السلام عليكم وركمة اللة وبركاتة …
تكفون ياشباب البترول اللي جاب فوق 80 في القدرات يقلنا كيف جابها ؟
الاختبار ماباقي عليه غير شهر .
سؤالك غريب 
كل واحد سينال الدرجة اللي يستحقها بعد الاختبار
فقط ممكن تشتري الكتاب اللي يعطيك فكرة عن الاختبار بعد التوكل على الله طبعا
السلام عليكم
هلا بك أخوي
من ناحية كيف جابها!!
الشغله قدرات لأن في ناس أعرفهم
يذاكرون له كل يوم ولكن للأسف ماتوفقوا .
أول شئ لازم يكون عندك كتاب القدرات عشان تعرف طريقة الاسئلة
بعدها حاول تحل بعض المسائل بسرعة لأن الوقت ضيق
والنوم الكافي قبل الإختبار
والأول والأخير خل الوالدة تدعيلك .
الله يوفقكم أن شاء الله
تحياتي…
سؤالــــــــــــــــــــــــــكـ غريـــــــــــــــــــــــــــــب جدا جدا
أعرف واحد الأول على المنطقة جاب بالقدرات 65
وواحد بالثالث شرعي جاب 72
أنا أول إختبار لي اللي يجي
بس أولاً وآخيراً
دعـــــــــــــــــــــــــاء الوالدة
الله يخليها لنا
اول شي … لاتتوتر ر وروح وانت مروق وحاول انك ماتسوق شوف لك اي حد يوديك محل الإختبار …
اعرف طريقة الإختبار عن لاتتفاجئ
لاتحط في بالك ان الإختبار صعب ترى ماراح تجيب علامة كويسة … الإختبار يبغي له تركيز وشوية اساسيات بسيطة في الرياضيات
بالتوفيق
اشتريت الكتاب حقهم وقريته وحليت الاسئلة التجريبية اللي فيه
دخلت الاختبار وانا غير متوتر - حاط براسي انها اول مرة تجربه واطلاع على جو الاختبار -
سميت بالله وقلت اللهم لا سهل الا ما جعلته سهل وانت تجعل الحزن اذا شئت سهل
ثم بدت بحل الاسئلة
أهم شي التوكل على الله وعدم التوتر
فيه كتاب اسنه رام 1 راح يفيدك
ولا تشيل هم//
انا اتوقع ياخوي انه تعتمد على العقليه…
يعني ماتقدر تحضر للاختبار عشان تجيب درجات زينه…
انت سو التدريب اللي بالسي دي واتكل على الله
اعتقد كلام الشباب كان صحيح لان على حسب مقدرتك واكيد التوفيق من الله
انا عن نفسي جبت بإختباري 84 وبالثاني 90
وعندك فرصتين للإختبار حاول تستغلهم وركز اثناء الأختبار واطلب من الله التوفيق هذا كل اللي اقدر اقوله
وكمان وقت الاختبار استغله كله لا تسيب سؤال فاضي لان الوقت يمر بسرعة والاختبار عامة اسألته سهلة وعامة ومافي شي معقد
أتمنى أكون أفدتك وبالتوفيق ان شاء الله بالقدرات والتحصيلي كمان 
تحياتي لك عزيزي
البرنس الذكي
أخوي شخطة قلم أنا مثلك حاس بالي قي قلبك من التوتر …
لاني بعد ما جربت نفسي على أسئلة نهاية الكتارب رام1 …
أنصدمت من مستواي و أنا الى الان لم أختبر أي أختبار …
باقي أمامي 4 إختبارات لانني باقي ثاني …
مو هذا المهم لكن حبيت أقول أن الله يضعنا أمام أشياء
يصيبنا الضعف و العجز أمامها فلا تنفعنا رسائل إيجابية ولا غيرها
ليختبرنا فإذا زدنا الثقة بنفسنا بشكل مفرط حتى نحس باننا
لا نحتاج أحد تركنا الله أمام هذا الأمر فنكون من الخاسرين
لكن إذا أدركنا أنه لا حول لنا و لا قوة الا بالله و دعينا الله كان لنا و وفقنا
((وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ ))
معليش على الفلسفة لكن أبغاك تقوي ثقتك بالله …
طريقكـ الى درجة قدرات عالية بإذن الله :
1 ـ توكل على الله و أدعي … ثم أدعي … ثم أدعي … :
قال عليه الصلاة والسلام ( إن ربكم حيي كريم يستحي من عبده إذا رفع إليه يديه أن يردهما صفرا ) .
