كلنا نعرف ان تم تأسيس مركز يدعي ((قياس)) ينظم اختبار التحصيلي والقدرات واللي لو تجيب 110 من 100 بالثانوي ودرجاتك نازلة بهالاختبارين لو تبوس كوعك ما تدخل تخصص محترم وبالذات بهذي الجامعة التي كما تعلموون الثانوية العامة عليها فقط 20%
السؤال اللي يطرح نفسه:هل هذه الاختبارات فعلا تقيس مدى استحقاق الطالب للدخول الى الجامعة
وهل المركز اتم دراسة قبل انه ينظم هالاختبارين ولا انها كذا تقليد اعمى؟؟
الإجابة حسب اللي اشوفه؟؟
لالالالا
والدليل حرصت شخصيا ان اسئل عدد كبير من الطلاب عن درجاتهم بهذين هالاختبارين واقارنها بتحصيلهم العلمي حاليا وطلعت الإجابة ((ماحولك احد))
يعني اللي جايب 80 بلقدرات تقديمه احسن من اللي جايب 90 احيانا كثيرة ((مو دائما طبعا)) وبالتحصيلي كذلك…طبعا عامل الحظ خطييير بهالاختبارين اسئلوني انا هههههههههههههههههههههههه ياهي ايام
طيب شالحل المقاعد محدودة ومقياس الثانوية العامة لوحده يولد طلب متزايد على الجامعات
الحل واضح| أنا ماني عارف ليييش شالو اسئلة الوزارة؟؟؟هل الذكاء لوحدة سرعة الحليل والتفكير المنطقي يكفي لأن يكون الطالب مؤهلا جامعيا كما هو المطلوب من اختبار القدرات((اذا صحيح انا اغلب الطلاب جابو درجاتهم من ذكاء)) اجل شفايدة التمّرن خلاص انا ذكي وادخل االميجر بدون مذاكرة وراح اجيب درجة ممتازة((افلقني))
ملا حظة اجو ان لا يعد هذا الموضوع في غير محله بسبب بما اني اوريا والطلاب القارئين اكثرهم اوريا فهم يختلطون بمن عانو مشاكل من هذه الامور وسيبدون آراء مفيدة
أنا ما قلت اطلاقا ان اختبار القدرات ما يقيس لكن في شي مهم جدا اسمه دفرة يعني ذكاء لوحده ما يفيد فاللي متخرج من الثنوي بواسطة اسئلة الوزارة اكيد بنسبة زينة اكيد انه دافور
ياحبيبي !!
والله ان تعليم الثانوي كله عملية حشو في الدماغ فقط لاغير !!
على الاقل ياخي سووا تجارب في الكيمياء في الفيزياء نبي نعرف ليش يصير كذا وليش مايصير كذا …
مو بس احفظ احفظ احفظ وبالاختبار حط الي براسك على الورق !
وبعدين انا ارى ان اختبار قياس يقيس طريقة تفكير الشخص وحله للمسائل ومسالة الحظ فيها انك تجيب درجة عالية ماتتعدى 2%
اما التحصيلي فوجوده مثل عدمه …
اختبار القدرات اختبار عادل جدا … وهو النقطة الجيدة في صفحة التعليم العالي
الثانوية مافيها عدل ابدا … زمان في المدارس الأهلية، تشتري الدرجات بفلوسك … انواع الغش والهبل … طالب بثاني ثانوي نسبته 73 … ثالث ثانوي 95 … يعني ظلم صريح … واختبار الوزارة عبارة عن 30 %
والآن كثير من المدارس الحكومية ايضا انواع الدففففففف والغش والبزوطة …
انا أشوف انه عادل وعادل جدا … والحظ فيه نادر جدا … والاختبار التحصيلي ايضا لا بأس به
( القدرات + التحصيلي ) اختبارات رائعة جداً , فيها بعض العدل , تبين لك الفرق بين طالب المدارس الأهلية والحكومية , وأنت الحين تنكرها , يوم أنا كبرت كنت مثلك خخخخخ بس لاتخرجت وشفت وحسيت بعض العدلوانتصار لـ ذاتك بهذه الاختبارت بتشوف الفرق ,
ما اخفي عليك , أنا كنت بـ مدرسة أهلية . وتخرجت بـ 97 , ومعي أخوياي مثلي اللي 97 و 98 و 96 وهم ما يدخلون المدرسة الا الحصة الثانية أو الثالثه , و أخذوا مثلي … بس بـ القدرات والتحصيلي حصصل الفرق
اختبار القدرات لا يقيس الكم المعلوماتي الي عندك القياس يختبر فهمك وتحتاج يكون عندك مفردات لغة حتى تجواب على بعض الأسئلة فيه ولا حظت ان كلمات كثير من الي فيه كانت موجوده بالقرآن
اما قسم الرياضيات ما ذاك التعقيد اساسيات تمشي عليها
بس برضه لازم تمر على كتاب مساعد حتى تعرف الأسلوب
اما التحصيلي يتعمد على معلوماتك الي جمعتها في الثانوية وبرضه اشياء مو معقده واختيارت كمان مو ذيك الصعوبة في كتب كثير للتحصيلي حاول تمر عليها وتجمع منها المعلومات بس ما تجي قبل الاختبار بيوم وتجلس تحفظ ماراح تستفيد .
وبنظري انه ما يقيس مستوى الطالب الحقيقي .
اذكر شخص كان اشطر مني واستغربت من درجته والعكس مع طلاب ثانيين
نظام التعليم فاشل بالسعودية ولا معتمد على بنية علمية ومدروسة. ناهيك إن التعليم بالسعودية لم يهيأ الطالب لمثل هذه الاختبارات .
فأي عدل بأنك تدرس 12 سنة وبعدين تتبدد أحلامك في الهواء بسبب اختبارين هم القدرات والتحصيلي . فهناك الكثير من من ظلم ولم يدخل الجامعة بسبب هذان الاختباران .
ويوجد الكثير من الطلاب الكسالى في الثانوية بحيث جابوا درجات بالغلط في القدرات والتحصيلي(الذي لا يتجاوز وقت الأختبارين 6 ساعات) فدخلوا الجامعة ظلما وبهتانا. فأي عدل هذا تتكلمون عنه.
فهل يستوي طالب درس 12 سنة بإختبارين مدتهم (6ساعات)؟!!!
اعرف ناس من جنبها في الثانويه الان هم في جامعة البترول
بفضل الله ثم بفضل هذين الاختبارين
شوف ياخوي القدرات والتحصيلي فيها عدل وفيها ظلم
العدل انك تدرس وتشد حيلك وفي الاخير تلقى طلاب المدارس الاهليه وحتى بعض المدراس الحكوميه ياخذون اعلى منك وهم لايعرفون الكتب سوى اسمها فياتي القدرات والتحصيلي ويميز بين هؤلاء الطلاب
والظلم للاسف انك تدرس 12 سنه وتذاكر اول في اول وفي الاخير تتحطم امالك في ساعتين ونصف
واعرف كم واحد انظلموا بسبب القدرات والتحصيلي ظلم شديد والان هم في البيت للاسف
والسبب في ذلك هو الفساد الاداري الموجود في وزارة التربيه والتعليم حسبي الله عليهم
لاتلام الجامعة ولايلام الطالب الذي يلام هو نظام التعليم الفاشل
واذا دخلت الجامعة تنصدم بالذي تراه الدنيا كلها انجليزي في انجليزي
ونصف طلاب السنه التحضيريه يخفقون في الانجليزي بسبب عدم وجود تأسيس وعدم وجود مناهج قويه في المتوسط والثانوي
والله المستعان والى الله الشكوى
