السلام عليكم ورحمة الله وبركاته
حبيت استفسر ياشباب عن اللي جاتهم رساله من الخطوط بالنسبه لبرنامج رواد المستقبل الوظيفي
هل كانت هناك مقابلات ولا بس تقديم اوراق
شكلي سحبت علييك هااا 
والله ماقدرت اروح الا اليوم…
المهم يابوالشباب انا دوبي راجع من عندهم… وسلمت اوراقي…
ولكن
وانا عندهم… طلبو مني صورة الشهادة وصورة الترانزكربت وصورة الهوية…
وكلهم كانو معايا صور… ماعادا الترانزكربت… كان معايا الاصل… وصراحة استخسرت اقدم الاصل لهم
فرحت ادور على مكان اصور… ومالقيت الا عند واحد من موظفين الخطوط في قسم تاني…
المهم لمن شاف الترانزكربت…
قالي ايش جاي تسوي… قلتلو اقدم على البرنامج اللي عندكم…
قال ياعمي اشررررد بلا خطوط بلا خرابيط… قال دحين مافي شي اسمو موظف خطوط سعودية…
قلتلو ليش… قالي انا انصحك… لكن بعدين والله حتبكي… والله حتبكي
قلتلو يعطيك العافية واخدت الصور…
المهم رحت اسلمها… وعند الموظف اللي يستلم اقولو كيف طبيعة البرنامج وايش الهرجة بالزبط…
قالي “هوه برنامج منتهي بالتوظيف… يعني الخطوط راح يدربوكم ويعطوكم دورات وبعدين تتوظفو …”
قلتلو طيب فين التوظيف في الخطووط نفسها ولا شركات تابعة لها… قالي “دحين الايام هذه مافي شي اسمو موظف خطوط… والتوظيف راح يكون عن طريق عقود… يعني مو رسمي”
قلتلو كيف… قال "يعني عقد كل فترة يتجدد… ومالك مزايا موظفين الخطوط … "
المهم قدمت الاوراق واخدها… وقالي خلاص … وهذا قبول مبدأي واذا في شي جديد راح نبلغك…
والحمدلله اني ماقدمت شي اصلي… كلو صور… يعني ماطلعت بخسارة منهم
والحمدلله…
وبالتوفيق لك 
قال ايييه… قال:
we care
نحن نهتم
ياواد صرت ادخل على الملف بتاعك كل دقيقه من امس اشوف متى اخر مشاركه لك 
واستنى واستنى اقول شكل الواد سحب ولا دري عنك 
بس طلعة قدع
قلت خليني اخذ ايميله وارسله (بس قلت من متى المعرفه حتى ترسل على الرجال من دون اذنه 
)
يعني اخرها طلعت الهرجه كذا 
عقود تقوللي
على العموم انا متوظف في الشرقيه … بس قلت خللنا نقرب من الاهل في الغربيه 
الله يعطيك العافيه مايحتاج انزل حاكلم اخوي يودي الاوراق 
مرره ثانيه جزاك الله خير 
ولا تسويها مره ثانيه
مع إنه الوالد في الخطوط من حوالي 30 سنة…لكني أنا و هوا و جميع أهلي غاسلين أيادينا منهم و من حركاتهم القرعة.
و آخرها مكتبهم اللي يقفل الساعة 6!!!
كلام احد الموظفين (( انه برنامج قوي مدعوم بالعديد من الدورات الداخليه والخارجيه وتهيئة المهندسين للوظائف القياديه )) على حسب كلامه
على العموم كل واحد يقول هرجه وربك يكتب الخير ان شاء
ياحبيبي لو انو اييييييييش
الوظيفة في النهاية ما راح تكون رسمية… وماراح تاخد اي من مميزات موظفين الخطوط…
يكفيك انك راح تتوظف بنظام العقود…
يعني في اي وقت توقع منهم كلمة مع السلامة والله معاااك
الوظيف رسمية و لكن ليست حكومية يعني عقد قابل للتجديد زي كل شركات المملكة و أغلب مزايا الخطوط موجودة لك تذاكر مخفضة انت ومن تعول ولكن بدل التذكرة المجانية السنوية تعطى قسيمة بمبلغ يراوح بين 3000 الى 13500 تقريبا حسب الجريد و بدل العلاج المجاني تعطى تأمين طبي. والأكيد أن جميع موظفي الخطوط الحاليين سيتم تحويلهم على نفس دا النظام بنهاية 1430هـ.
برنامج رواد المستقبل مدعوم صحيح و اللي أعرفه انو كان اسمه مدراء المستقبل بس غيروه.
ميزة الخطوط ماتكرف دوامك من 7:30 الى 3:30 سبت لأربعاء. طبعا الاجازات في الأعياد زي الشركات مو الحكومة.
وأخيرا الميزة الأخيرة اللي حتروح هي الراتب الإضافي في رمضان.
لو تحتاج أي معلومات اضافية دونت هازيتيت.
