السلام عليكم
انا يا شباب ابغى استشارتكم بخصوص وضعي
انا فريشمان وهذا اول سمستر لي
المهم قدر الله علي ونزلت math101 chem101 ics101 ias111 engl101
المهم ان وضعي ولله الحمد جيد في المواد الا الماث
كان لي ضروف وقت الاختبار ولا جبت درجات تفتح النفس
يعني مجموعي الحالي اقل من نصف 45 درجة (درجات الاختبارات الثلاث 15+15+15)
المهم وش اسوي؟؟
اقدر احذف المادة؟؟
ولو اقدر وش اسوي ب chem و ics لانها coreques
لأني سمعت بقريد ic
وش سالفته
واسف على الاطالة
ههههههههههههههههههههههههههه
ياحليلك <<<<< يضحك من قلب …
يابن الحلال شوف اذا تبي تحذف فانتهى وقت الحذف اصلا كلش …
اتكلم عن حذف السمستر بكبره …
الماث 101 خرابيط وسهل … ذاكره وشوف دكتورك من اي نوع فيه نواع يحط قريدك على درجتك بالفاينل … وبعضهم اذا بدعت معه بالفاينل وعلمته ان هذا هو مستواك يدفك بقريد … واذا انت متنح متنح حتى بالفاينل … مالك غير حل واحد …<<< حب الخشوووووووووووم
بعدين قيس نفسك على الطلاب مو على المجموع الكلي شوف كم في واحد اقل منك وشوف وش وضعك … بس اذا انت مع عدنان قبريل <<< اغسل يدك من الحين
ثمن يابن الحلال تراك اول سمستر يعني تقدر تعدل ان شاء الله
قود مورنينق يالدافور
الله ييسر امرك … مالك الا الدعاء …
وبالنسبة للاي سي … فيحتاج له موافقة من اعلى هرم الجامعة كما اعلم … والاي سي يعني ان كومبليت = غير مكتمل … تكون ملزم بحضور المياجر والفاينل والدرجة بتكون معتمدة عليها … لكنك ما تكون ملزم بحضور الكلاسات … لكن ما فيه مانع انك تسعى عشان الاي سي … وان كنت ما انصحك …
ميت من زمان … وينك يبن الحلال ترانا نتحرى ردودك وطلاتك … يعني لازم نتميلح عليك عشان تعطينا وجه … ؟! … @2@ …
تذكرني بأول سمستر لي في الفريشمان . كانت كل المواد اوكي ما عدا مادة واحدة, وكان خياري الوحيد إني أذاكر و اللي يكتبه ربك يصير …
و الحمدلله عديت المادة و تعلمت من أخطائي
ذاكر و ذاكر و ذاكر
هذي نصيحتي لك
ان شاء الله تجيب Pass في المادة
ميت من زمان … ترا المادة كومون … يعني ما في حب خشوم طال عمرك:)
هلا وغلا بكل اللي ردوا
يعني انا ان شاء الله بنجح بالمادة بقريد D او D+
فهل من رايكم اني اكمل؟
واذا استمريت على هالوضع بيكون معدلي بحدود 2.8
2.8
ومسوي مشكله يارجال احمد ربك
ولو تشد حيلك الترم الجاي بتعدله الى فوق 3 بالراحه
ذاكر زين بس ولا يهمك
الله يوفقك
كمل ولعل الله يعوضك في الاترام القادمة … ومدامك باول المشوار فبامكانك رفع المعدل بسرعة … بس بشرط تعمل بجد واولا باول … وجامعتنا هذي جامعة “اول باول تستانس” …
خذها نصيحة من اخوك اللي يحب لك الخير … اياك ثم اياك تحذف الترم بسبب الاهمال فقط … اذا كان عندك ظروف قاهرة حقيقية فربما كانت الفكرة صائبة … لكن اذا كانت الدعوى اهمال او اي سبب اخر قريب العلاقة … فكمل طالما فيه امكانية تعدي اكثر المواد اللي معك … هذا على فرض ان ما فيه دسمس قريب … << بعيد الشر ان شا الله …
بالتوفيق يا سيدي …
انا اقوووول كممممل
وتوكل على الله
وربي بيسهلها
اسمع ايها الكويس …
ان فرشمان مثلك تمام والعيد اللي جايبه ما عاد اقدر انا والا انت نسوي فيه شي
شوف بنشد حيلنا وبنجيب مو بس pass لا بناخذ جريدات حلوة كمان
الميجور سهل حسب الإغستطلاعات في الماث والفيزكس
قول يا رب والله يوفقك
(((((((((( وترى سعادة اخ ميت … ارحم شوي بلا الحماس الزايد هههههههههههههههه))))))))
شوف بنشد حيلنا وبنجيب مو بس pass لا بناخذ جريدات حلوة كمان
أخوكم في الله نفس القضية 
الماث عندي نفس المسألة … وإن شاء الله نعدّيها …
بس في سؤال في بالي :
بعدين قيس نفسك على الطلاب مو على المجموع الكلي شوف كم في واحد اقل منك وشوف وش وضعك … بس اذا انت مع عدنان قبريل <<< اغسل يدك من الحين
ليــــــــــــــش @24@