السلام عليكم ورحمة الله وبركاته أعزائي أخواني طلاب جامعتنا العزيزة. كنت شخص أحب قراءة المواضيع اللتي تُكتب أكثر من أن أكتب موضوعاً بنفسي…وحتى التعليقات لست ممن يكثرون كتابة التعليقات عالمواضيع…ليس بخلاً مني من رفع معنويات الكاتب ولكن هناك مايستحق التعليق وهناك مايكون التعليق فيه مجرد كتابة دون فائدة. من خلال متابعتي للمنتدى والمواضيع المطروحة لاحظت شيئاً ربما يمس الطلاب بالسوء (وأعذروني إن كنت صريحاً جداً ولم أغلف كلامي بالمجاملات الباردة) لاحظت بأن الطلاب يكتبون عن كل صغيرة وكبيرة من سلبيات الجامعة في المنتدى وأنه كل موقف يواجهه الطالب ربما يكون تقصير من موظف أو خطأ غير مقصود من آخر أو أي شيء من مايحدث عادةً في الحياة الواقعية يأتي أخينا العزيز و ((يصكّ)) له موضوع كامل بس عشان يكتب موقفه وإنتقاده واللي ممكن يكون في بعض الأحيان لاذع… وإنتقاده ليس على موظف أو إدارة بل على الجامعة ككل ونظام الجامعة وحالة الجامعة “والأمثلة كثيرة تصفحوا المواضيع وشوفوا كثرة الشكاوي وقلة الفوائد”. سؤالي لأخينا الغالي… هل بإنتقادك هذا وهل بطريقة عرضك للمشكلة ورميك للإتهامات في كل جهه هل ستفيد أحد بذلك هل حقيقةً في داخلك تعتقد ((بأنه في أحد بيعطيك وجه)) ؟ ياأخواني أنا ماني ضد أن الواحد يشتكي إن حصل تقصير من الجامعة ولست ضد اننا نسمّع الإدارة أصواتنا عشان ياخذون بآراءنا بعين الأعتبار ولكن “الشيء لازاد عن حده ينقلب ضده” حنّا صرنا مثل العجز على كل شيء نهاوش وكل شيء مايعجبنا وكل شيء مهوب كامل…ونسينا أو تناسينا أن هذي الحياة مافيه شيء بيجيك كامل… الناس تخطي والناس تظلم والناس تتعدى على حقوق غير حقوقها . وين الصبر من كل هذا ليه الواحد لاصار له موقف وشاف كثرة العالم اللي تشتكي بدون فائدة ليه يتبع منهجهم ليه ماينهج له منهج ثاني… “يصبر” وش بيصير لامن خلوك الموظفين تتمشور من هنا وهناك…وش بيصير لامن وقفك الأمن عشان يتأكد من رخصتك ومن أوراقك؟! ماطاحت نجوم السماء!!
آخر كلامي هو ياأخي الطالب العزيز جرّب ولاتشتكي جرّب وأصبر وخلها على الله وربك ماراح يضيع حقك أبد ! وأعذروني عالإطالة على كل حال وأعذروني إن كنت ((صكّيت)) موضوع عشان هالأمر ولكن أتمنى أن يكون موضوعي هذا سبب في تقليل الشكاوي الزايدة هالأيام وأعذروني إن كنت أنفعلت شوي مع الكلام :: تحياتي ::
السلام عليكم ورحمة الله وبركاته
أعزائي أخواني طلاب جامعتنا العزيزة.
كنت شخص أحب قراءة المواضيع اللتي تُكتب أكثر من أن أكتب موضوعاً بنفسي…وحتى التعليقات لست ممن يكثرون كتابة التعليقات عالمواضيع…ليس بخلاً مني من رفع معنويات الكاتب ولكن هناك مايستحق التعليق وهناك مايكون التعليق فيه مجرد كتابة دون فائدة.
