السلام عليكم ورحمة الله وبركاته
ياشباب انا ابي اغير روميتي ماني مرتاح وياه ايش الطريقة ومن وين الاقي روميت الناس كلهم رمتو وخلصو بس انا ورطان ابي حل تكفووووووون 
تقول له اطلع بررى ماعاد انت روميتي http://www.skfupm.com/vb/images/smilies/blushing.gif
حلوة تغير روميتك 
يا تنقل غرفة ثانية انت ولا تشوف لك واحد تعرفه يتبادل غرف مع روميتك (إذا وافق روميتك طبعاً) ولا الله يعينك
تقوله أنت طالق ,وخلاص كذا يتغير …
اخلعه
ياشباب اتكلم جد انا عارف اني انا اللي راح اطلع من الغرفة مايبيلها كلام بس قصدي تعرفون احد يبي يرمت ولا يغير روميت
وغير كذا يعني تكون الهرجة اتفاق بيني وبينه ولا فيها اجراءات وزحمة
روح للتوجيه والارشاد اذا معك اسباب مقنعة
او قول الاسباب هنا ونشوف هل هي مقنعه ام لا ؟
انا اقولك اول شي اعتمادي بشكل كبييييييييييييير يعني كنه مرمت مع شغالتهم
ثاني شي طلباته كثيرة وانا بصراحة ماعرف ارد احد اذا طلبني شي واذا رديته مرة مقدر ارده المرة الثانية
ثالث شي ماحن اهلي بلابتوبه كل شوي يقول تعال صلحلي هو
رابع شي مادري ليه دافع حق السكن يجي يسوي عند طاولتي زحمه كتبه ولابتوبه وهو واقلامه فو طاولتي وطاولته فاضية بس مايحب يقعدعليها
خامس شي اسئلته كثيييييييييييييييييييييرة تدخل بعض الاحيان في الخصوصيات وماتحلى الا لما ابدا اذاكر
ها مقنعة ولا لا
^^^^^
يا حبيبي طقها فوجهه وقله تراااك بثر
واللي ما يستحي منك لا تستحي منه
عطه بالوجه ! مايبي لها
يا أبو سراج الله يصبرك عليه
فيه أسبوع للنقل الحر بس ما أدري متى بس الي أعرفه إنه مطول
أنصحك تروح للإسكان وتستفسر منهم
طيب ان وافقو وين الاقي روميت ولا عندهم في الدرج واحد؟<<<<<<<<<<<على باله كاشير الجمعية
بالتأكيد غير مقنعة يا الحبيب!
ولازم تغير أسلوب تعاملك معه… هذا هو المقنع في الموضوع.
وهذي هديك عشانك
طيب فيه حل
كلمه ان هو ياخذ مكانك وانت تاخذ مكانه في السرير والمكتب
بعدين اذا في الخصوصيات عادي يبغي يتعرف عليك اكثر
وأول سبب الصراحه مافهمتوه
ولا تتعب روحك وتروح للتوجيه والارشاد ( مايقدروا يسولك شيء بالاسباب هذي )
واحمد ربك لا تتطب بروم ميت اخص من هذا
* اذا ماتقدر ترد طلباته الكثيره خلي واحد من اصحابك يكلمه اذا ماتقدر تكلمه وبعدين طلباته زي ايش
يعني عندك الغدا والعشا مايقدر يشيل او يحط شي كله على راسي وكم مرة اطنشه اقول يمكن يقوم الحين بس لاحياة لمن تنادي
عندك الجمعية تخيل ماقدر يجيب حتى قارورة موية من اول السنة
غير كذا فيه نقطة نسيت اذكرها وهي انه يسهر بشكل كبير بالذا الاسبوع الاخير ماينام الا حول الساعة 2 وطبعا فاتح النور والابتوب يغني وخويه رايح جاي يعني لازم اسهر معااااااااااااااااه واخرتها نومة في الكلاس
ياخي اتغدي في مطعم الجامعه
وعلى الجمعية قوله ماني رايح
وعندي لك حل كلم الامن اذا خويه جاء بعد الساعه 9 بحيث انه مايلاحظ انك انت المتصل على انه تفتيش وانت بين للأمن انهم يسوا كذه وهم يتفهموا الوضع
تبي ترتاح … وخذ الكلام من الاخر <<<<<<<< مجرب وضعك
عطه بوجهه ولا تجامل على حساب نفسك …
قول له يابن الحلال السالفه كذا وكذا وكذا
