دربه يروح ولا يرجع الا اليوم الثاني و للا الثالث اذا يبغى
كل واحد ادرى بمصلحته و القنوات ما هي زي الاكل او الشرب او النوم نقدر نعيش بدونها عادي
اما المطالبه بفتح قنوات جنسيه عشان لا يروحون الطلاب للمقهاي هذي حجه من جنبها اللي يبي يروح يروح وياخذ معه دسمس و اللي ما جرب يجرب.
وسلامتكم
اللي يبغى يتفرج بكيفه
واللي ما يبغى يقفل التليفزيون (يعني مسوين دوافير ) ماحد راح يغصبك تتفرج
وبعدين هذي حريه شخصيه
[move=down][grade=“00008b ff6347 008000 4b0082”]Juggle الله يشفيك ان شا الله[/grade][/move]
اتمنى ارجاع
قناة mbc
وقناة الامارات
وقناة سورية
اما قناة المستقبل فلا والف لا لعظم مصيبتها وفسادها الكبير
ولو يضفوا عليها قناة الجزيرة الرياضاية
يصير دش الجامعة رووووعة
وربي صدقت يا الساهر
هالحين يوم يسكرون هالقنوات يعني امنعونا…هو القصد انهم يعني يختصرون الوقت علينا لكي لا نروح للقهاوي…
ولا رايحين رايحين… با العكس اذا جلسنا في الجامعه يمكن انخفف الزحمه براء وخاصة في الراشد بدال مطاردة هاك السلق الي يقالهن بنات يعني قناة الفيوتشر اخلع من بنات الراشد…؟
وبعدين والله انك صادق يا الساهر يوم تقول ممنوع دخول هالمتطرفين.
انت يا معتصم ما تدري ان فيه قاعده تقول شي اهون من شي يعني ايهما اهون جلوس الطلاب في الجامعه في متابعة فيلم ولا مبارة او تسكع في الراشد والخبر وهالقهاوي…؟طبعا بتقولي كلاهما واقولك معصي وش شايفنا طالبان كل شي ممنوع وش فادهم ناس طلعو من حرب وعلى طول بدو يفتون ولا… رجم بعد… والذي يحلق لحيته يجلدونه على بالهم يبي يطلعون مثل وقت الرسول… اصلا لو يعرفون وقت الرسول ما فعلو غلوهم وتنطعهم في الدين والحكم بجهاله.
القاضي في السعوديه يجلس 20 سنه في القضاء حتى يحكم با الحدود وهؤلاء خمس سنوات بعد حرب.
بعدين انتم يا مطاوعة الجامعه تراكم عايشن في ترفيه شؤن الطلاب تدعمكم من فلوسنا وتسون رحلات وسفرات على حساب عشراتنا ولا قلنا لكم شي…وتسون مسابقات ومن فلوسنا ولا قلنا شي!!!!!!!!!!!!!
واذا ندخل با المسابقات مانفوز… ما يفوز الا المطاوعه!!!!!!!!!!!
رحله الا مكه ويسكن في هلولدي ان …سلملي على العمره
والا جر على حسابنا
خليتو شي لنا حتى الاجر ما نعينه عنا…
ولا رحلة الى ابها البهيه وفلات امطار وبراد وضرب مفاطيح بها المخيمات وطائره وقدم …مادرى عنكم الحكير ولا اخذ ارائكم بوضع الملاهي.
ولا يسافرون الى الخارج مع الندوة العالميه لشباب الاسلامي ويزورون البوسنه والهرسك ويمرون على سويسرا وفرنسا…ماهو فيه مسلمين اهناك من باب زياده الثقافه الاسلامي والدعوة.
ومن فلوسنا …ولا قلنا شي ولا تدخلنا بكم.
وهذي لهوكم وتفسحكم مو مضيعه للوقت!!!!!!!!!!!…طيب ما نبي قنوات افلام واغاني نبي قنوات رياضيه .رايح تتكلمون لان القصد ليس المنكر بل مجرد لقافه…والجامعه ولاسف تدعمكم.
