السلام عليكم ورحمة الله وبركاته
مرحبا شبااب كيف الحال …
لاهنتم يالربع نبي معلومات المطلوبه لكي نختبر اختبار القبول
يعني نسبة الشهادة الثانويه؟؟؟
ونسبه اختبار القدرات(القياس)؟؟؟
ياليت الافاده …اخوكم ثانوية عامه|373|
سلام.|1|
السلام عليكم
سبحان الله كبرت وشيبت يا فريشمان
قبل كم سنة كنت تسأل كيف القبول في الجامعة
الحين صرت في السنة الثالثة في الجامعة وغيرك صار هو اللي يسأل
ما أسرع ما تمر الأيام واحنا غافلين
عالعموم أسأل الله إنه يوفقك أخوي وإن شاء الله تحصل اللي تبي
اضغط على هذا الرابط وإن شاء الله تحصل اللي يفيدك
http://www.kfupm.edu.sa/admissions/
واعذرني أخوي على المقدمة
لكن الواحد كل ما تمر هالأيام بسرعة كأنها أمس يقول سبحان الله الحكيم
يا هلا بك ياحبيبي
السلام عيلكم ورحمة الله وبركاته…
أخي الكريم Msh3AL مساك ربي بالخير …
كاتب لك المشاركه هذي أوريا يعني أول سنة في الجامعة الجميلة…
وأحس إني بأفيدك أكثر من أخي وحبيبي فريشمان…أنا أحس لأني قريب جداً من التقديم وأيامه…
حبيبي أنت لابد إنك تقدم ثلاثة أشياء مهمة لجامعتنا الحبيبة:
شهادة ثالث ثانوي …وأسأل ربي إنه يوفقك وتجيب النسبة إللي ترضيك .
درجة اختبار قياس القدرات… وتراه جميل وممتع وأخوك جاب به 87 ولله الحمد…
رام 2 … وهذا اختبار خاص بجامعتنا ياقلبي …
هذا باختصار بسيط جداً … وإذا كنت تبي زيادة موسعة ومفصلة حتى الإشباع فعطني مسج على الخاص وبعدها راح تشوف إللي يسرك ياروحي…
ودمتم بخير…
السلام عليكم ورحمة الله وبركاته
هلا اخوي فريشمان…
سبحان الله كبرت وشيبت يا فريشمان
لا من قاااال… شباااب ^_^.
وتسلم على الرابط مفيد جداً.
…
هلا اخوي العبقري,
كاتب لك المشاركه هذي أوريا يعني أول سنة في الجامعة الجميلة…
بالتوفيق ان شاءالله للجميع.
شهادة ثالث ثانوي …وأسأل ربي إنه يوفقك وتجيب النسبة إللي ترضيك .
لا الحمدلله …98%.علمي ^_^.
درجة اختبار قياس القدرات… وتراه جميل وممتع وأخوك جاب به 87 ولله الحمد…
ماشاءالله… ان شاءالله اجيب نفس نسبتك بالقياس… لانه بصراحه شكله يخرع ^_^. ومن هاللحين نذاكر فيه خخ<< شكله بيتوهق
رام 2 … وهذا اختبار خاص بجامعتنا ياقلبي …
هذا اللي ماني فاهم فيه شي…يعني النسبه او الدرجه المطلوبه فيه كم…
لاني ماني فاهم طريقة قبول الجامعه…
سواء في دخول اختبار القبول.؟
وماهي الدرجه المطلوبه لقبولك في دخول الجامعه وليس دخول الاختبار؟؟
ومداخله بسيطه شنو ناوي اختصاصك:).
سلام. اخوكم
هلا اخوي مشعل
الجامعة دائما تضرب نسبة الثانوية ب 0.3 ونسبة القياس 0.3 ونسبة اختبار الجامعة بـ 0.4 بعدين يطلعون النسبة من 100 وكل سنه يحطون نسبة القبول على حسب دفرة الطلاب بعني السنة الماضية كانت 76 السنه هذي صارت 84 بس الجامعه ما تحدد نسبة الثانوية لكن تحدد نسبة القياس ما تقل عن 70 علشان تدخل اختبار الجامعة .
تحياتي،،،،،،
هلا فيك اخوي يويو:).
