السلام عليكم ورحمة الله وبركاته …
تم تنزيل هذا الموضوع كـ فائدة للأخوان الأعضاء …
وحفظا لمجهود كاتب الموضوع الأصلي … الأخ واصـل جزاه الله عنا ألف خير …
بسم الله
طال عمرك نظام الحذف راح يفيد الطلاب خاصة اذا عدوا الاوريا
لانهم هم المسؤولين ومتحملين كل شيء ناتج عن جدهم واجتهادهم
يعني ينزل اللي يبي ويحذف اللي يبي
الحذف في الجامعة على دفعتين:
الدفعة الاولى مسموحة من بداية الفصل الدراسي الى ما بعد الاختبارات الشهرية بنهاية الاسبوع الدراسي السابع
وهي انك تقدر تحذف مادة واحدة او اكثر على كيفك قبيل الاسبوع السابع
والدفعة الثانية من بداية الاسبوع الثامن الى نهاية الفصل الدراسي وهي تنقسم الى قسمين :
1- حذف بدون درجة
2- حذف بدرجة
وهذي الفترة مسموح انك تحذف لكن تحذف جميييييييييع المواد المسجلة في ذلك الفصل الدراسي
بحيث انك اذا زفت في احدى المواد وابتلشت فيها ووقلت مالك مفر منها الا الحذف
النظام هنا يقول لك لا ما يصير تحذف وحدة بروحها وتخلي الباقين
ياتحذفهم كلهم او تبقى عليهم كلهم وتدرسهم الى نهاية الفصل الدراسي ! (<<< وعشان كذا سموه اسواء نظام )
مثال حي وبسيط :!!
سلمك الله فلان من الناس نزل بعد الاوريا ماث 101 وفزكس 101 وكمستري 101 ودين وبدنية
والرجال متحمس من بداية الترم ونيته بيضاء وما يدري عن لعنة ومكر ودهاء رؤساء الاقسام في الجامعة
فيفكر نفسه انه خلااااص صار فاهم كل المنهج ويصلح يدرس خصوصي هع !
عالعموم جات الاختبارات الشهرية الاولى وتطلع النتايج كما يلي:
ممتاز في الدين والبدنية
جيد جدا في الرياضيات لانه مادته المفضلة
جيد في الفزكس لانها فيها قوانين وحفظ
ولكنه جاب العيد في الكيمياء
فيفكر الرجال هل احذف الكيمياء ولا لأ؟
الرجال قام يوسوس واجد وقال انا عارف ان مستواي جيد في الكيمياء والمادة هذي متابع معها من البداية لكن الاختبار حقها ربما كان صعب او اني كنت غير مركز او ونسيت حاجة او او او
قال ربما هي كبوة جواد وراح اعدلها في الاختبارات الشهرية الثانية
بعدين عود فكر !
اذا استمرت الحالة وجبت العيد في الاختبار الشهري الثاني (اي في الاسبوع الدراسي الحادي عشر) كيف احذف المادة النظام ما يسمح اني احذف وحدة بروحها ذاك الوقت!
لازم احذف جميييع المواد عشان سواد عيون هذي المادة !!
وش اسوي؟! وش اسوي؟! ياربي قاعد افكر انا واثق من نفسي لكن الجامعة مو واثق منها!!
كل ما تسوي نفسك فهيييم الدكاترة يتشيطرون عليك ويستذكون عليك !!
الزبدة ان الرجال قال اني مانيب حاذف وراح امشي فيها الى نهاية الترم واعوض في الباقي
جات الاختبارات الثانية في الاسبوع الحادي عشر (اي بعد الاسبوع السابع ) والرجال متفائل خير
لكن النتايج عكس المتوقع !
الماث جيد والفيزياء كذلك
والكيمياء جاب ضعيف فيها ( يعني ما اخس من قذيذ الا عسفان !! )
الرجال قال اذا صبرت حتى الاختبار النهائي درجتي بتكون نازلة تحت في الحضيض وبتاثر على المعدل
وياليت بقية الدرجات امتياز !
لا !! كلها ما تمشي الحال
يعني ما اقدر اعوض الناقص من الكيمياء بالفيزياء والرياضيات
لان كل وحدة تقول نفسي نفسي وعندي الزوود
الرجال راح عند عمادة القبول والتسجيل قالهم ابحذف الكيمياء مسوية لي قلق
قالوا له : الله يحفظك ياوليدي ما تقدر تحذف الكيمياء الا لازم تحذف بقية المواد معها !
