انا هنا انا والكيبورد حقي معي علشان ابي اوضح نقطه مهمه لدى كثير من الناس سواء شاب سواء شايب او ايا كان في مجتمعنا الغالي…>>>>>> ارامكـــوا <<<<<
الكثير منا وبعد التخرج واغلبية الطلاب وليس اغلبية وفقط بل النسبة الكبيره منهم ميلوهم الـ Itc ؟؟
لحظه
لحظه
لحظه…لاحد يفسر بكيفهـ انآإ جايكم بالموضوع…
ياشباب نظام التدرج بارمكوا من اروع مايكون بل اجمل وظائف العصر الحالي بمجتمعنا…وذلك لوجود الإيجابيات التالية :-
1- الرواتب المتزايده فهناك عدد من الرواتب تضاف لحساب الموظف كل سنه
2- البدلات التي يحصل عليها الشخص سواء كان متغرب في اماكن نائية او بالقرب من اهله ومدينته
3- المميزات المتاحه من قروض وغيرها
4- اختلاف طرق الدوام فهناك الشفتات وهناك النظام العادي المتواضع 8 ساعات >> متواضع خخخخ
5- اختلاف الدوائر فمنها الحسن ومنها السيء…وانت ونصيبك
6- درساة سنتان وقد تصل إلى سنتان ونصف ومن ثم تذهب لتستلم الوظيفه.
7- وابشركم النظام الجديد اللي اعرفه انك اول ماتستلم الوظيفه تقدر تحصل على قرض…والله اعلم
السلبيات التالية:-
1- الدوام ترى مو لعب في ارامكوا تتوقع كل اللي ذكرته فوق من ايجابيات راح تكون مرهف ومبسوط لا حبيبي ترى الدعوه كرف * كرف
2- انت وحظك في حصولك على عملك قد تكون حفار قد تكون سباك قد تكون…( انا مااعيب الوظيفه ولاحد يفهم غلط ويجيني ويقول الشغل مو عيب ارجع اكرر واقول انا مااعيب الوظيفه )
3- ايضا انت وحظك في حصولك على مكان عملك ممكن تكون في صحراء ممكن تكون على حدود أي دوله ممكن تتغرب في اماكن لا يعلم بها إلا الله .
ممكن يكون فيه سلبيات وإيجابيات انا ماذكرتها لانها لم تحضرني حاليا…
بعض المواقف اللي صارت لاصحاب الآي تي سي…:-
شاب يكلمني ويقول انا انسان قبل 7 سنوات انقبلت في البترول وقدر الله وانقبلت في الاي تي سي طبعا كنت متردد وين اروح ووين ادرس المهم نصيبه كان في ارامكوا ووفقه الله والحين متزوج وخلف بعد >>> تبغون اسم ولده خخخخخخ
بس الصدق مايمدحها يقول انا انسان لي 7 سنوات خدمه وإلى الحين استحق درجه وماحصلت عليها ؟!!
طيب ليه ماتشتكي ؟ يقول ماحد راح يسمع له لان هذا النظام انت ورئيسك يايكون اوكي وماشي وضعك ويظبطك ياتقول الله يعين وتصبر او الحل الثالث تسحب نفسك وتطلع .
طبعا كلمته وقلتله طيب فرضنا لو رجعت الايام لاول اش راح تسوي ؟ قال البترول والبترول والبترول !!