2 ـ ثق بنفسك و لا تفكر في الأختبار كثير إذا كان تفكير ينصب حول تفكير سلبي …
3 ـ جرب تمارين نهاية كتاب رام1 إذا حليتها بتحس بثقة بنفسك ( نصيحة لا تصححها أهم شيء أنك تحل ) …
4 . إذا أمكن خذ بعض القواعد الأساسية في الرياضيات
( مساحات الأشكال أو طريقة حل معادلات ذات مجاهيل أو طريقة فك الجذور ) …
5 ـ يوم الإختبار روق على الأخر و لا تنسى قراة القران عشين ترتاااااااح
و لا تنسى تصحصح بحليب شاهي مظبوط ( يفضل حليب لونا ) …
6 ـ كــــررر ( سبحانك لا اله الا أنت إني كنت من الظالمين ) أو ( لا حول و لا قوة الا بالله ) و كثر الإستغفار
و لا تنسى أن رضى الله من رضى الوالدين و بإذن الله ما يخيب ظنك إذا كان الله راضي عنك …
و بالتوفيق للجميع …
حاول تستغل كل شي بهدوء
الاسئله بعضها تحلها لما تشوف الاختيارات بدون الحل
في حركه حلوه كنت اسويها لما تخلص من قسم اضغط على الورقه الاخيره وتقدر تشوف الاسئله من القسم الثاني راح تفيدك كثير انا جبت 91 بس لولا العربي اللي اخذت فيه 82 كان ممكن درجتي تكون فوق فوق بس يللال اهو دخلنا دي الجامعه
والله وانا اخوك توفيق من الله ما ادري حتى كيف جات . ابدى احذف الاجابات الي متئكد انها مو صحيحه وتزيد فرصة التخمين بدل 25 % يصر احتمال الجوال الي اخمنه يطلع صح 50 %
وتحذف على مولوماتك صعب انك تتذكر المعلومه صحيحه بس اختار اقرب شي ولازم يكون عندك مادة
ونصيحه اخيره انا اول اختبار اخذته جبت فيه 67
بعدها قريت كتاب القدرات وفهمته … والحمدالله جبت الدرجة .
حتى اني ناوي اختبره هو و التحصيلي السنة هذي في الترم الثاني احتياط لولا قدر الله وما قدرنا على الجامعه نقدم مرة ثانية في اماكن ثانية .
شخطه
لا تتوتر دام عندك اختبار ثاني نهايه السنه
لو كنت ثاني ثانوي ادخل ولا همك شئ بس علشان تعرف الإختبار لأن وراك 3 فرص غيرها
اما لو كنت ثالث ثانوي قبل لا ترووح لا تفكر ولا بأي شئ حتى لو عن ريال واحد ماخذه منك بالغصب ولا سلف
روووق و صل لك ركعتين
الشغله ما يبي لها مذاكره ولا شئ اهم شئ فهمك
كيف تفسر السؤال في مخك و تستنج الحل بس
انا الحمدلله اول اختبار كان 74 و كانت بالنسبه لي حلم لأنها كانت اول اختبار
بس لما عرفت الوضع و شفت كيف طريقه الأسئله جبت في اللي بعده 84
و بيني و بينك كنت هذاك اليوم ناااايم و فاتح فمي كأنه بقاله خخخخخخ
يارجال تعدي كلها بسهالات
بس لا تقلق
وبتشوف ان شالله
مثل ماقالوا الشباب ،،
مالها دخل في مذاكرة ولا شي ،،
أعرف واحد من الشباب خبص الإختبار الأول …
الإختبار الثاني طلع وهو مبسوط وقال انه مارح ينزل عن الـ 70 ،،
طلعت نتيجته نفس الإختبار الأول
وأنا عن نفسي اختبرت الأول وجبت فيه درجة ممتازة الحمدلله ، ودخلت بيها الجامعة ،،
واختبرت الثاني وزاد درجة وحدة بس عن الأول ،،
صل ركعتين وروح سلم على راس أمك ويدها واعملها كوب كبتشينو او كاسة شاهي إذا ماتعرف تعمل كبتشينو …
واعطيه للوالدة وقلها أمي أدعيلي الله لا يحرمني منك ،،
والليلة اللي قبل الاختبار ارفع إيدك وقول يارب
وان شالله اللي فيه الخير ربي بيكتبه لك
السلام عليكم ورحمة الله وبركاته…
انا طالب في ثالث ثانوي الان، وقد اختبرت في ثاني ثانوي الاختبارين للقدرات العامه جبت في الأول 76 والثاني 70 *
والكتب الي سمعت عنها انها مفيده جدااا جدااا هي (رام 1 ) و (الأمين)
الحمد لله انا جبت النسبة المؤية في ثاني ثانوي 99% تقريبا لكن الي معقدني 70 في اختبار القدارت العامه الي عنده شي مهم او مفيد عن هالأختبار يفيدني ويفيد الطلاب ويحتسب الأجر والثواب من الله
وكذالك ابي استفسر عن كتب مهمه او دورات للأختبار التحصيلي
وتحياتي للجميع…
عفوا جبت في الاختبار الاول للقدارت(67) والثاني (70)*
>خطأ مطبعي<
السلام…
لا تشيل هم ماله لازم…الأختبار يعتمد اساسا على قدراتك العقليه…تتحتاج لفهم عميق لأساسيات الرياضيات والعلاقات المنطقيه…لا تخاف من كلمه عميق…لان اغلب هذه الأساسيات مرت عليك عشرات المرات
صحيح اعتماده على قدراتك العقلية بس فيه نقطة مهمة اشوف انها اساسية عشان تظهر قدراتك الحقيقية في الاختبار وهي… تنظيم الوقت مثلا انا دخلت الاختبار وما اعرف عنه شي كثير اخوياي كانوا يخططون للاختبار والحمدلله جبت فيه ((83 )) المهم الاختبار الثاني دخلت بس كنت عارف ايش القصة فخصصت لكل سؤال نص دقيقة اذا عرفته حليته واذا ماعرفته ارجع له بعدين كانت اخلص كل قسم وباقي احيانا 12 دقيقه واحيانا 5 دقايق واذا صار معقد دقيقتين والحمد لله جبت فيه(( 86)) ونفس الخطة سويتها في التحصيلي وجبت ((84))
ملاحظة : انصحك سجل في اخر يوم للاختبار للفترة عشان تسأل ربعك اللي اختبروا بالايام اللي قبلك لانهم يكررون الاسئلة الطريقة هذي جربوها ناس كثير اعرفهم وضبطت معهم