من خلال متابعتي للمنتدى والمواضيع المطروحة لاحظت شيئاً ربما يمس الطلاب بالسوء (وأعذروني إن كنت صريحاً جداً ولم أغلف كلامي بالمجاملات الباردة) لاحظت بأن الطلاب يكتبون عن كل صغيرة وكبيرة من سلبيات الجامعة في المنتدى وأنه كل موقف يواجهه الطالب ربما يكون تقصير من موظف أو خطأ غير مقصود من آخر أو أي شيء من مايحدث عادةً في الحياة الواقعية يأتي أخينا العزيز و ((يصكّ)) له موضوع كامل بس عشان يكتب موقفه وإنتقاده واللي ممكن يكون في بعض الأحيان لاذع… وإنتقاده ليس على موظف أو إدارة بل على الجامعة ككل ونظام الجامعة وحالة الجامعة “والأمثلة كثيرة تصفحوا المواضيع وشوفوا كثرة الشكاوي وقلة الفوائد”.
سؤالي لأخينا الغالي…
هل بإنتقادك هذا وهل بطريقة عرضك للمشكلة ورميك للإتهامات في كل جهه هل ستفيد أحد بذلك هل حقيقةً في داخلك تعتقد ((بأنه في أحد بيعطيك وجه)) ؟
ياأخواني أنا ماني ضد أن الواحد يشتكي إن حصل تقصير من الجامعة ولست ضد اننا نسمّع الإدارة أصواتنا عشان ياخذون بآراءنا بعين الأعتبار ولكن “الشيء لازاد عن حده ينقلب ضده”
حنّا صرنا مثل العجز على كل شيء نهاوش وكل شيء مايعجبنا وكل شيء مهوب كامل…ونسينا أو تناسينا أن هذي الحياة مافيه شيء بيجيك كامل… الناس تخطي والناس تظلم والناس تتعدى على حقوق غير حقوقها .
وين الصبر من كل هذا ليه الواحد لاصار له موقف وشاف كثرة العالم اللي تشتكي بدون فائدة ليه يتبع منهجهم ليه ماينهج له منهج ثاني… “يصبر” وش بيصير لامن خلوك الموظفين تتمشور من هنا وهناك…وش بيصير لامن وقفك الأمن عشان يتأكد من رخصتك ومن أوراقك؟!
ماطاحت نجوم السماء!!
آخر كلامي هو ياأخي الطالب العزيز جرّب ولاتشتكي جرّب وأصبر وخلها على الله وربك ماراح يضيع حقك أبد !
وأعذروني عالإطالة على كل حال وأعذروني إن كنت ((صكّيت)) موضوع عشان هالأمر ولكن أتمنى أن يكون موضوعي هذا سبب في تقليل الشكاوي الزايدة هالأيام وأعذروني إن كنت أنفعلت شوي مع الكلام
:: تحياتي ::
__________________
يا أخي هذا بسبب حياة الترف و الدلع عند الأهل…يجي الجامعة ما يبغى أحد يقول له ثلث الثلاثة كم…متعود ان غيره يحل مشاكله…هم الواحد منهم فين يروح اليوم و ايش يأكل…
من أبسط مشكلة تلاقيه يولول زي الحرمة اللي مات زوجها…ياخي عيب عليك و استحي على وجهك…الشعر مغطي وجهك و ما تقدر تستحمل؟…الشي الأكيد اللي متأكد منه ان هذي العينات ما تكمل في الجامعة…و أعرف حالات كثير من هذا النوع…
لا يا اخي الواحد اللي يتعرض لاهانات, وعلى شان اكون دقيق( من الامن اكثر شي) ما اعتقد انه بيصبر , ممكن يصبر لو حصل فقط تقصير بدون اهانات بشرط ان هذا التقصير لا يصبح ظاهرة, وكيف نعرف انه صار ظاهرة الا اذا كل واحد كتب المشكلة اللي تعرض لها او تكررت معه , والا راح يكون الوضع القادم أسوأ من الحالي, وحنا نبغى الجامعة تتقدم ما نبغاها تتراجع.
مع العلم ان هناك بعض الموظفين ما شاء الله عليهم يقدرك ويخدمك حتى بعد انتهاء وقت دوامه. وهناك بعضهم على النقيض تماما.
