السلام عليكم
كيفكم كلكم
انا مقدم فجامعتكم وباذن الله مقبول لانو حسب النسبه الي توقعوها الشباب نسبتي الحمدلله مررررررررره مضمون القبول
بس في شي محيرني <<<<<<باين من اسمي
والله محيرني ومشيب راسي@37@
ايش هو؟؟؟
ادخل عادي عن طريق الجامعه ولا عن طريق بعثة ارامكو؟
ولا بعثة سابك لامريكا
والله اتجننت وانا افكر @66@
حتى فكرت عشان ما اتعب نفسي ادخل عادي عن طريق الجامعه وبعدين اختار سابك ولا ارامكو
برايكم ايت احسن؟؟؟؟؟؟؟ بلييييييييييز ساعدوني
نصيحتي لك خل الابتعاثات على جنب … مؤقتاً
انا قبل 6 سنوات لما تخرجت من الثانوي رحت قدمت على كل شي في العالم 
و من ضمنها ارامكو و جامعتنا الحبيبة … و الحمد للة انقبلت في الثنتين … بس ارامكو قالو لي نبتعثك لامريكا تدرس Finance … و طبعا هذا كان بعيد جدا عن طموحي … فتركت ارامكوا بعد ما كان العقد امامي … و طبعا طلبوا مني اوقع على اقرار بعدم المطالبة بالوظيفة في ارامكوا و الحمد لله دخلت الجامعة و الآن باذن الله خريج و قدمت اوراقي على ارامكوا و قبلوني
فالموضوع العب على المضمون … سجل في الجامعة و انقبل و بعدين رح لارامكوا و سجل عندهم اذا قبلوك تختار ابتعاث لامريكا و لا في جامعتنا و اذا اخترت ابتعاث في جامعتنا تكون ضمنت لانك مقبول من اول في الجامعه
و نفس الشي مع سابك اذا عندهم ابتعاث داخلي
اما اذا تبغى ابتعاث خارجي فالله معك لكن سجل اول في الجامعه علشان انك ما تضمن يمكن يفرضون ارامكوا عليك تخصص ما تبغاه و تضطر تتركهم و بكذا يصير ما عندك لا ابتعاث في ارامكوا و لا قبول في الجامعه
و الله يوفقكم يا شباب … مع انك لو تسمع كلامي تدرس البكالوريوس في البترول و اذا تبغى تكما ماستر في امريكا بعدين يصير خير … والله الغربه شينه وفيها مخاطر كثيرة و ابحكم خبرتي في خريجي الثنوية و الي انا كنت واحد منهم اقول ما احنا قدها … طبعا انا ما اتكلم عن اللغة و التعامل مع الناس لكن اتكلم عن النضوج العقلي و الفكري بالاضافة الى نظام الدراسة المختلف تماما عن الثنوي وهذ ما تقدر تحصلها الا بعد ما تنكرف في البترول و تفهم نضام الدراسه و ينضج التفكير عندك … لان البترول ما تخرج مؤهلين اكاديميا فقط لكن تخرج ناس مكتفين ذاتيا معتمدين على انفسهم فاهمين لما يدور حولهم في العالم
عموما مرة ثانية الله يوفقك وين ما رحت انت كل الخريجين الجدد
مشكوووووووووووور حبيبي وانا ترى فكرت فنفس الشي يعني اذا استبعدت بعثة سابك
في بعثه ارامكو لجامعتكم وفي اني انقبل قبول عادي
ايت احسن
لاني خايف انو مستقبلي الوظيفي فسابك احسن
ولو اخدت بعثة ارامكو لازم اشتغل بعدد السنين الي درستها
وبعدين ممكن اروح سابك
والله هو موضوع يدوخ بس ايش نسوي الواحد يدور احسن شي لمستقبله
ومقابلتي فسابك يوم الخميس الجي والاتنين الي بعد ارامكو
والله يعييييييين بليز ساعدوني اقرر دراسه عاديه في البترول ولا عن طريق ارامكو
شوف ياخوي البعثة عن طريق سابك او ارامكو بتكون وظيفتها مضمونة 100%، يعني ماراح تشيل هم…
اما اذا خشيت الجامعة فيحتاج انك تشد حيلك عشان تعدي الاوريا، وبعدها تجيب معدل قوي عشان تقبل في شركة مثل ارامكو او سابك ، واذا ماجبت معدل زين راح تتعب كثييير ويمكن تقعد بالبيت !!
انا لو كنت مكانك راح افكر مليا اذا جاتني بعثة لامريكا ، اذا فرضا خيرت مابينها ومابين البترول…وبعدين بختار…
اما اذا قبلت بارامكو او سابك راح التحق على طووول بيها…لانو يكفي الوظيفة بجيبك وهذا راح يريحك كثير نفسيا بالجامعة !! طبعا اخوي بروجرامر قال ان التخصص الي انعرض عليه من ارامكو ماناسبه ورفضه على طووول!! ان معاه التخصص مو ذاك الزود ولهذا السبب رفضه، لكن ممكن هالقرار تندم عليه طورل حياتك لو فرضا مامشى حالك بالبترول وومكن يصير العكس…يعني القرار اولا واخيرا في ايدك وانت صاحب القرار!!