طيب ليه مادرست فيها من اول اذا انك تبي دراسه ؟؟ يقول كنت طمعاااااان اسمع الكلمه هذي طمعااان بالمكآفأة 2500 طيب والحين ؟ يقول مثل ماقلتلك انا 7 سنوات وراتبي لسى 6 وعليها بس لو داخل الجامعه وخاش ارامكوا كم راح يكون واول ماراح ادخل راح تكون درجتي 11 يعني بالعربي تعتبر 20 سنه خدمه في الشركة العريقة ارامكوا
…
يقرب لي شخص من افضل اللي عرفتهم في الثقافه والعلم وحب الاستطلاع كان من قائمة الاوائل على دفعته ممتاز ماشاء الله عليه درجه اولى …المهم حاليا في الآي تي سي تقريبا خدمه 7 إلى 8 سنوات …يدرس حاليا بجامعة الاححساء المفتوه…يا…ليه تدرس وانت الله ساتر عليك وعندك وظيفه ؟ قال يابن الحلال لو تجي تتوظف معي كم يوم وتشوف اللي معي واللي يرئسني كان تقول ادرس وبتحاسب للجامعه بعد…يقول انا انسان غلطت واخترت الطريق الخطأ في البداية تبعت رغبت الوالد وكنا نقول مضمونه ومادري شلون بس الحين ندمان ايه ندمان استحي اقولها ؟؟ لا ماراح استحي وقالها بكل معنى الكلمه يقول لو ارجع لمثل اول كان ادخل جامعه ولو اجلس فيها 7 سنواااااااات وليس 5 يقول 7 ياشباب…
…
شخص اخر تخرج بامتياز وحصل على درجة عاليه بالتحصيلي والقدرات …ميوله طب طبعا انقبل في الطب وانقبل في البترول بس للأسف اهله ماوافقوا انه يتبع ميوله ويروح للطب ومع كذا رضخ للأمر الواقع وطلع منها وراح للبترول بعد طلوع اسمه من ضمن المقبولين…ومر شهر وطلعت اسماء ارامكوا الاي تي سي نظام التدرج لخريجي الثانوية الولد كان يبغى يكمل خلاص بس للأسف اهله ماوافقوا وطمعوا بالوظيفه والمكآإفاة وحاليا ولله الحمد من افضل تخصصات ارامكوا المتاحه بتوفيق من الله …
ياشباب ادري فيه ناس بتقول طيب ايش المطلوب …المطلوب حرررررررررررام عليكم ياهوه تضيعوا نفسكم وانتم شايفين ناس قبلكم غلطوا يآخي انت انسان تدرس وعندك قدرات حاليا لسى شباب يعني فيه امكانيه ابوك متوفر يعني لا تقول مكافاة يآخي ادرس 5 سنين واطلع وروح تسوق روح تخير طب وخير على قولتهم في أي مكان ؟؟
انا مااقول نظام التدرج مو تمام بالعكس حلو واوكي بس للي مايبغى يدرس …اما اللي تفكيره فلوس ومادري وشو يدخل التدرج والله يوفقه
انا ذكرت لكم المواقف اعلاه ابغاكم تفكرون يآخي باقي قدامكم شهر من الآن على بال ماتطلع نتائج ارامكوا فكر يآخي بمستقبلك لا تفكر بعد 5 سنين اش راح تسوي ؟!! فكر بعد 10 سنين لما تتزوج فكر لما تخلف …ادري ناس بتقول يآخي انت تفكيرك لمدى بعيد لا بالعكس هذا الصح هذا انا في نظري يفكر في المستقبل ميه ميه
اررررجع اقول ارامكو ليست الجنه كل من انقبل فيها فاز وغيره خسر لا ياحبيبي ارامكوا مثلها مثل أي شركه غيرها وانت ونصيبك…بس والله حرام انسان يدرس ويحب الدراسه امنعه يكمل تعليمه !! انا ماالومه الوم اهله اللي ماتعلموا اهله اللي راح يجي يوم من الايام ويقول انتوا دخلتموني التخصص والوظيفه الفلانيه وانا ماابي
فأنا اناشدك واقولك فكرررررررررررررررر ترى المستقبل قدامك وانت وبكيفكـ
تحياتي لكل من قرأ وتحياتي لكل من زار الموضوع…ودمتم بحب
على فكره حبيت اضيف نقطه مهمه…صاحبنا اللي يقرب لي حاليا مثل ماقلت بالجامعة المفتوحه بس مقل ماقالي يقول انا ادرس لاني ابغى ادرس ومااتوقع ارامكوا تراعي ؟؟ يقول ارامكوا وقبل مااخذ موافقة الدراسه تقول انا كشركة انت موظف عندي ودارس دبلوم عندي ماني مجبورة ازيد راتبك او مجبورة ازيد درجتك وانت بكيفك يعني لا تتوقع بعد ماتخلص تجيني وتقول هذي شهاده جامعية وابغى الدرجه الفلانيه اللي استحقها او الراتب المستحق لا ياحبيبي انا ليس مجبووووووووووووووور ازيدك في اي شيء وبكيفكـ…
اكتب لكم هذا الصباح من احد مكاتب ارامكو وبالتحديد من العثمانية حيث امضي اسبوعي الثامن في التدريب. امضيت الاسابيع السبعة الاولى مع التقنيين خريجي الاي تي سي حيث يتخرجون على المرتبة السابعة او الثامنة و حينما يتخرج المهندس و يتوظف في ارامكو يكون توظيفه على المرتبة الحادية عشرة. فنجد ان بينهما ثلاثة او اربعة مراتب يحتاج على الاقل اربعة سنوات ليجتاز كل مرتبة مما يعني ان اممه من اثنتي عشرة سنة الى ستة عشر سنة ليصل الى مرتبة مهندس لا يتعدى عمره الخامسة والعشرين.
