السلام عليكم ورحمة الله وبركاته
--
اهلا بك يا اوريا جديد ومرحبا
نعم ، لك الحق في اختيار الروميت ، في كل وقت
وتقدر تغير متى ما بغيت
---
ما في سلبيات واجد او كبيرة
انت بتتعود عليه بسرعة
ولا انصح بقوة انك تسكن خارج الجامعة
لازم تعيش أجواء الحرم الجامعي ، والمطعم
----
ما عليك منهم ، اللي يخوفك هذا هو مش فاهم
وهو اللي ما مشى صح في الجامعة
لكن الجامعة متعة و وناسة وعلم وثقافة
لكن انت لا تضيع وقتك في اشياء مالها داعي
وكذا راح تنجح وتتفوق وانت مرتاح
---
لا ما يحتاج دورة ولا حاجة
كل شي بتتعلمة في الأوريا
لا تخاف من شي
حتى لو كنت ما تعرف الا الـ A, B, C…
بس شد حيلك وتوكل على الله
----
والله هو مش سريع مثل البرق
ولا هو بطيء مثل السلحفاة
لكنه زين
وتمر عليه بعض الحالات اللي يصير بطيء كلش او خربان
وفي كل الحالتين ، انت ما تقدر تسوي شي له
----
اي نعم ، ومافيها اي مشكلة
---
يعني هي مش زي ماي البحر
لكنها احلى منه بشوي
----
لا تترك اي شي مهم في الغرفة في ايام العطلات
---
واشكرك على ثقتكم بنا
تحياتي لكم
عندي سؤال ويا ليت الرد بصراحة وقناعة انا من الجنوب ومدري اذا جيت انا اسكن في الجامعة والا براء لان عندي بيت في الدمام واقدر اسكن هناك وانا مستحيل اقدر اذاكر في غرفة ومعي واحد جالس عندي مدري محتار ابغا اجابه من اللي مروو بالسنة التحضيرية .
عندي سؤال ويا ليت الرد بصراحة وقناعة انا من الجنوب ومدري اذا جيت انا اسكن في الجامعة والا براء لان عندي بيت في الدمام واقدر اسكن هناك وانا مستحيل اقدر اذاكر في غرفة ومعي واحد جالس عندي مدري محتار ابغا اجابه من اللي مروو بالسنة التحضيرية
شوووف حبيبي أنا كنت اعاني مثلك … مستحيل اذاكر وأحد جنبي خاصة اذا عندك روميت لسانه مايوقف
لكن بتتعود بسررعة … واذا متأزمة حالتك اسكن في الجامعة ووقت الاختبارات رووح بيتكم