لاتنسى تستخير لو وقعت مابين خيارات عديدة والله يختار لك مافي الخير ان شاء الله…
ماشاء الله الاخوان ماقصروا …
والصراحة انا كمان استفدت من الكلام وجزاكم الله خيرا …
واتمنى لك الخير …
لا طبعا اذا بتقارن بين انك تدرس في الجامعة مباشرة او تكون مبتعث من ارامكواللجامعه اكيد تختار الابتعاث (اذا التخصص مناسب) انا باقولك الحسنات و السيئات حسب الي اعرفه و اذا احد من الشباب عنده زياده اتمنى يزيدون
الفوائد:
- من اول يوم لك تعتبر موظف ارامكو و يصرف لك راتب و تبدأ تحسب لك الخدمه غير الكثير من الدعم الاكاديمي
السيئات:
- ارامكو يطالبونك بمعدل معين ما تنقص عنه.
- تتأخر كم شهر عن الجامعه لان ارامكوا عندهم برنامج تحضيري قبل الجامعه.
طبعا هذا الي اعرفه بس ما ادري اذا تغير الوضع الحين او لا … لازم تتأكد من كل شي قبل ما تقرر
اتصل عليهم في القبول وخذ كل التفاصيل.
سيئات أرامكو للمعلومية :
- ستعيش في معزل عن العالم الخارجي تماماً وأقصد علاقاتك ستكون فقط في حدود الشركة وهذا هو القاعدة وغير هذا حالات شاذة
- مهما تبدع فأنت نقطة في بحر ، مهما عملت فإبداعك لا يراه أحد ، تذكر بأنك ستكون نقطة في بحر
- في أرامكو ، بتقول أنت مهندس : So What … فيه آلاف المهندسين داخل أرامكو في نفس تخصصك يعني مثلك مثلهم ، وأيضاً مجال الإبداع محدود جداً جداً !
مثالين بسيطة :
- أخوي خريج من البترول هندسة ميكانيكية بمعدل ممتاز ، توظف في شركة غير أرامكو لعدة سنوات وكسب منها خبرة كبيرة في مجال الصناعة - الإسمنت -، لأنه أبدع على غير العادة للخريجين الجدد وعدل في مصنع الشركة الأم أشياء في عمليات الإنتاج والصيانة الاستباقية وفرت على الشركة - ملايين !! صدق أو لا تصدق - حتى كرموه ووصل اسمه للمدير التنفيذي في الشركة وهو قمة طموح أي شاب متخرج حديثاً ، المهم راتبه أصبح جيد جداً خلال سنتين تقريباً أصبح حوالي 14 ألف !!!
النكسة صارت عندما تقدم لأرامكو وقبلوه على طول وبراتب أعلى من راتبه السابق وترك الشركة السابقة بالرغم من المحاولات لإغراءه ولكن سمعة أرامكو غلبت ، وهنا بدأ التدني ، على كل الأصعدة ، نفسياً ، عملياً ، حيث مهما عمل ، لا أحد يرى هذا ، الآن يفكر في ترك الشركة جدياً وربما خلال أشهر قليلة سيتركها !
- أخ لزميلي تخرج من الجامعة بمرتبة شرف أولى منذ أكثر من 10 سنوات وباشر العمل في أرامكو ، تميز جداً في أرامكو ، في الملتقيات ، المؤتمرات ، المشروعات - هو يعمل في إدارة المشروعات - ، كل اسبوع اسبوعين بالكثير شهر- بدون مبالغة - يكون في دولة وليس للسياحة بالتأكيد ولكن للعمل والعمل فقط ، ولكنه يقول لو عملت ربع المجهود الذي عملته في أرامكو ولكن في شركة أخرى ربما يكون وضعي أفضل ، الترقيات تتأخر رغم المجهود الكبير الذي يبذله ، ويقول أرامكو مال ومال فقط !
بالمناسبة قرر هو أيضاً ترك أرامكو ولكن حتى ينتهي المشروع الذي يشغله حالياً في عام 2008 عندها سيقول : باي باي أرامكو !!
مميزات أرامكو مادية بحتة ولكن غير كذا لا تدور
بالنسبة لي ، لن أعمل في أرامكو مهما كان ، ربما في سابك ، اقول ربما !
من الشركات التي أتمنى العمل فيها هي شركة ( العلم ) لأمن المعلومات رغم صعوبة ذلك نوعاً ما
مع السلامة
تتأخر كم شهر عن الجامعه لان ارامكوا عندهم برنامج تحضيري قبل الجامعه
لا مافي تأخير ولاشي !! “البرنامج التحضيري” الي ندرسه بارامكو هو بدلا من “الاوريا” بالجامعة…
بمعنى اخر لو ابتعثوك ارامكو ابتعاث داخلي لجامعة البترول تجي على طول على الفريشمان وتكمل مشوارك الجامعي بدون ماترجع تدرس مرحلة “الاوريا” مرة ثانية…