الرجال: شنو؟؟!!
مو انتو قايلين لي اني اقدر احذف على كيفي ؟؟
الموظف: حنا قلنا لك ياوليدي حدك الى الاسبوع السابع وتحذف اللي تبي وما حد ماسكك
لكن الان( بعد الاسبوع السابع ) الحذف صار لجمييع المواد في الفصل الحالي !!
الرجال : ليه مالكم داعي تحطون هالنظام ؟ يعني احذف الزين والشين وجميع التعب بيروح بسبة مادة ما وفقنا ربي فيها ؟؟؟
الموظف: هذا النظام وواضح وصريح وغلطتك انت يوم شفت نفسك مانت بماشي في احدى المواد في الاختبارات الشهرية الاولى كان حذفت ذيك المادة اللي مسوية قلق لك ؟؟
الرجال: انا توقعت ان الاسئلة سهلة وان الاختبار الاول كان كبوة جواد بالنسبة لي ؟!
فشاورت نفسي اني اقدر اعدل مستواي في الاختبارات الجاية
لكن الجامعة ما رحمتني وما قدرت ظروفي وزادت الصعوبة في الاختبارات وتحسفت وقلت ليتني حاذفها مرة وحدة
الموظف : اها ياوليدي لا تضيع وقتي تبيني اخدمك في حاجة ؟!؟!؟!؟!
الرجال : ايه خلاص الشكوى لله انا قررت انسحب من جمييييع المواد اللي درستها في هذا الترم بسبة هذي المادة ( الكيمياء اعوذ بالله منها) واحاول اصحح وضعي الفصل الجاي وابدا بداية جديدة وقوية مليئة بالنشاط والحيوية
الموظف : تفضل ياوليدي هذا نموذج اخلاء طرف روح ختم 8 تختيمات من كل ادراة وجبه لنا ونخلص لك اجرائاتك ولا عاد نشوفك الا الفصل الجاي
الرجال: ابشر طال عمرك وبيض الله وجهك يا اخوي وانتوا فعلا ما وضعتوا الا لخدمتنا نحن الطلاب وما قصرتوا معنا ونردها لكم في الافراح !! << يشبك الرجال
الموظف: حياك الله وسعداء بخدمكتم يا عييلي
=====
الزبدة من الحجي ذا كله الحذف سموه اسواء نظام لان مدة الحذف لمادة او اكثر قصيرة
فالطاالب يحتاج فترة اطول من كذا عشان يشوف وصعه هل هو تحسن في ذي المادة ولا لا؟
يعني الى ما بعد الاختبارات الشهرية الثانية ( اي الاسبوع الحادي عشر او الثاني عشر )
زي موقف حبيبنا الرجال المسيكين اللي حذف هالترم !
توقع انه بيتحسن في الفترة الجاية واثر انه ما يحذف لكن توهق في النهاية وبسبة هالقرار حذف جميييع المواد اللي كان منزلها بسبة مادة وحدة فقط
اما لو تدارك الوضع وحذف الكيمياء قبل نهاية الاسبوع السابع كان مشى سليم في بقية المواد وجاب درجات اعلى في ذيك المواد
ولا حتى شم طاري كلمة هالحذف هذي
قولوا امييين ان الله يبعد هالكلمة عن مسامعكم ولا تحتاجونها ابد في حياتكم الجامعية
عالعموم ادري ان ردي طويل وممل لكن اتمنى احد منكم يا اوريات فهم حاجة
واللي فهم يبشرني انه فهم عشان يفرحني ويسعدني وان هالكلام ما كتبته عشان فراغ !!
واللي مافهم كذلك يقول لي وش النقطة اللي ما وضحت عشان افهمه زيادة !
تحياتي لجميييع الاعضاء والزوار المتواجدين في موضوعي هذا
يا شباب لا تبخلووون علي من دعواتكم ترى اختباراتي النهائية قربت الاسبوع الجاي فاحتاج لدعواتكم الصادقة لي
هالله هالله عاد
المشاركة الأصلية :
http://www.skfupm.com/vb/showpost.php?p=266659&postcount=472