بعدين بقول شي بصراحه بس لا تزعلون يا مطاوعة الجامعه وذا زعلتو طقو روسكم بحصيان الاينات تراهن يتحملن الشي اليابس.
فيكم ثقل دم ما عمري شفته وخاصه حقين الجواله …هم ومسرحياتهم المالغه السخيفه التى لا هدف لها.
وبعدين يا معتصم …انت فرح انك تصلي الفجر؟
اكيد انك امام مسجد…ترتل وتلحن مصد ق نفسك انك السديس ولا الشريم با العشر الاواخر…ومخلي هالي وراك ناعسين ومضيعين ولا تطلع من الصلاة الا اذا اشرقت الشمس وانت جالس ترتل
وش فايده من الصلاة اذا طلع وقتها على حساب ترتيل هالائمه.
نبي القنوات الفيوتشر والالبي سي والقنوات الرياضيه والغنائيه…والي مو معجبه لا يطالعها يحط قناة المجد.
ادري بعد كلامي ابصير كافر…ولا فاسق
ما هو ما خليتو احد ما كفرتوه انتم وطلبنتكم…
تحياتي
ا
السلام عليكم ورحمة الله وبركاته…
مظلوم!!
…؟طبعا بتقولي كلاهما واقولك معصي وش شايفنا طالبان كل شي ممنوع وش فادهم ناس طلعو من حرب وعلى طول بدو يفتون ولا… رجم بعد… والذي يحلق لحيته يجلدونه على بالهم يبي يطلعون مثل وقت الرسول… اصلا لو يعرفون وقت الرسول ما فعلو غلوهم وتنطعهم في الدين والحكم بجهاله.
وما دخل أُسْد طالبان في الموضوع؟
أهو حقدك عليهم لأنهم منعوا أشباهك مما كانوا يعملون هناك؟
أم أنه جهل بل وجهل مركب وهذا والله ما يظهر من خلال أسلوبك الركيك وخطابك الهابط!
فأي تنطع وأي غلو يا جهول هذا الذي عند طالبان؟
قارن فقههم بفقه مشايخنا ابن باز وابن عثيمين والألباني والجبرين وغيرهم وستجد أنهم كلهم على منهج السلف الصالح، وهذا ما أظنك تقصده بالتنطع!!
القاضي في السعوديه يجلس 20 سنه في القضاء حتى يحكم با الحدود وهؤلاء خمس سنوات بعد حرب
الرسول صلى الله عليه وسلم حكم بالشرع ونفذ الحدود فور أن شُرِعت، أحتى تحكيم الشرع صار وفق خطط عشرينية عندك!! هات لنا هات يا فقيه الزمان!!
أما كلامك عن الــ(مطاوعة) فلن أرد عليك لأنه ببساطة " هــــذر" !!
ولكن جميل منك أن عكست ما في نفسك عن الــ(مطاوعة) حتى نعرف ما أنت!
ربما كانت ثارات قديمة (وافهم إن كنت لبيبا)!
نبي القنوات الفيوتشر والالبي سي والقنوات الرياضيه والغنائيه…والي مو معجبه لا يطالعها يحط قناة المجد.
إنكار المنكر واجب وإن رغم أنفك، وهو واجب على كل مسلم كان (مطوعــ)ــا أم لم يكن!!
وأذكرك أنك موقوف أمام الله يوم القيامة وسيسألك عن جملتك هذه " نبي القنوات الفيوتشر والالبي سي والقنوات الرياضيه والغنائيه…والي مو معجبه لا يطالعها يحط قناة المجد"
فأعد لسؤاله جوابا!!
ادري بعد كلامي ابصير كافر…ولا فاسق
ما هو ما خليتو احد ما كفرتوه انتم وطلبنتكم…
سبحان الله، كاد المريب أن يقول خذوني!!
تتكلم بالكلمة وأنت تعرف مفادها ثم تأتي وتقول أدري أنكم بتكفروني!!
على العموم من شروط التكفير أن لا يكون المكفَّر مرفوع عنه القلم، فلا تقلق بهذا الشأن!!
وصل اللهم وسلم على محمد وآل بيته الأطهار وصحبه الأخيار.
والسلام عليكم ورحمة الله وبركاته.