ماني طماع واقول لكم ليه وليه وليه …
بس ابي تعطوني سبب مقنع واحد بس لإغلاق موقع المشاغب وسوالف سوفت ؟؟
بس واحد واظن انكم مو بخيلين …
تكلمت مع احد مدرسي قسم الMIS بخصوص إغلاق المواقع
خصوصا موقع alsakher.com فقال لي :
“” لا تكبّر الموضوع, الموضوع ومافيه يتعلق بالمادة - الفلوس - والجامعة تغلق المواقع الي تعتقد أنها غير مفيدة وفي نفس الوقت مكلفة بالنسبة لها …
لأن الطلاب يدخلون على تلك المواقع باستمرار والجامعة تدفع لمدينة الملك عبدالعزيز للعلوم والتقنية مبلغ سنوي نظير استخدام الطلاب للنت
وكل ما زادت فترة دخول الطلاب للنت وكل ما زاد عددهم
كل ما دفعت الجامعة اكثر “”
يعني لا تقولي تعقيد وإلا طبقية - عشان ال ITC - ولا يحزنون
المسألة مسألة فلوس لا أكثر ولا أقل
إن شاء الله يكون سبب مقنع بس
وشكرا لإصغائكم ومع أحلى الأماني - حسن كراني (: -
السلام عليكم ورحمة الله وبركاته
سبـحـان الله ياأخي !!
الواحد كان معزز مكرّم في بيت أهلـه
لمّا جاء هنا صار مايمشي الا بالشحاتــة
" في الباصات في الانترنت وحتى في الكاتشب بالمطعم الجامعي"
اخوي عصام يرحم والديك … يعني ماقصرت الفلوس الا على ذا الشئ ؟؟
خليهم يوفروا من أشياء ثانية
انّا لله وانا اليه لراجعون .
سلام
بسم الله الرحمن الرحيم
بتوقعي ان الجامعة حاليا تنهج نهج اي مزود خدمة ADSL
لأن بعد ما قامت سعودي داتا بفعلتا الشنيعة و هي رفع أسعار الباندوث اضطرت الشركات لتحديد الباندوث الخاص بالمستخدمين .
على سبيل المثال شركة زاجل كان الـ DSL عندهم بسرعة ممتازة جدا و كمية نقل بيانات مفتوحة ، أم الآن فلكل مستخدم 500 ميغابايت شهريا ، يعني لو يخلصون في اسبوع تضل باقي الشهر بدون نت. أو أنك تشتري لك 1 جيجا بـ 200 ريال … يعني شي أغلى من بيع السوق.
مع استمرار ضغط سعودي داتا و مدينة الملك عبد العزيز ما راح نبشر بخير.
الحين أنا في البيت كنسلت الـ DSL و جلست على easy net ترى يمدحونها
اقول لاتنسون ان كل الطلاب قاعدين
يدفعون 1000 و1200 ريال كل ترم للاسكان
على ايش؟؟؟؟
على الخدمات اللي طورها ولا على الحمامات اللي رمموها
طبعا ماسوو شي
مع العلم انهم ازعجونا وقال انكم لما تدفعو فلوس راح نطور ونسوي…
خرااااط…
اذا كان الانترنت اللي مقفل من كل مكان تسمونه تطوير
فهو لكم مانبيه…
نعيش بكرامتنا اصرف لنا…
مانين علينا بكل شي كأنكم تصرفون علينا من جيبكم
الله يخلي الحكومه اللي ماقصرت…
ماعمري انهنت مثل مانهنت بهالجامعه
والله لو ادري اني باأنهان هنا بالشكل هذا كان رحت اي جامعه ثانيه ولو بفلوسي
ولا أنهان منكم
والمشكله قاعد ادفع فلوس سكن وغيره وفوق كذا لاهفين المكافأه اللي تصدر لي من وزاره الماليه وفوق هذا كله
انهان…
ويقولون ليش تتدهور الجامعه…
تبي سبب مقنع اقرا القصيده هذي وانت راح تعرف السبب
سلطنة و سلطان
للشاعر عبدالرحمن بن مساعد
في زمن وهمي من الأزمان
كان ياما
وياما كان
سلطنة وسلطان
وفي يوم من الأيام …
يتصفح السلطان جريدة …
موضوع يسترعي اهتمامه …
أحمد محمد سلامه …
فـرد من أفراد شـعبه …
يائس وأوضاعه صعبه …
في الصبح يشتغل بواب … في مدرسة أطفال …
وفي الليل يشتغل شيّال … عنده ثلاث عيال …
فيهم مرض نادرعضال …
ماله علاج إلا في بلدان بعيدة …
كلفته ما يحتملها وفاقته أصلاً شديدة …
انسدت الدنيا أمامه …
وارتأى أن الطريقة الوحيدة …
لفتح أبواب الأمل … انه يوجه ندا … عبر الجريدة …
لاهل الكرم … واهل الشهامة
تبرق … في عين سلطان البلاد غمامة …
ويهطل الدمع من عينه …