انا ماقدر انام الا والنور طافي وانا ما اقدر اذاكر الا بدون ازعاج انا ابي انام بدري … وتتفقون على وضع معين في الغرفه … بمعنى وقت النوم محدد اذا يبي يسهر براحته بس لا يولع النور ولا يشغل اغاني مثلا بدون مايلبس سماعات وكذا
وتذكر … لا تجامل على حساب نفسك لانك بتتعب سواء الحين مع الروميت او مستقبلا في حياتك العامه
تحياتي لك والله يوفقك
والله حاله
المشكله حتى لو فكرت تسكن بروحك ماهي عيشه هذي
يعني تظطر تاخذ روميت يونسك
بس العله اذا جاك عله زي هذا
ماقول غير الله يصبرك ويمسح على قلبك
بالنسبة لك فعلا لابد تشوف لك حل عاجل …
لأنك الأن تتعب معاه وانت توك في بداية الترم … يمكن اذا تحملت شهر ما راح تقدر تتحمل لين أخر الترم …
لأنك توك بادي في الاوريا وما بعد بدأ نظام الطوارئ عندكم , ما بعد جت الاختبارات والتعب والجهد و احتياج الراحة النفسية ووو …
الحل أنك اذا تشوف أنه رجل صالح, واذا عدلت الاشكاليات اللي ذكرتها انت فوق , اذا تشوف انه راح يكون تمام اذا عدلتها , فالان دورك أنت لتتحدث معاه …
كلمه بكل هدوء … قلّه فيه مواضيع مهمة بالنسبة لي ولازم نتكلم فيها …
صحيح يمكن تكون منحرج منه , ولكن لابد أن تتكلم , فهذا راح يأثر عليك كثير وعلى راحتك النفسية !
كلمه وقله أول شي السهر و اللمبة المولعة واللابتوب لأخر الليل هذا يضايقني لأنه بصراحة انت تجمع اخوياك ورايحين جايين وانا رجال جاي هنا أدرس , صحيح لك حق انك تستانس في غرفتك لكن لأزم تراعي وجودي وتتذكر أن لي نصيب في الغرفة معاك , يعني من حقك اذا تبي تسهر ولكن مو على حسابي , عندك كومون روم ولا روح لغرفة خويك ولا شف لك صرفة , لأن من حقي انام واللمبة طافية مو مخليها مولعة لنص الليل !
بالنسبة للأسئلة الشخصية , فهذي انت بإسلوبك تتعامل معاها , لا تروح تقوله يا فلان لا تسألني أسئلة شخصية , ولكن كل ما يسألك يا تطنشه يا تقوله وانت وش يهمك ؟! أو تقوله وراك تسأل ؟ اذا قالك فيه احراج ؟ قله مو مسألة احراج لكن مسألة وش بيهمك اذا عرفت ! على شوي شوي لين يحس انه بجيح ! لكن كونك تعطيه وجه فهذا ما راح يوقف أسئلة لين تطلع روحك !
مسألة الغداء والعشاء , فكما هو يطنش ولا يقوم , انت المفروض نفس الشي !
اذا انت تستحي تكلمه وتقول له شل الله لا يهينك ! فاستخدم معاه نفس الاسلوب ؟!
قم وطنش وهو بنفسه بيستحي على وجهه ! اما انك تصير الولد الذي أخلاق وهو الولد الذي يأمر فهذا ما ينفع !
اذا شلت انت الغداء , وجاء وقت العشاء اذا خلصت قم وخله مع العشاء قله الله لا يهينك شله … بيستحي على دمه وبيشيله وهو ساكت !
ولو أني أخر شي اتوقعه ان يكتب واحد في المنتدى عن مثل هالإشكالية !
مسألة الجمعية وانه ما يجيب شي معاه , فهذي اسمح لي غلطتك !
اذا انت ولا هو احد منكم معاه سيارة … ليه أول ما تنزل المكافأة تروحون مع بعض وتشترون الاغراض حقت الغرفة كاملة ؟! ليه ما تروحون وتشترون كل اللي تبون وتدفعون بالقطة بينكم !
نظام كل واحد يجيب حاجة بنفسه هذا ما يمشي الا مع واحد تمون عليه مرة وبينكم معرفة زينة وكل واحد فيكم يقدّر الثاني وكل واحد عارف ان عليه شغله فلانية …
اما انت تجيب كل شي فهذا من " سذاجتك " واسمح لي على هالكلمة !
اذا شايف ان الحل اللي قلت لك ما ينفع , بكل بساطة في يوم قلّه , يا فلان ما تحس انك ما عمرك جبت موية للغرفة ؟! لا تستحي خلك صريح هو بيستحي على دمه !
