السلام عليكم يا أعضاء sKFUPM المحترمين.
زمان عنكم والله.
كنت مشغول بالمياجر الفترة الماضية فقل دخولي للمنتدى
بس دحين لا تخافوا راح أغثكم بالمواضيع والمشاركات 
وهذا أول موضوع لي من فترة طويلة وهو عن الحذف في الجامعة (الله لا يبلانا)
راح أكتب عن أنواع الحذف ووقته وطريقته وما يترتب عليه
وبسم الله نبدأ:
1- التقدير: بدون.
وقته:
أ) الترم العادي: من بداية الترم إلى يوم الثلاثاء من الأسبوع الثاني الدراسي.
ب) الترم الصيفي: من بداية الترم إلى يوم السبت من الأسبوع الثاني الدراسي.
طريقته:
زي طريقة إضافة المواد.
تروح add and drop courses وتختار المادة اللي تبغاها وتضغط على السهم اللي جنبها وتختار drop.
وهذا النوع من الحذف ما يترتب عليه أي شي. يعني ما ينكتب أي شي في الترانسكربت حتى اسم المادة. بالعربي كأنك ما أضفت المادة من الأساس. تقدر تحذف فيه المواد حسب ما تبغى (مادة أو أكثر) بشرط ما توصل أقل من 12 ساعة أكاديمية وإذا كنت تبغى توصل أقل من ال 12 ساعة لازم تاخذ petition (إذن) يخليك تنزل أقل. وهذا الشي مسموح لك مرتين خلال دراستك الجامعية.
2- التقدير: W لعدد معين من المواد (واحدة أو أكثر وسيأتي التفصيل)
وقته:
أ) الترم العادي: من بعد النوع الأول إلى يوم الثلاثاء من الأسبوع السابع الدراسي.
ب)الترم الصيفي: من بعد النوع الأول إلى يوم الثلاثاء من الأسبوع الرابع الدراسي.
طريقته:
تروح من موقع المسجل: http://regweb.kfupm.edu.sa وتختار: Submit request for Withdrawal from Courses وبعدين تختار المادة اللي تبغى تحذفها وتختار yes من السهم اللي جنبها.
ما يترتب عليه:
بالنسبة للترانسكربت فراح تتسجل هذي المادة والقريد يكون W. ولا تخاف هذا القريد ماله أي تأثير على المعدل لأنه ينحسب كأنك ما أخذت المادة. وتقدر تحذف مادة أو أكثر بشرط ما توصل أقل من 12 ساعة إلا ب petition (راجع النوع السابق)
3- التقدير: W (للترم كله)
وقته:
أ) الترم العادي: من بعد النوع السابق إلى يوم الثلاثاء من الأسبوع العاشر الدراسي.
ب)الترم الصيفي: من بعد النوع السابق إلى يوم الأربعاء من الأسبوع الخامس الدراسي.
طريقته:
تروح مبنى 9 وتاخذ استمارة وتعبيها حسب المطلوب.
ما يترتب عليه:
زي الحالة السابقة. بس في هذا يالنوع ينكتب قريد W لكل المواد. وإذا حذفت روح نام كويس بعدها وأصحى اليوم التاني بدري والله يعينك حتروح تسوي إخلاء طرف من كل الأقسام اللي مكتوبة في استمارة إخلاء الطرف الموجودة في مبنى 9. حتروح مستودع الكتب والأمن والسلامة والإسكان وغيرها. يوم حافل بالإثارة والمرمطة 
.
4- التقدير: WP or WF (ومعناها حذف كل المواد مع النجاح أو الرسوب)
وقته:
أ) الترم العادي: من بعد النوع السابق إلى يوم الثلاثاء من الأسبوع الرابع عشر الدراسي.
ب) الترم الصيفي: من بعد النوع السابق إلى يوم الثلاثاء من الأسبوع السابع الدراسي.
طريقته:
زي النوع السابق بس الزيادة إنك تروح لكل مدرس مادة منزلها وتخليه يوقعلك وتسأله عن القريد اللي حيعطيك هو (WP or WF) عشان تعرف إيش تسوي.
ما يترتب عليه:
راح أذكر مثال عشان توضح الصورة.
مثال:
المواد: WP MATH 101
WP PHYS 101
WF CHEM 101
WP IAS 101
فهذا معناه إن القريد اللي حيتسجل في الترانسكربت هو WP في الماث والفيزيكس والعربي ويترتب على ذلك مثل ما يترتب على القريد W يعني بدون ما يأثر على المعدل.
أما الكمستري فراح تتسجل في الترانسكربت WF ,ومعناها كأنك أخذت F فيها وتتسجل بصفر في الترانسكربت وتأثيرها على المعدل نفس تأثير ال F .
طبعًا ممكن تاخذ كل المواد WP أو كلها WF أو مواد كدا ومواد كدا. والقريد يكون من مدرس المادة يعني روح اتفاهم معاه قبل ما تقع الفاس في الراس عشان تضمن الWP.
ولازم تسوي إخلاء طرف زي النوع السابق.
ملاحظات:
1- في كل أنواع الحذف لازم تروح مستودع الكتب وترجع كتب المواد اللي حذفتها.
2- مثل ماهو واضح إنه أنواع الحذف تكون متسلسلة يعني النوع الأول إذا خلص يبدأ الثاني وهكذا.
3- إخلاء الطرف في النوعين الثالث والرابع معناه إنك تنهي علاقتك بالجامعة خلال السمستر المحذوف. تسلم الآي دي وتنقطع المكافأة ويتلغي اسمك من السكن. وتسوي إعادة قبول للسمستر اللي بعده.
4- إخلاء الطرف يكون في السمستر الأول والثاني فقط أما السمستر الصيفي فإذا حذفت بالنوعين الثالث أو الرابع فما تسوي إخلاء طرف لأنه ترم زايد في الجامعة. فالأصل إنك تحضر السمستر الأول والثاني فقط.
5- النوع الأول والثاني يكون لطلاب الجبل فقط يعني لا يجي طالب أوريا ويقول أبغى أحذف الريدينغ والرايتينغ وأخليها لحالها في الصيف (تخيل 
)
وأهم شي التفكير العميق والاستشارة والاستخارة قبل الإقدام على الحذف.
This is the end of the presentation. If you have any question you may ask
Good Luck
… على حسب التقويم اللي سواها …