التقديم لسه مفتوح و لا خلاص بح؟
لا والله بح يابعدي:((( كان قريت النيك نيم هذا في موقع شركتي عن ارامكو هو انت ولا لا))
جاتني رساله بتحديد موعد لاختبار الانجليزي (( بالله احد يعرف عنه شي ))
الموعد يوم الثلاثاء
عندي تحفظ كبير على هذا الكلام!!!!
why???
can you explain ahmed
السلام عليكم
أخوكم في الله … أحد أعضاء الدفعة الأولى لبرنامج رواد المستقبل
بالنسبة لما سمعتموه عن الخطوط السعودية … فحابب أوضح عدة أمور
أولا: ستجدون هناك الكثير من الموظفين المحبطين من الشركة … والغالبية من هؤلاء هم من تقل خدمتهم في الشركة عن 20 سنة … والسبب يطول شرحه
لكن اللي أبغى أأكدها لكم … انه جميع الموظفين راح ينتقلوا من النظام الحكومي الى الخاص … وهو أمر جيد للبعض وشيء للبعض الآخر
الجيد … هو سيكون هناك نظام حوافز للموظفين اصحاب الانتاجية العالية … وستكون تحت نظام التأمينات الاجتماعية (بمعنى اذا جاتك فرصة وظيفية أخرى في قطاع خاص … سيحسب لك راتب التقاعد بعدد سنين عملك من الشركة الجديدة والقديمة)
السيء … الموظف الذي سيكثر غيابه أو تهاونه في العمل … سيكون معرضا للفصل ليس كما يحدث سابقا
يعني اذا كنت مواظب وماشي شغلك تمام … ماعليك أبدا خوف حتى طالما انك بتحاول ما أحد راح يفرط فيك … وخصوصا وأن الخطوط تدفع مبالغ طائلة للتدريب فقط … فكيف يستغنون عن موظف جديد أنفقوا عليه مصاريف التدريب بهذه السهولة؟
اما بخصوص البرنامج … فهو برنامج قوي جدا … وذالك لأنك راح تحصل على عدد دورات كثيرة جدا خصوصا في السنة الأولى … بالاضافة الى دبلوم عالمي من منظمة الاياتا ودورات من منظمات دولية مثل اليوروموني وغيرها
لكن أحب أنوه على نقطة معينة … وهو انه لاتعطوا أمل كبير في القبول بالبرنامج … يعني اذا قدمت … حط في بالك حكاية عدم القبول … واذا ربنا كتبلك هي … كان بها
والسبب لأن عدد المتقدمين للبرنامج بالالاف … والذين انقبلوا في الدفعة الأولى لايتجاوز عن 18 شخص
طبعا حتقولوا أكيد واسطات والخ الخ … ما أنكر لكم انه الخطوط ناس كثيرين متوظفين بالواسطات … لكن الا هذا البرنامج فهو الوحيد اللي بدون واسطة … والسبب انهم يريدون اشخاص مؤهلين مميزين قادرون على مسك وظائف قيادية في المستقبل … غير كدا انه راح يصرفوا عليهم الملايين من الريالات
وأي استفسارات عن البرنامج … أنا موجود
اول مره اسمع انه فيه دفعة اولى
طيب ياخوي ممكن تقلنا اش المميزات اللي تاخذها (( على اساس انه اول سنتين على كمتدرب يعني ))
الى الان طيب ماهي الدورات اللي اخذتها وكم للك الى الان في هذا البرنامج
انا مثلا تخصصي كهربا اش الوظيفه حتكون في صيانة الطائرات يعني (( اخوك في الله من اعرف اي شي عن الطيرات الا اسمها))
انت تقول الدفعه الاولى 18 واحد (( هل هم من جميع التخصصات ))
اما انك تقللي في الخطوط ومن غير واسطات (( اسمحلي ههههههه))
ياليت تشرحلي اكثر اذا كان عندك وقت عن اي حاجه عارفها وماذكرته انا
الله يوفقك وجزاك الله خير
السلام عليكم
شباب انا اليوم وصلتني رساله من رواد المستقبل وحددوا الاختبار في يوم الثلاثاء 26 في مبنى الخطوط السعودية بالراكة
فليش وصلت لكم الرساله قبل بكثير؟؟
انا لحد الان حالة الطلب عندي:
الإحالة لإختبار اللغة E
( التفاصيل )
والتفاصيل مافيها ولا شي… غير:
سوف تحديد موعد إختبار اللغة الإنجليزية
هل هو نفس برنامج الابتعاث اللي انا مقدم عليه انا توني خريج ثنوي و واختباري يوم الثلوث بالراكة
في الموقع مكتوب احالته للختبار وبعدها جتني رسالة عالجوال موعد الاختبار
^^
لا يا بطل
^^^^^
شكرا يا شاطر
يا شباب …
مين عنده رقم إدارة الخطوط بجدة؟
تحياتي
انا انا انا
تفضل ان شاء الله يمسك معاك
026860525