يمسح الدمع بكفوفه …
ويخلع العمامة …
ويرفع للسما راسه …
ويقول …
ياربي الفرد الصمد …
سترك وعفوك …
ألهتنا عن الناس …
أمور الحكم والسياسة …
ينادي سلطان البلد :
يا حاجب …
استدعي وزير السلطنة الأول … رعد …
يجي رعد … ويبدي ولاَءه واحترامه …
صاحب المجد والكرامة …
سيدي السلطان أمرك …
أي كرامة يا رعد … أي كرامة
والمواطن في البلد … ضايع مقامه …
اتركك عن هالحكي … واسمعني زين
هذي مليونين خذها …
وصلها لمحمد سلامة…
أحمد محمد سلامة
خذ الجريدة … تلقى التفاصيل في الجريدة
لكن اسمع يا رعد … ما أبي يدري أحد
أحذرك … لا صحافه … ولا جرايد
هذي لوجه الله أبيها …
ويعلم الله … من وراها …
ما أبي مدح وقصايد …
أرتجي عفو الكريم …
في يوم بالأهوال زايد …
سيدي السلطان خيرك … في القديم وفي الجدايد
ربي يجزيك المثوبة … ويعينك بوقت الشدايد
يخرج رعد … ويستدعي وزير المال والأحوال … مرسال …
يجي مرسال … أمرك معالي وزير السلطنه الأول …
تعال يا مرسال … فوراً وفي الحال
خذ المليون هذا …
وسلموه … للمواطن أحمد محمد سلامه … من سيدي السلطان
خذ الجريدة … تلقى التفاصيل في الجريدة
مرسال … لابد هذا يتم الآن … فوراً وفي الحال
وبأقصى درجات السرية والكتمان …
هذي أوامر سيّدي السلطان …
يخرج مرسال … ويستدعي كبير الحراّس … فراس
يجي فراس
أمرك يا وزير المال والأحوال …
فراس … تعال
خذ هذي خمسمية ألف…
سلموها … للمواطن أحمد محمد سلامه … من سيدي السلطان
خذ الجريدة … تلقى التفاصيل في الجريدة
خذها الآن … فوراً وفي الحال سلمها
وبأقصى درجات السرية والكتمان
هذي أوامر سيدنا السلطان …
يخرج فراس … ويستدعي النقيب … حبيب
يجي حبيب … أمرك ياكبير الحراس
حبيب تعال …
خذ هذي المية ألف…
سلموها للمواطن … أحمد محمد سلامه … من سيدي السلطان
خذ الجريدة … تلقى التفاصيل في الجريدة
خذها الآن سلمها … فوراً وفي الحال
وبأقصى درجات السرية والكتمان
هذي أوامر سيدنا السلطان
يخرج حبيب …
ويستدعي مسئول المساكن … مازن
مازن … تعال … خذ الخمسين ألف هذي
سلموها للمواطن … أحمد محمد سلامة … من سيدي السلطان
خذ الجريدة … تلقى التفاصيل في الجريدة
خذها الآن سلمها … وفوراً وفي الحال
وبأقصى درجات السرية والكتمان
هذي أوامر سيدنا السلطان
يخرج مازن … ويستدعي رئيس الحي …
اللي ساكن فيه أحمد … عبد الحي
يجي عبد الحي …
عبد الحي تعال
خذ هالعشرين ألف
سلموها … للمواطن أحمد سلامه
خذ الجريدة … تلقى التفاصيل في الجريدة
خذها الآن … وسلمها لأحمد سلامة
عبد الحي … أهم شي السرية والكتمان …
هذي أوامر السلطان …
يخرج عبد الحي …
ويتوجه لمكتبه في الحي …
ويستدعي مساعِدُه أمين …
تعال ياأمين … تعال … شوف الجريدة
وخذ الألف هذي … سلمها لأحمد سلامه
ساكن هناك … عمارة في آخر الشارع
جنب مدرسة الكرامة
الدور الرابع … شقة ستة
وديها الآن … وقل له
هذي من سيدنا السلطان
واسمع ياأمين
احرص على السرية والكتمان
هذي أوامر السلطان
أمين واقف ورا باب شقة
أحمد محمد سلامة
يدق الباب
صوت من خلف الباب
مين ؟
ـ أنا أمين … مساعد رئيس الحي … عبد الحي
يفتح الباب … أهلين وسهلين
هذا بيت أحمد سلامه؟
نعم أنا أحمد سلامه
أحمد محمد سلامة ؟
أحمد محمد سلامه …
ممكن إثبات
طبعاً أكيد
فعلاً أحمد محمد سلامة
سيدنا السلطان … موضوعك استرعى اهتمامه
سيدنا بيسلم عليك
وحب يطّمن عليك
وكلفنا ننقل لك رسالة :
سيدنا السلطان … أدام الله أيامه
يتمنى للأطفال عندك …
كل الشفا وكل السلامة
مبروك يا أحمد تستاهل …
مع السلامة … !
