السلام عليكم ورحمة الله وبركاته
ياشباب ياأروع منتدى
أبي أسألكم بالله …
وش أفضل كتاب للقدرات (الأمين أم رام1)
وأيضا وش أفضل للتحصيلي (مذكرة رائز ولا رام2)
ولو سمحتوا ماأبي أحد يقولي ذاكرها كلها!! لأني إذا ركزت على كتاب واحد أفضل من كتابين فيكون تركيزي أفضل
والله يجزاكم كل خير ويجزى القائمين على المنتدى خير الجزاء
وبسرررررررررعة يرحم والديكم
أنا قرأت الأمين ورام 1 ودليل الطالب لإختبار القدرات من المركز الوطني للقياس …
من وجهة نظري … الأفضل رام 1 … لإنه الأسئلة كانت تتميز بنوع من الصعوبة … فتخيل انك متعود على الصعب
ويجيك إختبار القدرات سهل … راح تجيب ان شاء الله 100 في الكمي …
تحيتي لكم … نواف الشيبان ,
الله يعطيك العافية ولا يحرمك الأجر أخوي نواف
لكن ماعندك شي حول التحصيلي ؟
وجزاك الله ألف خير يالغالي
ولك من خالص الدعاء
ياشباب وييييينكم
معقولة مارد على الموضوع إلا واحد
سووا فيني خير الله يفرج عنكم
سلامـ
التحصيلي كتاب رامـ 2
وسلم لي 
بس إدع لي بكرهـ أجيب درجه عالي في ميجور الفيزكس 
خليت المذاكرهـ ورديت عليك 
القدرات
على حسب قدراتك العقليه واذا مريت على أكثر من كتاب لإختبارات الذكاء ماراح تضرك
إعتبرها قتل فراغ …
<< كنت اسويها انا
وبالتوفيقـ
الله يعطيك العافية أخوي tattly
ويوفقك في اختبارك
بس صراحة كنت متوقع توصل الردود أقل شي 20
بس تحطمت والله
عدد الزيارات 79 ولا رد إلا 2
شوف أخوي
انا جربت مذكرات رائز للقدرات والتحصيلي
القدرات كانت المذكره جيده ومفيده
اما التحصيلي فكانت " عملاقه " وصعب تلحق على كل شي فيها
انت شد حيلك بالثانوي وخل دراستك لأجل الماده والعلم وليس لأجل الاختبار
لأن ذاكرتك كل ما كانت قويه راح تفيدك بالتحصيلي وكل ما كانت دراستك اقوى كل ما كانت درجتك بالتحصيلي أعلى
وبالتوفيق
وان شاء الله نشوفك قريبا معنا
اما بالنسبه للردود
اعذر الطلاب فهذي فترة مياجر
دعواتك
الله يجزاك خير أخوي على المعلومات القيمة
والله يوفقك في كل اختباراتك وتاخذ الدرجة الكاملة
يالله ياشباب وينكم
انتهت الاختبارات والآن في إجازة
لا تبخلون علي …
ولا عاد بقى على اختبار القدرات إلا شهر
الله يرحم والديكم
أنا يومياً أدخل الموقع وأشوف الموضوع وأحتري ردرود لكن!!!!! للأسف
أول شي قلت يمكن زي ماقال أخوي فترة مياجر
بس جت الاجازة وعدت ولا عاد باقي على اختبار القدرات إلى كم اسبوع
ياشباب ترا ماياخذ من وقتكم شي لو أحسنتوا فيني وكتبت لك كم كلمة
ياشباب انا اختبرت اختبار القدرات الاول والثاني المهم جبت في الاول 67 والثاني 70 ونسبتي المئوية في ثاني ثانوي 99% وانا الان في ثالث ثانوي والله يعيني على اختبار القدرات والتحصيلي وخصوصا القسم الأنجليزي
هذا كتاب رام 1 وعرفانه للقدرات و رام2 للتحصيلي فيه شي ثاني مهم ويحتاج ذكره لاتبخلون علينا
وبعد اذا فيه احد يعرف معهد متخصص للغة الانجليزيه سعره مناسب وكذالك مجرب لا يبخل علينا
والسلام ختام ودمتم في حفظ الله …اخوكم مآيهآب
القدرات انت وعقليتك
واذا تقدر تفكر صح صدقني راح تجيب درجه عالية
حل الاسئلة يمكن يكون تمرين على مهارات رياضيه وطرق تفكير لكن لاتتوقع انك تعرف اي سوال
فلذلك اعرف الاساسيات الرياضية مثل توحيد المقام وما الى ذلك
ونرجع للتفكير الصح حتى الجانب اللغوي يبغا تفكير كثير
ومعاني الكلمات فيه كتاب صغير اسمه معاني كلمات القرآن مفيد جدا وكثير كلمات تجي منه
((وبتستفيد منه في دينك))
=======================
التحصيلي وما ادراك ما التحصيلي
انا عن نفسي طاحت في يدي مذكرة رائز هههههههههه ولاتسالني وش لون طاحت قصة طويلة يبالها موضوع
المهم انها طاحت في يدي يوم بقى على الاختبار 3 ايام واذاكرها والله انها مفيدة بس دبر عمرك وحصلها قبل كذا
عشان تذاكر اكثر وتحفظ اشياء الاحياء
وطبعا انت بتكون لازم فاهم منهج ثالث ثانوي 100% عشان تمشي فيه
والانجليزي من مذكرة رائز وركز مع استاذك على القرامر
=====
هذا اللي عندي
تمنيت مثل هذي النصائح قبل لاادخل لكن الحمد لله دخلنا وتوهقنا بـ001
دعواتك يالطيب