السلام عليكم ورحمة الله
فالحقيقة انا من المقلين كتابة في هذا المنتدى
لكن الموضوع يحتاج الى تنبيه لعل غيري من زملائي الطلاب ينجون من ماوقعت فيه
كلنا فرحنا كثيرا عندما رأينا ابواب محل الأصيلة مفتوح (خمونا )
واضن ان بعض من الطلاب تحمس كثيرا لكي يشتري جهاز فمن كان مترددا
بادر الى الشراء ثقة بالجامعة (انا طبعا كنت منخم زيهم)
لكن بحكم تعاملي مع المحل المذكور(حلوه المذكور)
تبين لي ما يلي:
[move=up]انهم لعابين[/move] وغير صادقين في التعامل فتشتري جهاز ليصلك في المستقبل(اهم شي انه قبل التخرج)
وانهم غير صادقين في التخفيض فأسعارهم لا تفرق عن معرض جرير سوى اربعين ريالا (على الأقل بالنسبة لجهازي) ولا تساوي التأخير في تسليم الجهاز
علما ان معرض جرير اسعارة مرتفعة
بالله عليكم واحد اووونر مثلي ايش يسوي اذا كان عنده همورك(وذ تشيز) او برجكت وكان وقت التسجيل والمعامل كلها محجوزة
طيب نقول اني استلمت الجهاز وطلع خربان او خرب وودته لهم متى يردونه عليك (اذا كانت هذه بدايتها الله يستر من التالي)
رسالة ابعثها الى مكتب التوجية في مبنى 17
ياليت تشوفون لنا حل مع هذى الشركة (مجموعة …)
اما بفتح فرصة للشركات الأخرى بالدخول (وان تطلب الأمر دعوتهم) لكي يكون هناك نوع من المنافسة في صالح الطالب
أو السماح للطلاب بالشراء من المحلات الأخرى غير محل الأصيلة
يكفي ان ملاقي محل بعمارة الدوسري بالخبر…نفس المواصفات اللي يبيعونها
تدري بكم؟؟
انت تقولي مايفرق عن جرير الا 40 ريال
وانا اقولك ان هاذي تفرق 500 ريال!!
ونفس المواصفات
طبعا مافي أمل يفتحون المجال لشركة ثانية…
لابد من استغلال الطلاب…خصوصا الطالب اللي خلفيتهم ضعيفة عن اسعار الحاسب…تلاقي الواحد يقول يبه ارسلي فلوس ويشتري بدون مايستشير ولا يدري انهم لاهفين 500 ريال منه
شباب اغسلو ايدكم من المحل
انا رحت للمحل وشفت الموظف ورفعت له ضغطه
جيته أسوي نفسي اهبل ما أفهم شي:d
ويقولي في عندك هالجهاز وهالجهاز وهالجهاز…قلتله طيب اش المواصفات يقول شوفه…قلت له اشوف ايش؟
قال الجهاز
قلت مسكر فكه لي
قال مااقدر
قلت له انا باشتري جهاز ترى مو جاي اشتري غطاء:(
قام وعطاني ورقه عنده وقريت مواصفات…الاشياء السلبيه طبعا ماكتبها ولما سألته عنها قال ماأدري ماأدري:o
الزبده هو ماارتاح لي…لانه يبي واحد يجي ولا يسأل
لو تلاحظون لما تدخلون عنده…مافي ترحيب ولا اهتمام…لانه مكتفي باللي اشتروا من عنده ((ونصب عليهم))…اكثر شي بيسويه لك…خذ الورقه واقرأ…هذا إذا ماقالك واله الاوراق عندي خلصت
لأنك لم ترى ما رايت
مع احترامي انت من موقف واحد حكمت عليهم ؟
انا قلت هذا عن تجربه معهم ومشاهدات شاهدتها عندهم تخيل في مرة
تقريبا يوم الإثنين صباحا دخلت المحل وفيه اكثر من من خمس طلاب عندهم نفس المشكله طبعا هذا غير الاخبار التي سمعتها عنهم و مشاكلهم مع الطلاب
يا اخي لما كنت اطالب بالجهاز كنت اشوفهم ما يتقيدون بالوقت يعني
الصباح مافي دوام والمغرب يفتح مع الإذان (طبعا وقت الصلاة انا في المسجد وما هل يقفل وقت الصلاة والا لا)
