السلام عليكم ورحمة الله وبركاته
اهلين شباب السيستم
حبيت اسألكم عن الفرق بين هندسة النظم الصناعية ( IE/OR ) وبين هندسة نظم التحكم (A/C)
بصراحة انا ما عندي الخلفية الكافية عن القسمين … ومحتار ادخل اي واحد فيهم ياليت اذا احد عنده اي خلفية يفيدنا بتعريف القسمين ومجالات العمل لكل قسم وايهما افضل … وايهما اسهل … لأن انا خايف يكون عندي تصور خاطئ عنهم وادخل قسم وانشب فيه 
مشكورين مقدما
هلا أخوي سفمور:
الهندسة الصناعية هي كالتالي: مزيج من الإدارة الصناعية و هندسة الإنتاج والجودة وعليها حبتين ماث
وصراحة الموضوع طويل ويحاتجله قعدة ، وخويك بطيء في التايبنج بس شوف الموضوع هذا أكيد راح يفيدك
http://www.skfupm.com/vb/showthread.php?s=&threadid=4431
أما بالنسبة لهندسة التحكم:
فهي قريبة جدا من الهندسة الكهربائية تعتمد فكرتها على محكاة الأنظمة و تحليلها وتصميمها
مثال: شركة تنتج الحديد وعندها في خط الإنتاج مرحلة يمر فيها المنتج(مثلا كرة حديدة) على سير والسير فيه سنسور ( قرون استشعار) تشوف إذا كان المنتج فيه عيوب أم لا( القطر مناسب والوزن و…)
الشخص اللي يصمم العملية هذه ويعملها تحليل ومحاكاة هو مهندس التحكم
وأكرر
الموضوع طويل ويحاتجله قعدة ، وخويك بطيء في التايبنج وتعبت اليوم من كثرة الكتابة
أتمنى إني أكون ساعدتك
ولعلي أكمل في الغد
اهلين اخوي عبيدة السقار
يعطيك العافية على المعلومات المفيده اللي قدمتها لنا
والله يوفقك بحياتك
وننتظر رجعتك ان شاء الله