معلومات قيمه%_%. ماقصرت يالغلآآآ … بس طلعت جامعتكم مزاااج 
بس درجه اختبار القبول الكبرى 100 ؟؟ ياليت الافاده…
ياقلبي على الحماس
السلام عليكم ورحمة الله وبركاته
حبيبي شعولي
واضح إنك متحمس ما شاء الله تبارك الله
ولكن نصيحة لك من أخ يحبك ويتمنى لك الخير
أنت قلت إنك جبت 98% في الفصل الأول …(ماشاء الله)
وهذا شي يبشر بالخير…
ولكن تكفى ياشعولي لاتغتر بالنسبه زي ماسوى شخصي الكريم …
لأني جبت الفصل الأول زي نسبتك ,لكن تخرجت بأقل منها بكم حبه
يعني 93% …
بإذن الله تكون أفضل مني وتتخرج بالنسبة إللي ترضيك …
وأتوقع إن أخوي yoyo أجاب عن استفسارك بشأن الجامعة وخاصة القبول …
أما نعتك (كلمة متعوب عليها) لجامعتنا الحبيبة بأنها مزاااج …
فهذا تعدي أبداً أبداً أبداً لاأقبله منك ياروحي على جامعة أعتز بأني أحد طلابها…(أمزح معك)
جامعتنا ماهي زي ما قلت ، لكنها تحاول أن توازن في القبول سنوياً …
وأحياناً يتم قبول الطلاب على دفعات،زي ما حصل السنه الماضية،حيث تم قبول الطلاب على ثلاث دفعات …
المهم شد حيلك ياقلبي ولا تخاف من اختبار قياس القدرات …
عموماً التسجيل للإختبار بدأ أو بيبدأ …
وحاول إنك تسجل بدري ، وتختار آخر يوم من الإختبارات ،وإذا كان الخميس فيكون أفضل
لييييييييييييييييش؟
أولاً:لكي تكون نايم قبل الإختبار بمدة كافية…
ثانياً:علشان تسأل أخوياك عن الأسئلة لأنه راح تتكرر بعضها !!! وراح تشوف
ثالثاً:حتى تستفيد من أخطاء بعض أخوياك إللي يمكن تحصل في الإختبار…
وصراحة ضيقت صدري يوم تمنيت إنك تجيب نفس نسبتي في القياس…
له له له له يازلمه(مسوي سوري)
أبيك تفكر بأكثر من نسبتي…
لأن واحد من أعز أخوياي جاب العام الماضي (ماشاء الله ) 95%
وتخرج من ثالث بنسبة 99.54% (ماشاءالله)
عموماً تسلى مع واحد من أخوياك بحل بعض أسئلة القياس …
وعلى حد علمي فيه بالسوق كتابين للقياس …
واحد تبع مركز القياس ب25 ريال
والثاني اسمه:الأمين ب15 ريال
الأول جيد والثاني أفضل منه …
عموماً إذا بغيت أي شي فأنا مستعد …
ويشرفني إني أخدم أي واحد بثالث …
ودمتم سالمين
السلام عليكم ورحمة الله وبركاته
أولا أتمنى لكل طالب النجاح والتوفيق في أن يصبح طالباً من طلاب جامعة الملك فهد للبترول والمعادن بالظهران
أخي الكريم
شروط القبول في الجامعة باختصار
1- الحصول على شهادة الثانوية العامة (علمي أو تقني) للعام الدراسي الحالي 1426/1427هـ أو العام الماضي
2- دخول اختبار القدرات العامة (قياس - الذي يقدمه المركز الوطني للقياس والتقويم) والحصول على نسبة لا تقل عن 70%
3- دخول الاختبار التحصيلي (الذي يقدمه المركز الوطني للقياس والتقويم) وهذا الاختبار بديل عن اختبار رام 2 الذي سبق للجامعة تقديمه في السنوات السابقة
وللحصول على مزيد من المعلومات وأوقات اختبار القدرات العامة والاختبار التحصيلي، فيمكنك زيارة الموقع الإلكتروني للمركز الوطني للقياس والتقويم: http://www.qiyas.org
أما طريقة القبول فهو بإعطاء درجة موزونة لكل اختبار من الاختبارات الثلاثة السابقة الذكر، ثم تجمع بعد ذلك، ويحصل الطالب على درجة كلية (علماً بأن توزيع النسب ليس بثابت كل عام بل متغير)
وبعدها يتم إعلام الطالب بقبوله من عدمه إما عن طريق رسائل الجوال أو الموقع الإلكتروني لإدارة القبول
أرجو أن أكون قد أعطيت تصوراً مختصراً عن القبول في الجامعة، وإذا أردت الحصول على مزيد من المعلومات فيمكنك زيارة الموقع الإلكتروني لإدارة القبول
http://www.kfupm.edu.sa/admissions
أو مراسلتنا على البريد الإلكتروني: admissions@kfupm.edu.sa
اخيراً اتمنى لك ولك طالب التوفيق والنجاح
إدارة القبول - عمادة القبول والتسجيل
هاتف 038602919 - 038602901
بالظبط اخوي مشعل زي ما قالوا الشباب
واسمع مني كم نصيحة (تكفى يالنصوح)
نسبة الثانوية مش ضروري تنزل في النصف الثاني لان اسئلة الوزارة مش اصعب من اسئلة المدرسين واحيانا اسهل بس عدد كافي من النماذج السابقة
اختبارات القياس و القبول والمدرسة حتى المهم فيها انك تدخل رايق ولا تدخل خايف والتوفيق من ربك والمكان اللي لك فيه رزق تاخذه
وبالتــــــــــــــــــوفيــــــــق وحاضرين لو احتجت اي مساعدة ارسل لي رسالة على الخاص وحاضرين
بما انك لست في الجامعة وما زلت في الثانويه ليش ما تدخل منتديات المدارس الثانويه هههه
وبعدين تخيل انك ما انقبلت في الجامعه راح تتفشل مسوي نفسك دافور ومهتم
امزح معاكم
الطريقه كالتالي:
1) اختبار القدرات انتهى.
2) ما تحتاج اي معلومه الان.
3) انتهى.
والله مدري @37@ … انا ناوي اجيب فوق الـــ80 بالتحصيلي مع اني اشوفها صعبة@67@ عشان اضمن نفسي خصوصا انني متأكد اني ماراح اطلع بأكثر من 90 بالثانوية @64@