انا الحين في 3طبيعي ودي اعرف السنه ذي كم النسبه الموزونه المطلوبه وكيف مقسمينها وش التخصصات الحلوه وشهو رام1 ورام2 قالولي الأول قياس والثاني تحصيلي وهل التحصيلي لازم اختبره بالجامعه وانا اتوقع نسبتي الموزنه حسب ماقريت بطريقة حسبتها في موقع الجامعه 83%
دوووووووخه 
وجزاكم الله الف خير
وعندكم معلومه عن واحد اسمه طلال طالع لانه خالي وهو تخرج السنه ذي
طيب كم نسبك في ثاني والقياس؟؟
ثانيه92
قياس الاختبار الاول79
السلام عليكم
اخوي بالنسبة الموزونة مهي ثابته تتغير من سنة لسنة على حسب امكانية الجامعة لإستيعاب الطلاب والسنة الماضية كانت 85%
النسبة الموزونة مقسمة كالتالي (على خبري فيها)
35% على نسبة الثانوية العامة
35% على درجة الإختبار التحصيلي (رام2)
30% على اختبار القدرات (رام1)
الدرجة المركبة للقبول لاخر دفعة كانت 85 و اتوقع انها راح تزيد على وقتك …
حاول قد ما تقدر ترفع درجاتك لانها حاليا ما تأهلك مع هالمنافسة الكبيرة على الجامعة …
بالتوفيق 
مثل ما قال اخوي وائل كل سنة تتغير النسبة ،،
بس اتوقع انه السنة الجاية تكون اقل لأنهم دخلوا التراكمي ،،
الله يعينكم
زي ماقالوا أخوياي كل سنة تتغير النسبة
بس أتوقع إن السنة الجاية راح تكون أقل من اللي قبلها بس دمج نسبة ثانية وثالثة مع بعض
تحياتي للجميع إلا أن أجد توقيع
لا يكون شايفنا القببول والتسجيل علشان تسال
اصلا لو انت مهتم تسوي اللي تقدر عليه بغض النظر عن الدرجه وبعدين تقرر .
اما انك تفكر بحساب نسبتك المركبه من الحين فهذي طريقه خاطئه
ابو خليل شويه شويه عالرجال من حقـه يسأل http://www.skfupm.com/vb/images/smilies/smile.gif
اخوي حول ترفع درجاتك قدر الامكان وشد حيلك في التحصيلي
:: عزووز ::
وعندكم معلومه عن واحد اسمه طلال طالع لانه خالي وهو تخرج السنه ذي
بالعكس هالسنه اتوقع النسبة الموزونة المطلوبة أعلى من القديمة
لان اختبارات الوزارة الغيت
الله يوفقك انتا شد حيلك
والله يكتب اللي فيه الخير
بيباي
ياشباب باقي بدري انتم اول شي شدوا حيلكم في اللي انتم فيه
وانتبهوا على التحصيلي والقدرات
لأن هذي السنة الأعتماد عليها لأنها هي المقياس بين الطلاب
لأنه اختبارات الوزارة ألغيت ابتداء من هذه السنة
و على العموم الله يوفقكم …
و يوفقنا معكم …
شكرا شباب الله يوفقكم بس اذا كانت النسبه المركبه85% وتحت انشاءالله مقدور عليها
وسؤال بسيط السنه الماضيه كم عدد الطلاب اللي قدمو على الجامعه وكم اللي انقبلو ومتوسط نسبتهم
طفشتكم صح بس والله من خوفي ابي انقبل باي طريقه لان سنه ثانيه جاتني ظروف وماجبت نسبه زينه
مرحبا أخ ثالثة طبعيي
في لقاء مدير الجامعة ذكر أن اللي تقدموا على الجامعة كانوا 25 ألف طالب
استدعي منهم ثلاثة آلاف طالب لتسليم الوثائق واستلام إشعارات القبول
واللي سلم منهم قرابة الــ 1700 واللي باقي حتى الآن حوالي 1500
والمصدر غير موثوق… غير مسئول
وأقترح على الأخ معدن يحط منتدى لطلاب ثالث ثانوي لأن أسئلتهم كثرت هاليومين!!
يالله عز الله روحناااااااااااااااااااا فيها وش ذا الله يستر وكيف كانت نسبهم يعني اقل واحد
بس يعني اللي يجيب85%السنه الجايه بينقبل اكيد
وعندي سؤال ياليت تاكدولي عليه في طور اختبارات الاداره قالو يا انهم يرفعفون النسبه المركبه وذا شي مستبعد حسب ما قالو لي او انهم يخفضون النسبه المخصصه للثانويه
اقتراح جميل هادي فقيهي
بس قبل السنة الجاية أحسن لأن أسألتهم تكثر في أوقات التقديم على الجامعات
يا حبيبي تو الناس وهدي بالك
وبعدين النسبة المركبة ونسبة الثانوية منها هذي ما يحطونها الحين
يحطونها قبل ما تتطلع نتائج القبول
مرة كانو حاطين 40% للثانوية من النسبة المركبة وبعدين نزلوها وخلوها 35%
روق بالك وباقيلك ترم كامل وبعدها اسأل مثل ما تبي
أهم شي الحين لا تشيل هم وركز في دراستك والله يسهل عليك
شكرا وجزاكم الله الف خير يا بتروليه
حياك الله في اي وقت وزمان ومكان إحنا حاضرين <<< بس لا تجي اوقات فاينلات 