انا قدمت على ارامكو … نظام البعثات … بس للأسف ما انقبلت
ما انقبل … إلا … عدد قليل جدا من الطلاب
المهم … قدمت بعدها على البترول … و انقبلت … و الحمد لله
بعد ما بدأت الدراسة … خلصنا الترم الأول أوريا … و يتصل علي موظف من شركة أرامكو
يقول لي … (( مبروك انت انقبلت في نظام التدرج الوظيفي … ( نظام السنتين ) … قلت له يابن الحلال … انا في البترول … ((( قالي … تبغى الصراحة البترول احسن لك ))) … قلت له فعلا … البترول احسن ))
كل ما قلت يا كراش صحيح ولكن ترا الناس مو متساوية بعد
يعني يا اخي خل اللي يروح الاتي سي يروح و اللي يروح البترول يروح
اقولك الايتي سي مضمون التوظيف علي الاقل و الرجال خاش يبي يشتغل ختي لو ب 6000
و ما يبغا يتزرط بدوخة البنرول و بعدين يمكن ما يتوظف و يتعقد
ما حبيت اوصله هو ان كل واحد مسؤول عن مستقبلة … انا الان اشتغل في ارامكو و اكتب علي كمبيوتر المكتب معاي كليرك itc رواتبهم فوف الجبد … ليس كل البترول ممتازين و ليس كل الاتي سي سئيين … كل بحسبه ولكن اكيد لا يوجد مقارنه بين البترول و الاتي سي
انا مثلا لو يعطونا 10000 ريال شهريا ما رحت itc
وجهة نظري أن الــ ITC هي أفضل الخيارات لمن لا يتمكن من دراسة البكالوريوس …
و بحكم قربي من مجتمع موظفي أرامكو … أستطيع أن أحكم أن موظفي الــ ITC يفتقدون بحكم طبيعة عملهم كفنيين و عمال إلى التقدير الشخصي … لذلك تحاول الشركة تعويضهم بالرواتب الكبيرة نسبياً …
الناس في راسها عقول وتعرف تفكر
وهو أبخص بنفسه وبمستقبله
في في فرق بين اللي يحب يشتغل مع كرف
واللي يبي يدرس ويطلع بقريد وراتب حلو
يعني الكل يفكر من قبل لا يخلص الثانوي وين يبي يروح ؟
انا مهندس كيميائي ومعدلي يدخلني ارامكو وانا مغمض ( طكبعا كل شئ بعد توفيق الله)
لاكن لم اخترها وتعاقدت معى شركة بترو كيماويات بسبب الاتي:
1) المهندس يضيع في ارامكو وصعب انه يترقى
2) يمكن تتوضف في مكان انت ماتبيه ويمكن يبعد عن مكان اقامتك بمئات الكيلومترات
3) انا اعرف مهندسين كيميائيين يتدربون صيفي في ارامكو ( بقيق) والحين قاعدين يدربونهم على الحفر وانتو عارفين ان الحفر شغلات البتلروليوم
4) ان المهندس الكيميائي اذا اشتغل في مصنع برو كيماويات راح ياخذ خبره كبيره لاتقارن بمن يشتغل في مصفاة ارامكو لان شغل البتروكيماويات معقده جداً من ناحية البروسس. فأذا اخذت خبره وودك تتوضف في ارامكو براتب اكثر وبمنصب ومكان انت تبيه عليك تقدم اوراقك وراح يقبلونك على طول.
وفي الاخير ان لايكن اطبق الي ذكرته في فقرة اربعه لما اراه من انزياح مهندسن ارامكو الى شركات سابك لانهم عانو الكثير بسبب الكرف لان شغلة المهندس مكتبيه ونادراً ما تطلع للمصنع , اما ارامكو وعلى حسب الي سمعته ان المهندس يكون في الحقل ويكرف معى المشغلين.
شكرا على الإضافه والملاحظه التي كتبتها…بس انا مااقارن التدرج بالبترول شخصيا انا اقارنها باي جامعة سواء البترول او غيرها سواء كان هناك كرف او لم يكن هناك كرف
حبيبي الناس مو متساوية اوكي بس انا بينت في موضوعي انا اتكلم عن الشخص اللي يحب الدراسه وقلتلكم الاي تي سي حلوه ومستقبلها تمام بس انا خصصت الموضوع لاصحاب الدراسه شخصيا ولم اعمم الطلاب جميعا الممتاز والراغب بالدراسه والشخص الذي يبحث عن الماديات
وعلى طاري المسؤولية اسمح لي اقول ترى فيه ناس للحين مايعرف مستقبله ويسأل ابوه وين اروح ترى مو غلط تسأل بس انت المفروض وصلت مرحلة للنضج وعارف كيف تحدد اتجاهك واي طريق راح تسلك…وعلى طاري اني مااتوظف واتعقد لا اسمح لي بتجيب معدل تتوظف …والف شكر على الرد والمرور المتواضع
برب
