أنا درست سنة تحضيرية بكلية الجبيل وجبت معدل 3.25 من 4 ( تقريبا الدراسة نفس جامعة البترول)
قدمت على جامعة البترول هذي السنة وقبلوني كطالب مستجد.
قلت للأدارة عندي ترانسكريبت مختوم من كلية الجبيل ودرجاتي عالية بس مافيه فايدة.
قالوا لي أنت قبلناك كطالب مستجد. ماقبلناك كطالب تحويل حتى نعادل لك السنة التحضيرية.
قالو ا لي اختبر اختبار البرموشن ويمكن تجتاز بعض متطلبات السنة التحضيرية.
أنا لو اختبرت البرموشن متأكد 95 % الأنجلش ون أكيد بجتازه
بس الأنجلش 2 مو متأكد أني أعديه. 75% أحتمال أعديه
بالنسبة للماث 2 أكيد ما بعديه . بس ماث ون احتمال 60 % بالمية أعديه لاني يبي له مذاكرة شوي مو مثل الأنجلش.
سؤالي أحين هل تعتبرون أنتم ياطلاب البترول بحكم خبرتكم أني لو عدت السنة التحضيرية أو جزء من السنة التحضيرية خسارة علي وتضيعة وقت (بحكم أني درت سنة تحضيرية بكلية الجبيل)
أم أنها بالعكس ليس خسارة أو تضيعة وقت بل هي فائدة لي؟؟؟؟؟؟
يلييز ردوا علي لأن أحس أني متضايق بدرس السنة التحضيرية أو جزء من السنة التحضيرية(حسب حلي في اختبارالبرموشن) .
على كلامك ان شاء الله ما راح تفوت سنة كاملة يعني لو عديت برموشن 1 راح تكون نقزت نص سنة ولو ماعديت النص الثاني فصراحة ما اعتبرها خسارة
كثير عالم ضيعت سنة وثنتين وثلاثة اما بتغيير جامعة ولا سقوط ولا تشتت ولا السفر برة وياكثر ما خسر عالم وقت
ف خسارتك ميب شي
ومن جهة ثانية حلو انك تتعود على جو البترول قبل لا تبدا الجبل والجي بي اي والجد بحيث انك تعرف كيف تتكيف في حياتك في الاوريا فهي اخف على النفسية لانها ماهي محسوبة + انك قد درستها
فلا تشيل هم 3 شهور ماهي شي والله يوفقك وانظر الى الجانب الايجابي
لا درسنا الكتاب نفس خطة البترول الترمين ( شي ثاني أنا مو بكلية الجبيل الصناعية أنا درست بكلية الجبيل الجامعية) وطبعا فه فرق بين الكليتين. الاولى دبلوم الثانية بكلريوس
كلمته بس قال لي الطريقة الوحيدة إنك تختبر البرموشن (لأن أنا قبلوني كطالب مستجد وليس كطالب محول على كلام العميد) فما يقدرون يعادلون السنة التحضيرية علما أن Gpa حقي يعتبر عالي نوعا ما 3.25 بس وش أسوي.
@ما دام معدلك فوق الثلاثة (ماشاء الله)
فلا تحرم نفسك دخول جامعة البترول
حتى لو ضاعت سنة…
@كثيرون هم الذين انهوا دراستهم متأخرين
و كثيرون هم الذين عادوا إلى الدراسة في الأربعينات و الستينات من أعمارهم…
@من توقيعك تتضح همتك العالية و سعيك للنجاح وهما ميزتان لا تتوفر في كثير منا للأسف…
و أن جامعة البترول كانت حلماً و أصبحت حقيقة بجدك و اجتهادك بعد توفيق الله…
وأنا صادق فيما أقول نعم هي الدراسة تقريبا مثل دراسة البترول
وأن معدلي 3.25 .
(وعلى أي أساس أحاول أناقض نفسي لسواد عين أحد ؟؟؟؟؟؟؟!!!!!!
وأنا قلت مافيه أمل أعديه لأن ناس كثيرين من الشباب إلا في جامعة البترول قالوا لي ولا وا حد في تاريخ جامعة البترول عدى البرموشن في الرياضيات 1 و2 في نفس الوقت
فمن هذا المنطلق أنا قلت أنى مستحيل أعدي ماث 2 لكن من يدري لعل الله يحدث بعد ذلك أمرا
يا أخي الكريم أنا كنت في وضع مشابه لوضعك قبل 4 سنين…
درست سنة في جامعة الملك عبدالعزيز و بعدها جيت للبترول كطالب جديد…و درست السنة التحضيرية بعد ما عديت بروموشون انجلش 001.
الهرجة ما هي تضييع وقت و الا شي…تعال و حاول تعدي البروموشن، و إن عديته جدولك حيفضى…فحاول تستغله في شي ينفعك زي الالتحاق بالاندية الطلابية أو شي تاني.