الى الان ماشفت سبب مقنع … لأن ان جت على الفلوس ياخذون شهريا عشر ريال … ولو قلنا ان طلاب الجامعه اللي معهم مكافئات 5000 … يعني شهريا خمسين الف … سنويا يطلع 600000 الف … ماتكفي هذي ؟؟
على العموم ماقول الا حسبنا الله ونعم الوكيل …
تحيتي لكم…
ياشباب لاتنسون انكم تستخدمون انترنت مجاني عارفين ايش يعني مجاني
يعني لو كنا برا الجامعة كان الساعة 3 ريال و هنا جالسين
بالساعات ولا احد يحاسبنا عليها لا تقولون لي عشرة ريال
حقت صندوق الطلاب… اذا بس الانترنت بالشهر يكلف اذا قلنا
معدل يوميا ساعة انترنت 3*30=90ريال!!!!
وبعدين الانترنت في الجامعة وضع في الاصل للبحث العلمي
وليس للدردشة …يعني الدردشة اذا سمح بها يسمح بها
في نطاق محدود
ادري اني صاير غثة وثقيل دم …خخخخخخخخخخخ
بس هذي الحقيقة يااخوان…
عندي اقتراح انهم يخلون اللي يبي دردشة في الانترنت ومنتديات
ومن هذي السوالف يدفع فلوس وخلييييييييييييه ياخذ راحته…الييييييييييييييين يقول
ب س
تحياتي
^
^
من قاللك ان الانترنت مجاني!!… لاتنسى اننا ندفع 1200 ريال في الفصل الواحد
يعني الانترنت ابسط حق من حقوقنا…
1200/2 = 600
In lines (LINAT!!!) we only pay 600 SR.
This is only for (NO FURNAUTURE) ((bedon athath!!!) …A
I HOPE THIS IS CLEAR|24| 1
I THINK THE MEMBER (السامي)
WILL BE LIKE THIS MAN
|21|
AND SAYS :
|199|THIS IS NOT OUR SUBJECT
SEE U LATER |85| 1
اخي SKFUPM A
وتوقع ان موقع المشاغب او سوالف سوفت حق دردشه ؟؟
موقع المشاغب من افضل المواقع العربيه للبرامج … ومواقع سوالف سوفت اعتبره اول موقع في تطوير المواقع والبرمجه … وكذا تقول لي دردشه ؟؟
ولا ازيد على اللي قاله اخي eXplicit
اذا كانت كل هالمواقع مفتوحه وهي لا فائدة منها … والمفيد يتقفل ؟؟ بكذا يصيرون يقفلون حق الدردشه ؟؟ ماقول الا وينك يالسماري 
اذا المسألة فلوس او باند ويدث زي ما قال بعض الشباب
احنا مستعدين ندفع
على شرط يكون في باند ويدث معين لكل الجامعة طلاب و دكاترة
و اللي يبغا يوسع الباند عندو يدفع عشرين ريال في الشهر للدكاترة عشرة ريال للطلاب
كذا يكون عند الجامعة دخل اضافي لتوسعة الباند ويدث
و الموضوع أكثر من بسيط
تحياتي