ياحبايبي يا أوريا…أبشروا بالرد…
بسم الله الرحمن الرحيم…
السلام عليكم ورحمة الله وبركاته…
أخواني وحبايبي المستجدين في جامعتنا…
باين إنكم متحمسين وبقوه للجامعه …
المهم … سماحتي راح يعطيكم بعض علمه علكم تنتفعون مني…(((@24@ شايف نفسه@24@ ))))
أبدأ نقطه نقطه…
1/بالنسبه لبعد السكن من قربه فهذا يعتمد على اللاين إلي راح تسكن فيه…
فيه لاينات قريبه ولاينات بعيده…وأنت إذا جيت تختار السكن راح يخيرونك بين لاينين أو ثلاثه…
وطبعاً أنت وحظك…يمكن يعطونك شي قريب أو العكس…
2/أما نظافة السكن فهي مقبوله إلى جيده…وفيه لاينات أنظف من أخرى…أنت وحظك…
3/معاملة الطلاب ممتازه…أما التحرشات فترانا كبااااااااااااار @39@
عموماً الحياة عاديه…مثل حياتك في ديرتكم…
إذا كنت تبي أهل مشاكل ومصايب و… فموجودين
إوذا كنت تبي ناس أهل خير ومحترمين فأيضاً موجودين…
وإذا تبي مستقيمين((مطاوعه)) فكمان موجودين…
شعارنا : اطلب تجد
4/أما السكن خرج الجامعه لطالب ما معه سياره ف…@62@
أقصد صعبه جداً جداً جداًً
لأنه مكلف بالدرجه الأولى…وكمان مرهق لك ياحبيبي…
وأتوقع إنه من يستطيع أن يسكن خارج الجامعه يستطيع أن يشتري سياره حتى لو كانت بألفين…
5/دورات المياه-تكرمون-مقبوله وأحياناً سيئه…بناءاً على اللاين…
وهي عامه…وأزيدك من الشعر بيت إن بعض المراوش بابه ستاره @66@
طبعاً المراوش شي والحمام-تكرمون-شي ثاني…
6/الغرفه مساحتها 4.30م في 3م ((كبيره صح؟))
7/الأثاث بعضه جيد وبعض دمار…يعني لو تعطس يمكن يطيح السرير أو باب الدولاب@24@
أمزح معكم…لكنه مختلف من غرفه لأخرى…أنت وحظك…
8/دور السكن في التحصيل العلمي فهذا يعتمد عليك وعلى أخوياك…
أما إن فيه ناس جادين ويذاكرون في الغرفه فهذا صعب شوي…ليييييييه؟
لأن الغرفه صغيره وتمل من المذاكره فيها…علشان كذا كنت أذاكر أنا وخويي في مكتبة الجامعه…
كنوع من التجديد وتغيير الجو…وهي قريبه على النحيفين((العصلان))وبعيده على السمان((الدببه))
لكن تقدر تذاكر في الغرفه…أكرر هذا يعتمد عليك وعلى من تخاوي…
9/الإزعاج فهو يعتمد على جيرانك…لكن في الغالب مافيه إزعاج…((بالنسبه لي))
وإذا أزعجك أحد فتقدر تسكته بتمره حلوه منك…وإذا ما فهم فطقها في وجهه وشرشحه شوي…
وإذا مانفع معه علمني وأنا أتفاهم معه@18@ ((أحلى ياقوي))
10/هل صحيح ان اللاينات تعود الواحد على الحياة الصعبه وتخلية يقاوم ظروف الحياة الصعبة؟
فهذا صحيح خاصة إذا كنت مثل سماحتي:انتقل من غرفه 7م في 5م وكان فيها لوحده!!! إلى غرفه صغيره ومعك فيها واحد!!! فهذا صعب…
ولكن انت ونفسك تصلحون…إذا كنت تاخذ الأمور بأريحيه((ببساطه))فراح تمشي مع السكن…
11أما الزميل في السكن فتقد تلقى إلي تبي…
تبي مطوع… تلقى تبي عادي… تلقى تبي سربوت… تلقى تبي عربجي… تلقى
آمر تدلل ياحبيبي …
12/أما بالنسبه للمقتنيات فأنا أسمع إن فيه سرق ونهب…ولكن أتوقع هذا الشي للسبايك إللي يخلون باب الغرفه مفتوح…ويمكن يكون فيه شي بعمد…الله أعلم
بالنسبه لي الوضع آمن ولله الحمد…
توكل على ربك وجب معك تجوري الوالد@4@
12/أتمنى إني بينت بعض المعلومات إلي تفيدكم وتفرحكم…لأني كنت في يوم من الأيام زيكم…
ودمتم بخير…