user4491
August 25, 2008, 5:55am
1
السلام عليكم ورحمة الله وبركاته
حيا الله طلاب جامعة الملك فهد للبترول والمعادن
اولا: احب ان اهني القائمين على هذا المنتدى الرائع صراحة
وارجو ان تقبلوني ضيفا خفيفا عليكم
وبعد…
انا بالنسبة لي طالب ناوي ادرس هندسة ومصر اني ادرسها
لكن عندي مشكلة وحدة الا وهي الرياضيات مسببتلي عقدة
طبعا احب الفيزياء والكيمياء ان شاءالله ما فيه اشكال لكن الرياضيات
فسؤالي يا سادة هل مع الوقت بكلية الهندسة راح اتخطى العقدة هذي
يعني راح اقدر اكمل فيها يعني راح تسهل علي بعد كم كورس اخذه
ولا اللي يدخل هندسة لازم يحب الرياضيات
مع العلم اني ودي ادخل هندسة كهربائية وممكن اتصالات
واللي اعرف انها تعتمد بشكل كبير على الرياضيات
ولكن رغبتي ان ادخلها فهل الرغبة راح تشيل هالعقدة
ارجو الرد ومشكورين مقدما
ولكم مني كل ود وتقدير
user3238
August 25, 2008, 6:23am
2
^^
حياك الله مبنى 24… وإذا مصر على الهندسة فيقولون إن تخصصي الهندسة الكهربية والهندسة الصناعية تعتمد بشكل كبير على الرياضيات.
Hard_Work
August 25, 2008, 9:51am
3
السلام عليكم
الهندسة الكهربائية تعتمد عالرياضيات بشكل كبير وخصوصا التفاضل والتكامل
_aiman
August 25, 2008, 11:00am
5
ان لم تجيني المسئلة واضحه عيني عينك ارقام صحيحة بدون لف ودوران … مافي مشكلة احله
ام لو فيه لفه … حتى لو كان اس او قوس . … خبصت الحل كله
^^^^^
اجل اسمحلي اقولك ان اقامتك في البترول ما راح تطول
user4491
August 25, 2008, 12:58pm
7
مشكورين على ردودكم جميعا
ولكن هل الهندسة الميكانيكية فيها اعتماد على الرياضيات بشكل كبير مثل الكهربائية
user4491
August 25, 2008, 8:24pm
8
ارجو الرد ايها الاخوان
وارجو الافادة
يعني هل اقدر اتخطاها العقدة هذي
ونرجو تجارب من الاخوان
_aiman
August 25, 2008, 8:39pm
9
لو لا قدر الله وما عديت … ان شالله اقدم السنة الجاية في كلية ينبع الصناعية …
يعني هل اقدر اتخطاها العقدة هذي
اسال نفسك السؤال هذا وانت الوحيد الي تقدر تجاوب عليه
لو اجتهدت وشديت حيلك بالراحة تاخذ مرتبة الشرف الاولى والله
بدون مبالغة الموضوع كله بيدك
حتى لو كان الماث عندك صعب شد حيلك وبتاخذ اعلى الدرجات
user4491
August 26, 2008, 1:59am
11
ايمن اجل انا وانت في الهوا سوا
عبدالعزيز اشكرك على مشاركتك ولكن الموضوع من اجل اشوف ردود الاعضاء
يعني طال عمرك تشجيع او حافز
ولكم مني كل ود وتقدير.
اصلا انت حتاخذ الرياضيات من جديد ( Real numbers, natural numbers, bla bla bla )
مرحب اخوي …اذا ربي وفقك ودخلت نقول الف مبروك
ومثل مايقول المثل (( يامدور الهين ترى الكايد احسن ))
وصدقني الارداه والعزيمه والتوكل هي فوق كل شيء.
انا كنت محتاره كيف راح امشي وخصوصا انو الماث بوجهي وين مااروح
انا منشأ عقدتي بسب سوء البنيه التحتيه عندي << تعرف مدارسنا والرقي التعليمي
ومثل ماقال اخوي العزيز sayian_z بالجامعه تقدر تتأسس من جديد
راح تدرس اول001 وثاني 002ترم College Algebra and Trigonometry
يعني من بداية الاعداد الحقيقه والصحيحه << سوالف اول متوسط
لين توصل للدوال المثلثيه<<< يا اكرهكـــ
بعدين راح تاخذ Calculus وهذي منها ثلاث اترام اول شيء 101وبعده 102واخرررررررررر شيء201
<<< تخلصت من اثنين وبقي لي الاخيره الترم الجاي انشاالله
واذا انته كويس بالفزكس والكمستري حلو كثييييييير
لانو الفزكس اذا درسها واحد وعلى قولك بدون عقده تمشي عليه زي الماء
وربك يعينكـــــ ومافي شيء بالسهل وصدقني لما تشوف بعض المواد راح تقول يرحم ايامك يالماث
اتمنى اني اوفيتك …اعتذر على الاطاله والتقصير
I am under your service تحياتي…
user4391
August 26, 2008, 4:11am
14
لما يكون براسك هدف تذلل الصعاب لجله
ربنا يوفقك
user1939
August 26, 2008, 5:32am
15
شد حيلك وبتمشي
ومع المذاكرة اول بأول بتحب المادة
اما تجي ليلة الاختبار وتبي تفهم كل شي … ما تمشي بالجامعة كذا
user2536
August 26, 2008, 2:17pm
17
حبيبي الصاحي …
في السنة التحضيرية بتدرس الرياضيات من أولها … من سين تساوي إكس وواي تساوي صاد …
بتدرس 1 بالعربي =1 بالانجليزي
منهج الاوريا هو اساس الرياضيات … وبالنسبة لاي تخصص في الهندسة لابد أن يعتمد على الماث … وأصلا ما تقدر تحل ولا مسألة فيزياء ولا كيمياء من غير الرياضيات …
صعب ولا سهل ولا متوسط … هذا سؤال عقيم …
المادة الوحيدة في العالم اللي تنفهم هي الرياضيات … قانون وتطبيق عليه … أقصد ماهي زي الفيزياء ولا الكيمياء فيها فهم …
يعني فلنفرض أن التفكير عندك صفررر … أو بالسالب حتى … كل ما عليك تحفظ قانون وتطبقه في الاختبار وبتمشي … وبأحسن القريدات !
وانت ما شاء الله حاط لك هدف وهذا شي طيب …
فاذا كانت الرياضيات بتعوقك عن هدفك … فخذها تحدي بينك وبينها
وصدقني جدا سهلة !
الله يوفقك
user4491
August 26, 2008, 3:19pm
19
اخووووي الفاارس >>>> ردك يرد الروح صراحة
هادي عثمان مشكور على مرورك
