السلام عليكم و رحمة الله و بركاته
اخواني الطلاب ما ذبحكم الحر؟ ما تتوقعون انه حرام نوقف في الاستاد و سياراتنا تضرب الشمس فيها … صحيح طلاب بس ولو مواقف الاستاد مواقف السكن مواقف الاوريا و باقي مواقف الطلبه ممكن انها تظلل و الموضوع بكامل السهوله
الجامعه تخصم في شهر من الشهور بدل ال10 الريال تخصم 20 ريال خلونا نقول من 3000 طالب هذي 30000 طبعا عشره ريال للمواقف و عشره ريال لصندوق الطلبه … 30000 و الجامعه تكمل من عندها و نظلل المواقف و تصير حياتنا شوي اسهل و ابرد
فكرة بس برأيك 30000 بتكفي ؟
X months * 30000 = XXXXXXX
They can choose the number of months that suffice the price.
خلهم يحطون مواقف (كافية) اول بعدين نفكر بالمظلات…
اقول خلهم يسون المواقف اللي ازعجو فيها صاحب السمو الملكي الامير عبدالله يوم جا للجامعه وقعدو يقولون له بنسوي مواقف عشرطعش دور وتكفي لعشر طعش ميه سياره
ولاشفنا شي
ماله داعي الرزه البايخه قدام ولي العهد الله يحفظه وخلوكم قد كلمتكم
وماله داعي يوصل له انه جامعتنا تسوي المشاريع على الورق بس
مين يقدر يجيب لنا مظله للسياره تتفكك و تركب بخلال دقيقه و نقدر نحط المظله بنشطه السياره؟؟
طبعاً المظله تتثبت من خلال الكفرات
<< مو كأنه منتج تجاري ناجح؟!؟!؟؟!
^
^
طيب من يقدر يجيب لنا موقف للسياره يتفكك و يتركب بخلال دقيقه او ساعة او يوم او سنة…
شاب شعر راسي وهم يقولون بنحط لكم مواقف… والى يومك ماشفنا شيء… وما ظن بنشوف…
بلغ السيل الزبى
اللي يغبنك ويجيب لك الهم والقرف … الطريق الجديد اللي توهم مسوينه…
كنت وقف بأمان الله قدام العماره … كل ما قمت اصبح اشوف سيارتي واقفه قريبه واتحسف اني اطلع من الجامعه عشان ما يروح علي الموقف … لكن جا يوم وقفلوا الطريق وخلونا نوقف بعيد … قلت يا ولد ميب مشكله نوقف بعيد بس أهم شيء ان الباص راح يمر من قدام العماره …
وانتظر الباص المُبجل يمر ما فيه امل … كان حنا عيال الشغاله … ما يمر الا عند العماير 13,14,15 … انا العماير اللي حول المطعم مالهم موقع من الاعراب … كاني بالمسؤل عن الباصات يقول احد قايل لهم يسكنون حول الجبل …
الحين ما فيه لا مواقف ولا باصات …
الله يخلف … ان شاء الله في الجنه نحصل اللي نبي …
مظلة متحركة
دكتور مجنون:
المظلة موجودة في الأسواق وتباع
وكأني أذكر أني شفتها بجيان
إلا على طاري الحر
ذبحنا الحر في الأماكن التالية:
- لاب الكمبيوتر اللي في الجمعية
- مسجد 653 باللاينات (ما فيه خشوع)
- هذا اللي جا على بالي
و شكريا
Re: مظلة متحركة
كاتب الرسالة الأصلية mobily
دكتور مجنون:المظلة موجودة في الأسواق وتباع
وكأني أذكر أني شفتها بجيان
لكن تتوقع الامن ما يعطيني مخالفه على اساس اني مغير ملامح الموقف؟؟ 
الصبر الصبر
عاد والله مشكلة، لا وأتوقع تصير بند من بنود المخالفات ( مخالفة المظلة المتحركة)
أخوي دكتور مجنون: مالنا إلا الصبر وخاصة أننا جايين على الترم الصيفي اللذيذ حيث الهواء الطلق والنسيم العليل خاصة في ساعات الظهيرة الأولى !!!
عسى الله أن يأتي بمن يفرج عنا كربتنا.