اللي ابغى اقوله انه لا مجال للاهانة, لا مجال للتعدي على حقوق الاخرين ولا مجال للتقصير في هذه الجامعة.
أخواني وسيم عازب و Mohsen.Lee : ألف شكر على المرور الأكثر من رائع ولكن نبي نرفق شوي على أخواننا ترى والله أن فيهم رجال يسوون عشرين رجال من الجبل ((ولاقصور في أخواني أهل الجبل)) بس المقصد من الموضوع النصيحة والتوضيح فقط بدون تجريح ورمي الكلمات الساخرة…مجدداً والله أني سعيد بمروركم الجميل. أخي الكريم بالعربي احسن : أنا معاك أنه فيه أشياء تستاهل وأشياء ماتستاهل أنا وياك متفقين على هالشيء ولكن الشخص اللي مثلك يقول فيه أشياء تستاهل وأشياء ماتستاهل الأحسن له في هذا الوقت اللي صاروا الطلاب فيه يشتكون عاللي يستاهل واللي مايستاهل أنه يلتزم الصمت والصبر عشان لو أشتكى عالأشياء اللي تستاهل بس ممكن الناس تضيع بينك وبين السفيه اللي يشتكي على كل شيء…أتمنى تكون الفكرة وصلتك أخي مهندس صناعي : تسلم عالمرور. أخي MoOory : حياك الله. أخي المحترف : ((شكلك من النوع اللي يشتكي واجد))“أمزح معك” ياغالي بالنسبة للإستفزازات “لأني أختلف معك في كلمة يهينون لأنه محد يقدر يهينك ألا أنت لنفسك” اللي تجيك من الأمن خلنا نكون صريحين ترى غالب رجال الأمن طيبين ورهيبين ولكن هناك القلة اللي ممكن يستفزون الواحد وبالنسبة لهؤلاء فالأولى أنك تلتمس لهم العذر لأنه يكفيك منهم أنك يوميا تنام طووول الليل مرتاح وهم يسهرون على أمنك وأمن طلاب الجامعة وسكانها فلو حصل من أحد منهم أن أخطأ عليك أو تعدى حدوده فتفاهم معه رجال لرجال وبلطف وأسلوب حلو ممكن أنك تحل الموضوع “وترى الكلام الزين يحكم الرجال” ومحد باخصك حقك بإذن الله وإن مارد لك حقك “وهو الشيء اللي شبه مستحيل يحصل” فمالفائدة من وضعك للموضوع تشتكي فيه من تصرفهم إتجاهك … يعني هل فيه أحد والله بيكتب لك في أحد الردود عطني أسمه وأبشر باللي يفصله ؟!! بالعكس أنت بتكون تسببت على الفئة الكثيرة من الأمن الطيبين لأنك بتشيّش عليهم أخوانك من طلاب الجامعة اللي يقرون الموقف ثم هم في أنفسهم يتخذون موقف أن رجال الأمن كلهم كذا…وأتوقع أنك ماترضى بهالشيء !! وسعيد بمشاركتك ووضوحك ياغالي
أنا معك في سالفة انو الشيء لا زاد عن حده انقلب ضده
يعني أكثر من موضوع يكرر نفس الشكوى
يعني لو جمعت جميع شكاوي الطلاب عن نفس الموضوع في موضوع واحد بعدة ردود يكون أفضل
لكن انو اليوم واحد يكتب عن الامن اليوم وبكرة ثاني يكتب الشكوى نفسها في موضوع ثاني هذا شيء ما له داعي
أما الجملة التالية فأنا اعترض عليها
من أهداف هذا المنتدى أن يكون صوت الكاتب مسموع
يعني ان المسؤول يعطي وجه للسائل عن طريق المنتدى
وعشان يرتاح المسؤول من انو كل يوم يجيه طالب للمكتب ويحكيله قصته
وعشان كمان يرتاح الطالب من انو يدوّر على المسؤول عن حل مشكلته ويروح له كل يوم ويتمشور من مكتب لمكتب
يعني ما اتوقع انو الغرض من شكاوي بعض الطلاب هو انو يفك حرته وبس <<< مش كلهم
البعض يبي صوته يوصل لمسؤول ما سواء الامن او المدير او الايتيسي عشان يفكون ازمة حاصلة له شخصيا <<< مثل الاككاونت والمخالفات
