السلام عليكم ورحمه الله وبركاته
انا عندي اساله كثيره واتمنى انكم تجاوبوني
1:- هل الهندسه الكيميائيه ادرس كيمياء زي حقت الثانويه وهل احفظ معادلات واشياء ولا كيف؟
2:- من ناحيه المستقبل للهندسه الكيميائيه في هذي الجامعه وش لون ؟
3:-هل ادخل مختبرات واحط بلاوي ولا ؟
4:- هل البس لاب كوت ?
5:-وهل اقدر اجيب علامات فيها كامل ولا مستحيل ؟
اعرف طالب يدرس هندسة كيميائية يقولي اذا ما تحب الحفظ لا تدخله كثير حفظ
بعده شلت فكرة هندسة كيميائية من راسي وكمان مدرس الكيميا يقول هذا التخصص لازم تجيب نسبة عالية
لأنه يعتمدو على النسبة بشكل كبير في هذ التخصص
وننتظر رد طلاب البترول
اماااااااااااااااااااااااااااا
بسم الله
أنا ماني مهندس كيميائي
لكن أعرف شباب مهندسيين كيميائيين وهم يقولون إن الكيمياء تختلف على الهندسة الكيميائية
شف هذا الموضوع
الفرق بين الكيمياء والهندسة الكيميائية
http://skfupm.com/vb/showthread.php?t=3907
ومستقبلها الوظيفي جدا ممتاز واسأل المهندسيين في أرامكو وسابك
بل في سابك أهم جانب هندسي في الشركة هو الهندسة الكيميائية
ورواتبهم في أرامكو أعلى من باقي المهندسيين
بس لازم أول شي تعرف الميول وتربط معاه مجال العمل
والأرزاق أولا وأخيرا بيد الله سواء معدلك عالي أو واطي
إنت بس توكل على الله واجتهد
وإن شاء الله باقي الشباب يفيدونكم
فريشمان انت اوريا؟
^
^
والله يا لييييييييت أرجع أوريا:)
أنا الترم الجاي بإذن الله الكريم خريج هندسة كهربائية:)
ما شا الله وان شاء الله تصير وزير
طيب كم تعطي راتب لواحد مهندس كيميائي معه ماجستير اداره ماليه؟ توقع بس
^
^
والله يخوي أنا ما أعطي ولا أتوقع 
أنا أقولك راتب الخريج الجديد في الهندسة الكيميائية اللي معدله فوق 3 من 4 في أرامكو حول 9800 ريال (غير البدلات)
وإذا كان معه ماجستير طبعا أحسن وأحسن
بس يخوي أأكد عليك شف ميولك أول وبعدين شف سوق العمل (يعني هل ميولك هذا فيه عليه طلب ولا لأ)
ومن خلال السنة التحضيرية تقدر تزور الأقسام وتسأل
الله ييسر علينا وعليك
مب كنها شوي ؟
^^^
لا تفكر بالراتب … الحين
شوي؟؟؟؟؟؟؟
إنت كم تبغى؟؟
هذا الراتب يخوي مو شوي إلا كثير
وترا هذا مع البدلات ممكن يوصل 12000 في الشهر
قل الحمد لله وأنا أخوك
حتى بعض المسؤولين في الحكومة ما ياخذ مثل هالراتب
كخريج جديد هذا راتب كثييييييييييبر جدا
ومثل ما قالك أخوي عبادي لا تفكر بالراتب لأن الأرزاق بيد الله وناس تدور تشتغل ب 1000 ريال ولا تحصل
الحمد لله الحمد لله على النعمة
اللهم اغفر لنا واعف عنا يا أرحم الراحمين
السلام عليكم و رحمة الله و بركاته
ما أستطيع أضافته في هذه العجاله:
- أعلم سيدي الفاضل ان التخصص يعتمد على الفيزياء اكثر من الكيمياء - علم مساعد لفهم التفاعلات التي تحدث في المصافي - مثلا - لفهم طبيعة العملية الصناعية و تحسينها من حيث الجدوى التقنية و الأقتصادية. " المهندس الكيميائي عمله الرئيسي يتعلق بتصميم المفاعلات و المعدات الصناعية التي تعتمد على مبدأ الأحتراق و ميكانيكا الموائع بأبسط و أرخص طريقة ممكنة"
السؤال: هل هذا يناسب ميولك؟
- التخصص يعتمد على الفهم اكثر من الحفظ و يتطلب سرعة البديهة و القوة في علم الرياضيات - أم الهندسة كعلم.