اما تقعد مستحي منه فأنت خسران ماديا ومعنويا !
كأنك جايب لك واحد تصرف عليه ! سلامااااااااات ؟!
نقطة انه اعتمادي بشكل كبير وما يسوي شي , فهذا زي ما قلت لك فوق لأنك انت معطيه وجه وتسوي كل شي ! لكن لو أنت ترد عليه بنفس تصرفاته وتسوي اللي يهمك فقط وتنتبه لامورك فقط وما عليك منه كان حليت هالمشكلة … يعني بكل بساطة لا منك عطيته وجه بيزيد في اعتماديته ! ياخي قله يا فلان سو كذا سو كذا ولا ليه ما تسوي انت كذا ولا ليه ما تقوم تسوي كذا ولا ليه معتمد علي بشكل كامل في كذا !
نقطة طلباته , انت مرمت معاه للسكن ولا عشان ما يطلبه المشاهدون ؟!
يعني اللي افهمه أنه يشوفك " ساذج " معاه فيقوم يستغل هالشي ويطلبك طلبات واجد !
وانت بكل بساطة عارف انك ساكن معاه فقط ليشاركك الغرفة وليس ليشاركك طلباته !
يعني انت صحيح احيانا تساعده ولكن مهب كل ما بغى شي ونقز لك قمت وسويت له !؟
قل له أسف مشغول , اسف ما اعرف , أسف انت شف لك حل , أسف ماني فاضي , ياخوي مالنا شغلة الا انت , ياخي أزعجتنا … يعني شف لك صرفة تصرفه فيها مهب معقول كل ما جاك نقزت له !
وبرضو هالنقطة غريبة عجيبة هل هذي تستحق العناء في التفكير كيف نجد لها حل ؟!!!
نقطة لابتوبه , ياخي انت قلت لابتوبه وانت وش دخلك فيه ؟
لابتوبته خربان تعبان عطلان ذنبه مو ذنبك ! مهب كل ما جاك فيه خراب تسوي فيها أبو العريف وتصلحه 
اثقل واكرشه ياخي 
اخر نقطة حقت الطاولة وعفشه
بصراحة ضحكت ضحك يوم قريتها ههههههههههههههههههههههههههههههههههههههههههههههههه
يعني مدري هي ميانه ولا شافك " حليل" بزود شوي وقام يستغل ولا وش ؟!
الحين الطاولة طاولتك وهو له طاولة كيف يحط كتبه على طاولتك ويحط عفشه عليها ؟!!!
ما يبي يحط كتبه ع طاولته يقلعها في اللي يبي أما طاولتك لك أنت !
الغريب ليه انت تسمح له من الاساس ؟!
يعني برضو مستحي منه ؟
قله الطاولة لي شخصيا ولاستخدامي الشخصي عندك طاولة خاصة فيك وكل واحد يتصرف في أغراضه مهب معقولة أنك تحط اغراضك على طاولتي وتخلي طاولتك فاضية !
في كل المشاكل فوق , طيبتك الزايدة هي السبب !
لو كنت معاه شديد شوي في أمورك الشخصية وكلامك معاه , كان ما تعدى حدوده في كل الامور اللي فوق !
انت مخيّر إما تتغلب على حيائك الزايد وتكلمه وتشوف لك حل , أو أنك تروح تغيره ولا تشوف له صرفة !
وان كنت اؤيد الحل الاول , لأن اغلب مشاكلك بكل صراحة بسيطة وما تحتاج عناء كبير في حلها …
يمكن أسلوبي كان قاسي لكن بصراحة أضمن لك ان شاء الله لو طبقت كلامي راح تلقى منه تجاوب … واذا ما فيه تجاوب لا يردك الا التوجيه والارشاد بطلب الارشاد أو ادارة الاسكان بطلب تغييره !
أول شي أتمنى ان روميتك مو مسجل في المنتدى
ولا من جد مالها داعي
أما نصيحتي لك
فمثل ما قال الأخوان
عطها له في الوجهية
وحط جدول للغرفة
يعني من بعد المغرب الى تسعة أو عشرة مذاكرة (أرجوك يا روميتي عدم الازعاج)
بعد الساعة 12 اللمبات تتطفى
وغيره من هذا الكلام
وأخيراً
لازم تتعلم مهارة الرفض
لأن المجاملة راح تاكل من حياتك وانت ما تدري
تحياتي وبالتوفيق