والبعض يبي يسأل عن حاجة مو عارفها <<< مثل المسنجر والشير والعمل الجزئي
والبعض يبي يقترح شيء يعتقد انه افضل للجامعة ومنسوبي الجامعة <<< مثل موضوع الساعة وموضعك الحالي وغيرها من الاقتراحات اللي تحل مشاكل بعدين
والبعض يبي يستفسر عن مشكلة صارت له ويبي يعرف ليش وايش الحكمة من هذا الشيء <<< مثل مشاكل المواقف الاوريا بعضهم ما يعرف المواقف المصرحة والغير مصرحة فما عرف ليش انصك مخالفة ومثل تغيير الاعدادات وتغيير السكاشن وخصم المكافآت والحاجات الممنوع تداولها داخل الغرفة او في الشير
والبعض يبي حل لمشكلة وقع فيها ومش عارف يطلع منها <<< مثل مشاكل التسجيل واعدادات النت والمسنجر ومثل اللي يبي يعرف عن مكان شيء او مكتب مسؤول او غيره
والبعض يبي يحذر من حاجة او ينصح لحاجة تخص الطلاب عشان ما يصيرلهم مثل ما صار لللأخ المشتكي
صحيح انو في شكاوي مالها داعي بس غالبية الشكاوي محد يحطها الا يبي حل للمشكلة او يبي يقتنع انها مش مشكلة
يعني احيانا تكون الشكوى نافعة مش ضارة
وين الصبر من كل هذا ليه الواحد لاصار له موقف وشاف كثرة العالم اللي تشتكي بدون فائدة ليه يتبع منهجهم ليه ماينهج له منهج ثاني… “يصبر” وش بيصير لامن خلوك الموظفين تتمشور من هنا وهناك…وش بيصير لامن وقفك الأمن عشان يتأكد من رخصتك ومن أوراقك؟!
ماطاحت نجوم السماء!!
صحيح انو الصبر شيء اكثر من كويس
وترى الصبر موجود بس مثل ما قلت الشيء لا زاد عن حده انقلب ضده
اذا كان في مشكلة والكل ساكت عليها ما حيتغير شيء ويمكن السالفة تسوء أكثر وأكثر حتى ينفجر الصبر ويمكن تحصل مشاكل الكل في غنى عنها
اعذرني اذا اختلفت معاك في النقطة السابقة بس مثل ماهو معروف
الاختلاف لا يفسد للود قضية
حياك الله أخي الغالي أنا أنا : والله أن كلامك فيه الكثير من الصواب ولكن يبدو أنك لم تفهم مايصب عليه موضوعي بالضبط…
والبعض يبي يسأل عن حاجة مو عارفها <<< مثل المسنجر والشير والعمل الجزئي والبعض يبي يقترح شيء يعتقد انه افضل للجامعة ومنسوبي الجامعة <<< مثل موضوع الساعة وموضعك الحالي وغيرها من الاقتراحات اللي تحل مشاكل بعدين والبعض يبي يستفسر عن مشكلة صارت له ويبي يعرف ليش وايش الحكمة من هذا الشيء <<< مثل مشاكل المواقف الاوريا بعضهم ما يعرف المواقف المصرحة والغير مصرحة فما عرف ليش انصك مخالفة ومثل تغيير الاعدادات وتغيير السكاشن وخصم المكافآت والحاجات الممنوع تداولها داخل الغرفة او في الشير والبعض يبي حل لمشكلة وقع فيها ومش عارف يطلع منها <<< مثل مشاكل التسجيل واعدادات النت والمسنجر ومثل اللي يبي يعرف عن مكان شيء او مكتب مسؤول او غيره والبعض يبي يحذر من حاجة او ينصح لحاجة تخص الطلاب عشان ما يصيرلهم مثل ما صار لللأخ المشتكي
ياغالي كل المذكور أعلاه لايندرج تحت الشكاوي !! ماأقصده أنا من الشكاوي هو مايحدث من بعض الأخوان أن يفتح موضوعاً لكل مايحصل من أخطاء يومية من موظفين وغيره هنا يعني أنه شوي ويقلب المنتدى مذكرات شخصية له !!
