السلام عليكم
احس الجو بدا يتلخبط صراحه او ان مخي تلخبط بالارقام
لكن من رأيي وخذها مني نصيحه لوجه الله
اجلس مع واحد “اليكتريك” خريج فاهم
وضبط معه الجدول
لان تنزيل على عماها بيعميك بعدين
انا جربت ثلاث لابات السيمستر اللي راح مع الماث 302
وكانت المواد 360 و 370 و 303
وصراحه خلص الترم وانا كاره الجامعه وكاره الدراسه
وجايب العيد والمعدل نزل والحاله صارت صعبه
فأقول لك حاول تنظم جدولك انك ماتاخذ ثلاث لابات
وبعدين في الفور ليفيل ماعندك الا لاب واحد
فريّح نفسك
وخلاصة القول
في الصيف نزل 207 وانقلش 214
وخلص منها
السمستر الاول نزل 360 و 370 و 315 وحط معها اس اي
او اي ماده ثلاث ساعات
السمستر الثاني نزل 380 و ( 390 او 340) على حسب التخصص
ونزل معها ماده فور ليفيل اختياريه
((((حطيت 390 او 340 عشان مشكله توني اكتشفتها الترم هذا
انا واحد ابي اتصالات ( كومنكيشن)
والترم الجاي باقي لي مادتين من ال3 ليفيل وهي 340 و 315
حاولت انزل مواد الاتصالات
ولكن اغلبها تطلب ال 340 بري ريكويست
وانحشرت بين السكاشن المقفله والماده هذي اللي مانزلتها ))))
نرجع لتقسيمنا
طبعا الصيف تروح للترينينق او على حسب تقسيمك
ترجع بعد الصيف تلقا عندك ماده وحده ثري ليفيل اربع ساعات
وماده وحده فور ليفيل اربع ساعات وبعدها ودع لابات الكهرباء
ولاحظ انك اخذت ماده فور ليفيل ثلاث ساعات واخرت ماده ثري ليفيل اربع ساعات فالفرق عندك ساعه وحده
وماضغطت نفسك ولاخسرت شي
وبالنسبه لسهولة الماده او صعوبتها فهي على حسب الدكتور اللي عندك
يعني فيه بعض الدكاتره ممشي الشعب على سي
ولو تحفر وينبت لك قرون ماراح يجيك غيرها
وفي بعضهم ماده ثلاث ساعات تحس ان عندك اربعطش ساعه
فانتبه من هذي الناحيه
بالتوفيق اخوي واي استشاره اذا ودك نجلس ونخطط الجدول حاضر
بس بعد الفاينلات
اخوك : طيب الفال
ابو فالح
al\_barig\_15@hotmail.com