السلام عليكم ور رحمه الله وبركاته…
يا طلاب البترول ( هندسة أو إدارة ) ودي أسئلكم هل العسكرية مجال للطالب بعد الجامعه
يعني طالب البترول ( على طول يقبلونه )
واحد من أخوياي راح الحرس الوطني و تخصصه هندسه كهربائية و معدله 2.8 … و راح يعطوه رتبة ملازم أول ( نجمتين ) و في كتيبة المهندسين سلاح الإشارة
فأنت وش رايك هل وضعت العسكرية كأحد خياراتك بعد التخرج ؟!!!!
علماُ بأن الوظيفه مضمونه بنسبة 90%
و الراتب الأساسي 6500 + بيت في الإسكان
-----------------
اخوكم / مهندس كهربائي
هلا ياباش مهندش 
العسكرية ياسيدي في ذيل القائمة بالنسبة لشخصي
طبعا عارفين حياة العسكري تختلف عن حياة المدني يعني من ابسط حقوق المدني انك تقدر تسافر الخارج محد يمنعك… لكن اذا عسكري؟؟ قابلني 
هذا مثال بسيط عن الفرق بين العسكري والمدني …
لكن اللي ربي قدّر عليه وتقفلت الابواب في وجهة وماعنده مشكلة في العنصرية والكرف والاستلامات وحياة العسكرية بشكل عام … فهذا …ندعي له بالتوفيق
وانا أنصح اللي يفكر في الموضوع هذا انه يشاااور العسكر انفسهم قدر الإمكان
فيصل …
لا تنسى أنت راح تكون ( ملازم أول مهندس ) … يعني مو شخص عادي …
و السفر … مو لازم كل سنه تسافر … ويمديك تجيب أذن بالسفر بالراحه …
و ما في مناوبة إذا كنت مهندس … لأنك مو خريج كلية أمنيه …
انا ما انصح احد فيها اللا اذا كان مجبور عليها
العسكريه = ذل و هوان للرتبه اللي اعلى منك…
يعني يجي مقدم يصارخ عليك و انت ملازم اول … و يقول كذا و كذا … و انت لازم تسوي كذا و كذا …
برائي انه اي خريج بترولي يصلح يكون عسكري
لانه عنده انضباط لدرجة عالية
وبصراحه انا احس حالي كاني باخذ عسكرية وانا قاعد في الجامعه من الجو الي حولي من دوام ومهمات من بروجكتات الى هوموركات الى مياجر وكويزات واذا لم تنفذ الاوامر بالميلن ياويل ويلك
وين ما رحت في الجامعه حاطين الدي ان و الورننج والدسمس امام عينيك ما تميل شوي الا يجيك واحد منها ويصفعك على وجهك
ما اقول الا الله يصبرنا
مهندسنا الكهربائي العزيز خلاص حط براسه فكرة العسكرية وماراح يشيلها لو شنهو قلتو له :)
الله يوفقك انشاااااااااااااالله
لوجك مان . وش فيه النجمتين
--------------------------------------------