- الأحتياج قوي حاليا للتخصص في سوق العمل , و لكن ما هو الأحتياج بعد تخرجكم ان شاء الله ؟ - ضع هذا الفرض في ذهنك.
- التخصص - متى احببته - ممتع جدا و تكون في المصنع كالطبيب لتشخيص امراض المعدات ! و تحسين كفآتها . ألمهندس الكيميائي الجيد مصدر ربح للشركات و يستطيع ان يوفر الملايين.
- بحكم عمله - المهندس الكيميائي- الذي يجب ان تكون له نظرة شاملة للمصنع و عملياته , غالبا ما يتبوأ المناصب القيادية في الشركات كمدراء المصانع مثلا.
و أسلم لأخيك,
امين
عندي اضافه سريعه
اغلب موادنا في القسم اختباراتها Open Book
يعني ما يحتاج تحفظ
ولا فيها حفظ
لكن مواد الكيمياء اللي راح تدرسها فيها حفظ وبالذات الكيمياء العضوية 1 والكيمياء العضوية 2
لكن مستقبل المهندس الكيميائي مرررة طيب
انا متخرج العام الماضي وكل دفعتي ولله الحمد توظفوا في احسن الشركات
حتى في آخر ترم جاتنا سابك للجامعه وعرضت علينا الوظيفه
انا انصحك فيها وبقوة مع ان دكاترتنا مو مستواهم عالي مرررة مثل الاقسام الثانيه
لكن تقدر تمشي وبسهالة في قسمنا بس المثابرة والاجتهاد
والله يوفقك
واي استفسارات احنا حاضرين للغالين
معلومة يسيرة أملكها عن هذا التخصص !
لا فض فوووك يا أخي الاكبر:)
وفعلا دائما ما أخبر الطلاب ان تخصص الهندسة الكيميائية لا يعتمد فقط على الكيمياء ( لان الغالب يستنتج هذا من اسم التخصص )
لكن الفيزياء هو عامل رئيس في مواد التخصص
للمعلومية
مادة ( مقدمة للتخصص الهندسة الكيميائية 201 ) تفتحها فيزياء 102 و كيمياء 102
وش السبب؟
فقط ثلاث تشباتر تتعلق بالثيرمو دينامكس ( الديناميكا الحرارية وقوانينها وخواص المواد ) تشابتر 18 و 19 و 20
واللي درس هالثلاث تشباتر بيرى انهم مكررين في كمستري 102 ( تشابتر 12 و 13 و 15 ) و 101 ( التشابتر 5 و 6 )
كتبته على عجالة بما تحتويه افكاري من معلومات يسيرة عن هذا التخصص ! 
