السلام عليكم
يا اخوان انا انقرد وشريت سياره جديده
والمشكله لونها غامق اي حكه تبين
المهم امس رحت شفتها
والله قهر
4 حكات من كل جهه
وواحد على الباب حاكها
ما اقول الا الله لا يوفقكـ
حط ورقه سو شي
الله لا يوفقك يا اللي حكيتني وهم اثنين واحد سياره بيضاء وحده سوداء
وين الامن ولا بس فالحين كانهم مافيا
يوفق الباص وينزلون مسرعين كل واحد الكلبشه بيده وعب من هالسيارت
ليه ما تتنتبهون لللسيارات الطلاب
اعذروني يا شباب والله منقهرر
والله من جد …الله يعينك بس اذا هي سيارة جديدة روح وسفط عند بنك الرياض وريح مخك…
والله ناس مايعرفو يسوقو حتى مع تصليح المواقف يحكون الناس…
غيرك جته أكثر من 20 حكة و كلها على جنب واحد
ما أقول الا الله يعوضني خير منها,
و الله يعيني على اللي مهوب مصدق سالفة 20 حكة!!
صح تذكرت و مصدوم مع ورا و قعدت أدعي عليه طول الترم 
أخوك:
أبو ثابت
الله يعينك ياخوي…
انت حكه… انا صدمت سيارتي مرتين…ولا ورقه ولا اعتذار وعساهم بألف حل
اصلا كثير من الطلاب ماكان يسوق قبل يجي للجامعة …
واول مايدخل الجامعة يطق له ابوه موتر والضحية انا وانت
يا رجال وسع صدرك
أنا تحكحكت سيارتي إلين قالت :آمين
إن لم تشرب مرارا على القظا ظمئت***وأي الناس تصفو مشاربه
أهم شي إنك ما تصلح الحكات هاذي لأن القادم مذهلا أكثر<<<مسوي أوربت
إذا تخرجت من الجامعة ودها للتلميع الساطع ويطلعونها لك كأنها وردة 
والله يا اخوان لا تلميع ولا شي
البويه راحت
الله يعوضك خير
الله يعينكم
بس للأخ صاحب الموضوع
هل انحكت سيارتك في نفس اليوم و نفس الموقف ؟؟
إذا كانت اجابتك بـ (نعم ) فـ باعتقادي ان المشكلة من تصفيطك للسيارة
فيه موقف على طرف مواقف العماير … السيارة الي توقف فيه لابد تكون بارزة لدرجة انه شبه تسكر مدخل المواقف و احتمال حكها وارد بقوة
فيه شباب يوقفوا على الشارع الجانبي للمواقف بمحاذاة اللاينات القديمة و يسكرون مسار كامل و هذه مخالفة
و دام أطريتوا موضوع المواقف
الحين المواقف الجديدة تستلزم السير باتجاه واحد
و لكن لاحظت انه في عالم تدخل عكس … و الأمن ساكت
المفروض تعلق لوحات - و لو انه ما يبيلها - تبين ان الدخول بهذا الاتجاه عكس
هذه صورة تبين الاتجاه الصحيح (الأزرق) و الاتجاه الخاطئ (الأحمر)
حكات ونقرات باب واليوم الصبح اشوف بابي منعفط عفطه قويه
قهر بس الاسبوع الجاي ان شاء الله بحط سيارتي واجي بالجمس
مرايتي اليمنى انشقت شق
خلوكم زيي وقفو بعيد
خلك بعيد حبك يزيد
ما ادري اش فيهم الأمن من جد … يعني الي يسرع عادي يكلبشونه مثل ما يبغون لأنه يضر الأمن العام
اما اليوم وانا طالع الدوام اربعه سيارات الأمن كافشها عشان واقفه غلط مو لديك الدرجة . هذي مباغله مرة
موقفي اول صف وتحت الكشاف ووجه السياره ملصقه والمرايات مصفطها
قهررر
الحين اخذت السياره عند بنك الرياض
طيب، شرايك لما تقوم الصبح وتشوف سيارتك مشخوطة (بمفتاح أو ما شابه) من باب السواق إلين الباب اللي وراه؟!!
اللــه لا يوفـق اللي يعتدى على سيارات غيره!!! جعله يشوفها في سياراته في يوم يا رب. جعله يرسب السمستر كله ويعيده صيفي… والله ما أسامحه.
<<< ما ينلام صدقني
نفس الشي حكه من اليمين وحكه من اليسار والسياره جديده !!
لكن الواحد وش يقول … حسبي الله ونعم الوكيل
عادي ترى موضه هالحين الحكات شفيكم انتوا
اشوى اني ماطقيت خبر لسيارتي
محككة لين قالت بس ماقد زعلت عشانها انحكت ! عادي حديد ترى
لكن لو صدمة يمكن
وأنا مثلك شريت سيارة جديدة وفرحان فيها
بس للأسف ما كملت الفرحة كل يوم حكة وكل يوم يعني كل يوم مش يوم ويوم وبعض الأيام صدمات وآخرها قبل يومين واحد صدم النور الخلفي
حسبنا الله ونعم الوكيل
مجموع الحكات إلى اليوم ( أكثر من 30 حكة )
مجموع الصدمات ( تقريبا 3 صدمات )
ياشباب انا قد صدمت في جمس ومشيت كنت مستعجل ولا جا في بالي اني احط ورقة الزبدة هالكلام في الصيفي عند مبنى الاوريا الجمس ماصار فيه شي بس لو هو انتبه ويبي تعويض يراسلني خاص
اللهم اني ابريت ذمتي
^^^
بدري
الحمدلله سيارتي موديل88…تضرب ولا تنضرب
مرة جاه واحد يحكها وانا كنت طالع من المواقف الى الكلاس…المهم معطي السيارة ظهري وما اسمع الا زززززززز…صصصصصصصصصص…صيك 
نزل صاحب السيارة ورجعت انا اشوف ايش اللي صار (احسه كان يقول ايش الحظ اللي علي صاحبها موجود 
اللي صار خط اسود طويييييييييل من اول سيارته إلى آخره+بعجة (ماخوذة من انبعاج) في الباب الأمامي إلى الخلفي…ملاحظة…اتوقع انه من خارج الجامعة او اوريا (سيارته ما كان عليها استكر)
الصدام عندي كان يلللمع<<<قولوا ما شاء الله
المهم قال السموحة وتسهل:p