الاخ فرش مان صغير
اخوك خريج هندسة كيميائية واعمل في قطاع معالجة الغاز الطبيعي
في البداية اتمنى لك التوفيق في حياتك الاكاديمية وبصراحة احب اعبر عن فرحتي بميلاد مهندس كيميائي جديد.
الهندسة الكيميائية تخصص راقي … وفيه ميزة تخصه عن غيره … كل خريجي الهندسة الكيميائية يحمدون ربهم انهم ما اختارو تخصص ثاني … طبعا انا اتكلم عن المهندسين اللي يعملون في مجال هندسة التصنيع process engineering اللي يعملون بالمعامل والمصانع زي سابك وارامكو وشركات الجبيل. ماتتصور كيف راح تكون اهميتك وانك انت اساس المعمل وانت راعي الحل والربط وانت اللي بتتخذ القرارات. (مرة ثانية كلامي عن اللي يعملون في مجال التصنيع)
من ناحية الوظايف ووفرتها … المهندس الكيميائي مطلوب في كل محل خاصة بدولة اقتصادها يعتمد على الهيدروكربونات … مثل ما انت عارف الهيدركربونات هي اساس الحياة الحديثة وهي اساس تطورنا اللي نعيشه بكل المجالات … ولو لا الله ثم لولا الهيدركربونات كان العالم كله ماشفته بالصورة المتطورة الحالية … والهيدركربونات محد يعرف لها الا المهندس الكيميائي.
راح تلقى وظايف بكل محل … من شركات التصميم … وكل شركة تتخصص بمجال … مجال البترول … مجال الغاز … مجال التكرير … البتروكيماويات وهكذا … الادوية … تلقى برضو بشركات مختصة بالمحاكاة او ال simulation … زي اسبن (اللي تملك رفيق درب المهندس الكيميائي HYSYS)
تلقى وظايف بشركات الانتاج … ارامكو … سابك … سكيكو … شركات الجبيل … المصافي.
تلقى وظايف بالشركات اللي تدعم شركات الانتاج … خدمات استشارية … خدمات حفر … حلول تقنية … تطوير … تحسين استهلاك الطاقة … energy conversation … شركات الانابيب … صناعة المضخات
اي شركة تتعلق من قريب او من بعيد بصناعة الهيدركربونات … فيها وظايف لك.
طبيعة العمل سواء ميداني او مكتبي تعتمد على وين شغال انت … المصانع فقط هي اللي طبيعة عملها ميدانية … هذا بحالة انك شغال كمهندس تشغيل او عمليات operations/process engineer
وانا انصحك انك تحظ عينك على المصانع … يعني اذا جاتك فرصة بمصنع لا تفوتها … سابك ارامكو التصنيع مرافق سيبكيم كل هالشركات حاول تخليها هدفك الاول.
ليه؟
اولا … الدراسة. كل اللي راح تدرسه اشياء موجودة بالمصانع.
separation processes
heat transfer
process control
process design
راح تدرس اشهر طريقة لفصل المواد اللي هي distillation … مافيه مصنع بالدنيا ماعنده هالعملية. محد يفهمها الا انت.
ثانيا: الخبرة. خبرة مباشرة بعمل المصانع لدرجة انك مع الوقت ومع زيادة الخبرة بتلقى ان الكثير من الشركات تتسابق عليك …
على فكرة … حتى البنوك تشغل مهندسين كيميائيين.
ادخل هنا وشف اغلب ادارة سابك مهندسين كيميائين وعلى راسهم محمد الماضي رئيس الشركة
http://www.sabic.com/corporate/en/ourcompany/boardofdirectors/default.aspx
عندك بعد عبدالله السيف النائب لرئيس ارامكو السعودية للتنقيب والانتاج مهندس كيميائي.
شف يابو الشباب, دام البترول يمشي, انت الكل بالكل.
بالنسبة للرواتب: بالنسبة لشركة ارامكو جميع رواتب المهندسين متساوية سواء كيميائي او كهربائي او.
اذا المعدل تحت ال 3 الراتب 8500 … فوق ال 3 الراتب 9200.
بالنسبة ان سابك افضل من ارامكو, غير صحيح.
الاساسي في ارامكو اعلى من اساسي سابك, والزيادة السنوية في ارامكو اعلى من سابك.
شلمبرجير نعم تحتاج لمهندسين كيميائين.
هذا ماعندي حول هالموضوع … واي شي تبيه اسال … انا معك للنهاية … حتى لو اسئلة بالدراسة نفسها اسال … ولو تبي نصايح اكاديمية برضو بساعدك باللي اقدر عليه
كل اللي اتمناه لك هو التوفيق والنجاح بحياتك العلمية والعملية
والسلام خير ختام 