السلام عليكم ورحمة الله وبركاته
مساء الخير على الموجودين
شباب انا الان في حاله نفسية لايعلم بها الا الله بسبب اني انقبلت كلية الهندسة ولم اقبل في كلية الطب التي كانت طموحي الاول منذ صغري قرأت بعض المواضيع عن الهندسة رأيت ان الهندسة من ناحية الوظيفة ماتنفع باستثناء المتخرجين من جامعتكم انا قصدي في جامعات اخرى
انا قبلت في الهندسة احدى جامعات المملكة والان اسمع اقاوويل تقول ان المهندسين اللي عليهم الطلب بس من جامعة الملك فهد واما الجامعااات الاخرى فرصها الوظيفية اقل بكثير من جامعتكم ا تكفووون واحد يطمني ويقولي اذا يعرف احد متخرج من جامعة غير جامعة البترول متوظف في سابك او ارامكو لاني والله ما مصبرني على الهندسة الا اني امني نفسي بالوظيفة في احدى هذي الشركتين
ثانياً: الحمدلله على كل حال و أنت ماتدري وش الزين لك…
ثالثاً: لا أعرف سبب عدم قبولك في الطب ولكن أتوقع لو إنك كنت ترغب بها بشدة لقبلت فيها مهما كانت النسبة. ما أقصده هو أنك لم تكن تبذل من جهدك مايؤهلك للطب.
رابعا:
أنت شد حيلك و جب تقدير مرتفع لا يقل عن ممتاز و أفضل شي ممتاز مع مرتبة الشرف الأولى و صدقني راح تلقى وظيفة إن شاء الله بس حاول تثبت نفسك خصوصا في المقابلة…
خامسا و أخيرا::
تفوق طلاب جامعتنا هو على المستوى الأكاديمي و اللغة الإنجليزية و أضف إلى ذلك نظام التدريب قبل التخرج و هو نقطة قوية لمصلحة جامعة الفهد.
قد تستطيع التغلب على ذلك إذا أخذت معدل مرتفع مع مرتبة شرف و اهتممت بتطوير اللعة الإنجليزية و أخذت عمل جزئي في الشركات في فترة الصيف إذا كنت فاضي…
صرااااحه في الجامعة الطب مطلوب نسب عااااااالية جدا وكان لم ينقصني عن طب سوى فواصل الطب طالب85 مكافئه انا حصلت على 84.70 وشاءت الاقدار بس يابو ثابت مرتبة الشرف تفرق من ناحية التوظيف
اخوي الهندسه تخصصها مرغوب ومن اي جامعه كانت في السعوديه
ارامكو - سابك وغيرها من شركات تقبل خريجي البترول -سعود-عبدالعزيز-خالد-كليه الجبيل الجامعيه -كليه ينبع الجامعيه وغيرها
كلهم تعاملهم نفس المستوى ونفس القريد ونفس الراتب
ان كنت من سعود او البترول او خالد او عبدالعزيز او غيرها وحاصل على هندسه ومعدلك ممتاز تدخل ارامكو بقريد 11 وبنفس الراتب
يعني مافيه فرق في الجامعات
يعطيك العافيه اخوي ابو ثابت فقط من باب التوضيح الطالب حتى لو كان حاصل على مرتبه شرف
مايقدر يتشرط من ناحيه الوظيفه خاصه في الشركات الكبيره مثل ارامكو وسابك
لانه كل خريج وبمعدل معين له راتب معين وثابت يعني واحد متخرج بمعدل 4 من 4 راتبه وقريده نفس اللي متخرج 3 من 4 كلهم سوى في ارامكو
الطالب يستطيع ان يتشرط على الشركات اذا كانت عنده خبره اما اذا لم تكن للاسف ما يستطيع
صحيح ان خريج البترول الطلب عليه اكبر ولا فيه مقارنة بس برضوا خريج سعود لو خذا دورات زي (دورات ادارة المشاريع) خذا تدريب صيفي وتخرج بممتاز و مرتبة الشرف راح يكون افضل من خريج البترول اللي تخرج بنسبة متدنية شوي
…والله كاتبه ربك بيصير … اذا انت ماعندك الا الهندسة بسعود اتوقع انت قبلت بالخرج !! … لان رغبتك الاولى الكليات الصحية والكليات الصحية قفلت بالرياض على مركب 86.61 والكليات الصحية بالخرج قفلت على مركب 84 وهندسة الرياض قفلت على 85 وكسور … يعني لو قبلت بالرياض هندسة تقدر حقق حلمك وتروح للخرج كليات صحية … ماحبيت ادخل بالتفاصيل << اجل وش سويت
بالنسبة للطب عندك جامعة طيبة قفلوا يوم الأربعاء على 80 موزونة ومددوها إلى الاثنين إلى هو أمس <<< وعلى ما اعتقد في أماكن شاغره
وهذي الرسالة اللي جاتني قبل كم يوم وفيها رقم للاستفسار
تحية طيبة:
تفيد عمادة القبول والتسجيل بجامعة طيبة بتمديد فترة استقبال الطلاب الذين لديهم استمارات ترشيح لبرنامج العلوم الصحية حتى تاريخ 1429/8/5هـ ، وذلك من اجل استكمال المقاعد المتبقية في البرنامج.وللاستفسار يرجى الاتصال (0530717277)
معليش يا اخي لا احد يلعب عليك …لا ازعجوه ولا شي…هم يدقون مرة وحدة اوكي اوكي مو اوكي مع السلامة…
شركة مثل ارامكو تستطيع ان تجيب ناس من اي محل تبغا و لا عليه من اللي يدقون عليه 100 مرة تاهيك عن طلاب الـ CPC اللي عندهم الكثيرين و غير الماستر اللي مليين الشركة.
فلا احد يسوي فيها مهم! اتفق معك انهم يرغبون في طلاب من كل الجامعات ويدقون عليهم لكن ما الي درجة يزعجوهم
السلام عليكم . المتخرجين من كلية الجبيل الصناعية كلهم بالشركات ونادرا ماتلقى منهم احد بطالي وكذلك خريجين الهندسة من جامعة الملك فيصل . وبعدين انت اذا تخرجت مهندس على قولة البدو ( ماعليك خلاف ) لاقي وظيفه يعني لاقي وظيفه
واما الجامعااات الاخرى فرصها الوظيفية اقل بكثير من جامعتكم ا تكفووون واحد يطمني ويقولي اذا يعرف احد متخرج من جامعة غير جامعة البترول متوظف في سابك او ارامكو لاني والله ما مصبرني على الهندسة الا اني امني نفسي بالوظيفة في احدى هذي الشركتين
