إذا كانت الاجابة بنعم فهل تؤثر علي؟
نعم بس لازم تجيب وصف المادة من جامعة الملك سعود ويشوفون عندنا اذا تتطابق او لا ومو شرط تتطابق 100% انسمعت انه 80
5 يمشي الحال
بالنشبة هل تؤثر او لا
انت تآخذ المادة في سعود وتحسب لك PASS بدون ما تدخل في المعدل
هذا على حد علمي والله اعلم
واللي عنده معلومات اكثر يصحح لي او يزيد
لا هنت اخوي
طيب يعني على كلامك لو اخذ المادة الي احس انها بتخسف بمعدلي واخذها في سعود بكذا أقدر احافظ على معدلي على الأقل صح ولا فهمتك غلط؟؟؟
طيب هل في التوظيف بيأثر علي
يعني الشركات راح يفضلون الي دارس في جامعتنا كل المواد؟
والمكافئة هل أخذها من جامعتنا ولا الملك سعود ولا من عند الوالد؟
بالفعل المواد اللي راح تخسف بك خذها في جامعه ثانيه بس ما راح تستطيع تآخذ اي مادة على ما اظن انها مواد محددة مو اي مادة
بالنسبة للتوظيف ما ادري
المكافأة راح تكون على جامعتنا يعني انت راح تكون طالب زائر في الجامعه الثانيه
ماقصرت اخوي ونخدمك بالأفراح ان شاء الله
به تصحيحات لبعض الكلام أعلاه.
المادة تعادل درجتها ، بالمادة المكافئة من مواد الخطة الدراسية ، وليست تحسب اجتيازا.
هذا نمبر ون.
نمبر تو:
إذا كان المقصود هو فصل صيفي فقط ، فالمكافأة مثل ما ذكر أخونا إم آي إس ستيودنت من عند الجامعة. أما إذا كانت الدراسة لفصل جامعي ، فتتطلب تقديم اعتذار عن الدراسة في الجامعة ، وإجراءات إخلاء الطرف المعهودة. وبعد العودة والانتهاء من الفصل الدراسي الذي كنت فيه زائرًا تقدم فيه سجلك الأكاديمي عند الجامعة التي المَزورة ، وكافة أوصاف المواد ، في رسالة بريدية مختومة من الجامعة المزورة ، ولا تقبل المستندات مناولة بواسطة الطالب. نسبة التطابق تكون 80% فأكثر . ويشترط تدريس المادة نظامًا باللغة الإنجليزية ، بغض النظر عن المعمول به. ولا تستطيع تسجيل مادة في الفصل الدراسي الذي يلي الفصل الذي كنت فيه زائرًا إذا كانت متطلبة ومعتمدة على مادة درستها في الفصل الذي كنت فيه زائرًا.
طبعًا ستبدأ رحلة ابن بطوطة التي لم يخطر بباله أن يبدأها. بتدور جامعة الملك سعود خمس مرات جريًا ، وثلاث مرات بطة ، حتى تحصل على أوصاف المواد مختومة ، وحتى تنتهي من إجراءات الدراسة. ثم تبدأ بعد ذلك رحلة ابن شحذان حتى ينتهي الفصل الصيفي ، وتأتي وأنت تقول : ليتنا من حجنا سالمين.
^^
^^
كيف أعرف أثبط ولا … ؟!
فكرت فيها قبلك ، لكنها ما تسوى قرفها ، ولا تسوى شحاذتها. إلا إذا الظروف أجبرتك.
ابووو عزيز انت صديقي
لو ابي ادرس برى السعوديه كيف النظام
وكيف اسجل الماده عند الجامعه الخارجيه يحتاج اذن من الجامعه حقتنا اول شي ولا
ووبرايك اتأكد من المطابقه قبل لا ادرس ولا بعد
والله يا أخي أنا سألتهم من مدة ، وناسي ألحين.
إذا كنت تبي تدرس مقدار معين ، وترجع هنا للبترول ، وتتخرج ، فلابد من تقديم اعتذار عن الدراسة وإتمام إجراءات إخلاء طرفك ، بالإضافة إلى تقديم طلب موافقة على دراستك كطالب زائر لسعادة عميد القبول والتسجيل. وتأكيد مكافئة المواد للمعادلة أمر ضروري جدًا بالنسبة لك حتى تعادل المواد ولا تخسر وقتك وتكاليف دراستك هناك. يوجد قدر معين من الساعات لا أتذكره ، أو أنه عدد معين من الفصول الدراسية لا ينبغي أن تتجاوزه كطالب زائر ، وهو ثلاثة فصول دراسية. إذا كانت الدراسة خارج المملكة ، فأظنهم لا يطلبون خطاب موافقه أو قبول من الجامعة الأخرى.
على كل حال ، مكتب القبول في عمادة القبول والتسجيل عنده العلم الوكاد ، والجماعة معي خلوقين يوم جيتهم. اسأل أنت أوكد لك.
الله يعطيك العافيه
انا كنت ناوي اصيف بس
شكرا
التصياف مابوه بروبلم على علمي … زيه زي الداخلي … لكن تأكد … !
على كل حال ، الشي الضروري هو سلمك الله المعادلة . فلا بد تجيب السيلابس حق المادة أو المواد اللي ناوي تصيف بها ، وتمر به على القسم يشوفون هذا يطابق ولا ما يطابق. ولست ملزمًا بهذا ، لكنه يبذل على سبيل الحرص على الوقت والجهد والمال.
الشي اللي مهوب واضح بالنسبة لك علمني به وأشوف لك.