على الهامش:
كم سررت بتواجدك معنى يا خريجنا القديم
اذا ما عليك كلافة يالحزين
-ممكن تقول لنا ايش المواد اللي تكون اختباراتها غالبا (اوبن بووك)؟
-وممكن تقول لي هل هي فقط للفاينلات ولا للمياجر والفاينلات؟
-وهل الاختبارات الفاينل تكون شاملة للمنهج ( comprehensive )؟
-وهل تنصح اني اذاكر من النوتات والملخصات والسلايدات اللي يكتبها والمدرس؟ ولا ماتنفع غالبا؟
وانا دايم اشوف طلاب التخصص يشيلون الكتب وش كبرها ( كتاب أصفر وكتاب ابيض و جميع الوان الطيف )
-يعني اعتمادهم الرئيسي المذاكرة من الكتاب ولا يرجعون له فقط لحل اسئلة الهومووركات؟
-سمعت من بعض الاشخاص ان اغلب الاختبارات تكون مكررة لمدرس معين( يعني ذاكر اولد اكسامز ومشي حالك) هل هذا صحيح؟
-وايش هي المواد الكومن في التخصص
نبغى التفصيل لكل مادة ولا تعمم
وعاد هالله هالله زي ما تعبت في استفساراتي اتعب معنا في الرد على هذي الاستفسارات
وحياك الله يالحزين ونورتنا بطلتك:)
وباقي استفسارات راح اسئلك عنها بعد ما ادخل التخصص وابدع فيه
حياك الله يا حبيبنا واااصل
على فكرة 00 ترى في واحد من جماعتنا انضم لكم ( اقصد هجـر ) واتمنى انه يكون عند حسن الظن
===================
بالنسبة لاستفساراتك راح اجاوبك عليها باللي انا شفته وبوجهه نظري وقد يختلف معي احد الاخوان فيها
بسم الله وعلى بركة الله
-ممكن تقول لنا ايش المواد اللي تكون اختباراتها غالبا (اوبن بووك)؟
ج/ طبعا من خلال دراستي الجامعية 00 جاتني المواد التالية اللي صارت اوبن بك وعلى فكرة من دكتور الى دكتور يختلف الوضع
Che-201 مستحيل تكون اوبن بوك لانها بيسك ولازم تفهمها كويس 00 راح يعطيك فورملا شيت وتحويل الوحدات ومن هذا القبيل
وهذي المادة موكون 00 دائما اختباراتها تكون مشتركة بين الدكاترة 00 ودائما الفاينل مو كومن
Che-203 هذي كانت عندنا اوبن بوك لان فيها معادلات كثيرة وتحويلات كثيرة 00 لكن مو كل الدكاترة يعطونها اوبن بوك
هذي المادة كل دكتور مختص فيها 00 يعني اختباراتها مو كومن 00 والفاينل مو كومبرهنسف ولكن كل دكتور له فلسفته
Che-204 هذي كانت كومون لكن في الوقت الحالي اصبحت لكل دكتور خصوصيته 00 لابد تكون اوبن بوك وراح تشوفون طبيعة هالمادة الغثيثة على القلب 00 فاينلاتها اتوقع مو كونبرهنسف والله يعينكم منها واهم شي تختار الدكتور الشريح لانها مادة مهمة
Che-300 هذي المادة مو كومون 00 كل دكتور بلحاله 00 المادة هذي اوبن بوك 00 ومادة سهلة ولذيذه 00 انا عشقت هالمادة من حلاوتها 00 والفاينل مو كومبرهنسف
Che-303 هذي المادة بالقووووووووووة اوبن بووك 00 لانها صعبة جدا جدا جدا وكلها ديريفيشن ومعادلات وحالتها حالة 00 مادة صعبة جدا وغثيثة ومو اي دكتور يشرحها 00 الفاينل اكيد مو كومبرهنسف
Che-304 هذي المادة عندنا كانت اوبن بوك لكن عند دكاترة ثانيين مو اوبن بوك 00 مادة مرة تكون حلوة ومرة صعبة 00 لكن مقبوله 00 الفاينل مو كومبرهنسف الى حد ما
Che-306 مادة من احلى مواد الكيميكال ومادة اذا اخذتها تحس انك كيميكال 00 ليست اوبن بوك بالقوووووووة وتحتاج شوية تركيز 00 طبعا لازم يكون فيها فورملا شيت 00 الفاينل اكيد مو مومبرهنسف وكل دكتور وله فلسفته
Che-309-325 مواد لابات ولا راح نعطيها كلام