من أهداف هذا المنتدى أن يكون صوت الكاتب مسموع يعني ان المسؤول يعطي وجه للسائل عن طريق المنتدى وعشان يرتاح المسؤول من انو كل يوم يجيه طالب للمكتب ويحكيله قصته وعشان كمان يرتاح الطالب من انو يدوّر على المسؤول عن حل مشكلته ويروح له كل يوم ويتمشور من مكتب لمكتب
يعني ما اتوقع انو الغرض من شكاوي بعض الطلاب هو انو يفك حرته وبس <<< مش كلهم
ومن هالناحية أنت كذاصح عليك أن هالمنتدى لتوصيل أصوات الطلاب…ولكن هناك أسلوب معيّن للشكوى وهناك طريقة ياخي أنت لمن بتشتكي؟ للعميد ؟ (( شف مرتبته وشف مرتبتك …إذا ماكفتك مرتبته وفرقها عن مرتبتك شف عمره وشف عمرك يكفي الواحد أن عمر العميد التعليمي أكبر من عمره ككل فكيف تخاطبه بهالأسلوب)) المقصد أنه اللي يبي يوصل شكواه من جد فأفضل وسيلة هي توصيلها للعميد شخصياً كأن ترسلها لمكتبه أو أي طريقة كانت < ماعندي خبرة في كيف توصل الشكوى للعميد > . أما أنك تجي هنا وتفتح الموضوع على أنه شكوى وفالآخر نقرأ ألا والموضوع ملئ بالتلفظ على الإدارات والتخبط في مشكلته لاهو اللي عرف كيف يطرحها ولاهو اللي ثبّت حل معين يطلبه لهذه المشكلة…!! ومن ناحية أن الشكوى نافعة إيه والله بعضها نافعة وأكثر من نافعة أيضاً وخير مثال هو (( يمكن أن بعض الأوريات مايدرون عنه)) … السنة اللي فاتت لما كان ممنوع دخول بعض المطاعم للجامعة الحين بعد وصول الشكوى لسعادة العميد بالطريقة الصحيحة أصبح كل المطاعم مسموح لها بالدخول. وهذا كان فائدة كبيرة علينا يفكنا من مشوار والنخيل وطقّتهم . ومثل ماقلت وأنا أخوك الأختلاف لايفسد فالقض وديّة
بس ع قولتك اذا زاد عن حده
زي مثلا يجيك أوريا يمشي 160 في الحزام ويعطونه مخالفه
ويجي ويكتب إدارت الامن وإدارت الأمن
بس ولو في مواضيع لها قيمتها وهدفها الـنقد بنية التحسين
يعني مثلا مثلا مثلا
انظمت إدارت الأسكان والغرف اللي عطوها الطلاب
أو المواقف
أو غيرها من الأمور اللي تعتبر تقصير من بعض إدارات الجامعه
والمسؤلين عن هذي الإدارات ما يدرون عن التقصير اللي صاير
وكل التقارير اللي تجيهم ان كلش تمام وحنا احسن اداره وسوينا وفعلنا ولا فيه أزين منا
ووضعت هذي الإدارات علشان توصل هـ الخدمه وما وصلتها على الوجه اللي " يجب " تكون عليه < حط 9382 خط على كلمت يجب
والطالب اذا سكت عن حقه < حط تحت حقه 23804 خط بعد
وما قال شي
راح تستمر هذي الادارات بالتقصير
ويمكن تقصر زياده
وبعطيك مثال قصييير
افرض ان فيه شخص عنده بعض العادات السيئه مثلا من النوع اللي يمشي ويتكلم في خلق الله " يغتابهم "
أو أو أو , وفيه صديق له عارف ان هـ العاده سيئه
مهوب من الواجب ان صديقه ينصحه ؟؟
آعتبر المواضيع اللي بالمنتدى نصايح وتجارب الطلاب موجهه للادارات المقصره !
“أمزح معك” 