شباب تحية طيبه معطره
انامنزل السمستر 041 CHEM201 وقلت ابي اشوف بعض مواضيعها دكاترتها بعض الكويزات
في الحقيقه يا شباب ما اخفي عليكم والله خفت من جد لدرجة اني افكر في هالمادة الى الآن
فيا شباب افيدونا ::::::::::::::::
*هل المادة تعتمد على الحفظ؟
*هل المادة سهلة او صعبه؟(لان الكويزات اللي شفتها تضيق الصدر)
*هل لها نوتات او مرجعك الاول الكتاب
ارجوا من عنده معلومات لا يتردد في الاجابه وشكرا
اخوكم
الحزين
مرحبتين يا الحزين
والله يحييك في قسم الكيميكال
CHEM 201 هي مادة الكيمياء العضوية وهي اسهل بكثير من 101 و 102
المادة يدرسها
صديقي
واحد بريطاني مسلم مضيع اسمه
طارق سعيد
علي شيخ
وافضلهم ترى البريطاني لانه يعطيك الاسئلة قبل الاختبار بيوم او بنفس اليوم
وكوزاته سهلة والدرجات عنده بالكوووووووووووم
بعض المدرسين الثانين يجيبلك اسئلة بالكوزات ما ادري من وين
المادة مادة حفظ حتى رقم الصفحات لا تحفظه 
المادة مالها نوت لان الكتاب من احسن ما يكون واسمه " فسندن فسندن"
وللمعلومية ترى السليوشن تجي منه اسئلة في الكوزات والاختبارات
ولاي معلومه اخرى انا حاضر
اخوي الولهان
اخوي الولهان سؤال سريع
من افضل في CHEM201
*حمدان
او
*فوريستال
من تنصحني به؟
حمدان ممتاز لكن هم دايم يحطون اسمه في التسجيل عشان يسجلون الطلاب
وبعدها يجي واحد ثاني محلة
وهذي الحركة صارت معاي في 001 ومع نفس الدكتور
وايامها جانا فورستل بدل من حمدان
فورستل ممتاز ايضا ويزلق من اسئلة الاختبارات الشيء الكثير
لكن حمدان اذا كان موجود خذ عنده وانت مغمض لان المادة common واسئلة حمدان معقدة اكثر من غيره
اخوي الولهان
اللي افهمه من كلامك ان كوزات حمدان صعبه
وهذا الدليل (واسئلة حمدان معقدة اكثر من غيره)
* (فورستل ممتاز ايضا ويزلق من اسئلة الاختبارات الشيء الكثير) للأسف ما ني فاهم العبارة يمكن اختلاف اللهجات
واشكرك على التفاعل
ولك مني اطيب تحيه
1-نعم حمدان كوزاته اصعب لكنه يشرح افضل من فوريستل
ففي الميجر اسئلة حمدان" الصعبة" تكون متعود عليها من كوزاته, بينما اسئلة فوريستل " السهلة مقارنة مع اسئلة حمدان" تكون عادية عندك
2-معنى يزلق اي يهرب . يعني قبل الاختبار يشرحلك بعض الاسئلة على انها مراجعة وتتفاجىء بانها اسئلة الميجر