Che-401 هذي المادة والله لو تآخذها مع اينشتاين او لا تآخذها مع الخوارزمي والله ما راح تفهمها 00 لو فهمتها ورحت للأسئلة آخر كل شابتر تحس انك دلخ ولا كأنك خذت شي 00 المادو هذي لازم تكون اوبن بوك او لازم يعطيك فورملا شيت كثيرة لانها مادة معقدة ومن دكتور الى دكتور يختلف الوضع فيها 00 الفاينل مو كومبرهنسف
Che-402 مادة حلوة 00 ومادة يبي لها مخ نظيف 00 يبي لها دكتور قدير وهذا شي انا حرمت منه في هذي المادة اللذيذة 
00 المادة اكيد اوبن بوك لانها معادلات وحالتها حالة واشتقاقات واكثر من سستم يصير فيها 00 الفاينل مو كومبرهنسف ومن دكتور الى دكتور يختلف الوضع
Che-425 مادة حلوة 00 مادة رائعة 00 مادة مهمة 00 مادة لازم تكون كلوز بوك لان اغلبها يعتمد على استنتاج من خلال رسومات 00 مو كمبرهنسف الفاينل 00 ومن دكتور الى دكتور يختلف الوضع 00 وانا واحد حبيت هالمادة
Che-409 مادة معمل
Che-495 مادة مشروع تخرج 00 الله يعطيكم الهمة فيها ولازم تختار قروب صح عشان تطلعون بمشروع حلو
===
بالنسبة للنوتات والسلايدات 00 الدكتور اللي ينوت ذاكر من نوته مع الرجوع للكتاب في حل الاقزامبلز 00 الدكتور اللي ما يعطي نوت الله يعينك انك تركز معاه وما تذاكر الا من الكتاب 00 الكتاب مهم جدا 00 اذا كان عندك السولوشن حق اي كتاب حاول انك تجرب نفسك في اي سؤال وشوف جوابك مع السولوشن 00 ترى الكتاب اللي تآخذه من الستور تخسر عليه الجامعه فمستحيل ترميه بدون ما تستفيد منه 00 لازم ترجع له وتقرا اللي فيه 00 وطبعا من كتاب الى كتاب يختلف الوضع 00 يعني في كتب تحمس وفي كتب تجيب الألم وانا جربت اقرا كل الكتب
===
بالنسبة لتكرير الاختبارات 00 انا اوافقك وبشدة 00 في دكاترة ما يغيرون اسئلتهم ابدا ابدا ابدا 00 ولو تبغى نفيدك ما عندنا مانع 00
===
اتوقع اني مريت على كل الأسئلة فإن اصبنا فمن الله وان اخطأنا فمن انفسنا والشيطان
واي سؤال انا حاااااضر للغالين
===
^^
الف شكر أخوي الحزيين
الله يجزاك الف خيير على الرد والله انك اكوس طلاب الكيميكال
ما قصرت يابعدي والواضح من ردك انك باين تعبان فييه كثييير مرة بداية من تجميع المعلومات وتذكر الاحداث ترتيبها وكتابتها على الكيبورد
الله يعطييك العافية وعساك على القووووة اخوي
الله لا يحرمنا منك ومن نصايحك المفيدة والجميلة مررررة ( ابخليك ادفايزري الخاص هع )
لو كتبت لين بكره ما راح اوفيك حقك يا ولد ديرتنا
بالتوفيق في حياتك الدينية والعملية
لكن اللي فهمته من كلامك ان كل مدرس له سياسته الخاصة في طريقة الاختبارات والاسئلة
يعني ممكن انزل عند مدرس الفاينل حقه فورمولا شيييت
لكن زميلي ينزل عند واحد ثاني اوبن بووك
وبعضهم يخلي الاختبار كومبرهنسف وبعضهم لا
عالعموم انا راح اركز على اول مادة تخصص وبذاكرها من الكتاب والله يعين
والنوت ابخليه كمساعد لي او مراجعة قبل الاختبار
والاولد اكسامز كذلك
يعطيك العافية وماقصرت ابدن على الافادة يا ديرة ميتي وميجر ميتي
نتقابل ان شاء الله في الدورة الرمضانية !
لك تحياتي
بالضبط
هذا ما اردت ايضاااحه
كل دكتور وله فلسفته وكل دكتور وله نظامه
حتى في حل المسائل 00 كل دكتور ويحب بروسيجر معين خاص فيه
عموما انت احرجتني بكلامك 
وهذا اقل شي نقدمه لك يا غالي ولكل كيميكالز 