**السلام عليكم ورحمة الله وبركاته كيف الحال شباب ان شاء الله تمام** :thumbsup:**.....ومبروك على نهاية هذا السمستر ان شاء الله كلكم اونر** :laughing:**...**
**والله ما اعرف كيف ابدأ بس اقلكم السالفة من البداية وابي شوركم ايش اسوي ..**
انا منزل لاب لمادة ما(بدون اسامي) ومن بداية ماجانا ذا الدكتور وانا ولا عمري طلعت من اللاب مستانس.الدكتور مستقعدلي انا بس من دون الطلاب كلهم ودايم يسفهني والله يا شباب من دون اي مبالغة ولاني اتبلا عليه .بس انه دايم يطلعني اخر واحد في اللاب ويمشي باقي الطلاب الا انا يدقق على كل صغيرة وكبيرة و لما يجي دوري يعديني ويقلي استنا. غصب اتأخر.(بس خلينا نقول دكتور يهتم لمصلحتي و يبغاني افهم من بين الطلاب) عشان ما نظلم احد. بس في مرة سلمتله مشروعي صح واتهمني بالغش امام الطلاب كلهم معأني والله ما غشيته,وفشلني قدام الطلاب كلهم واصبحت انا الغشاش اللي محد يقعد جنبه. و ختامها مسك,اليوم اخر لاب وكان يسأل اسأله عليها بونس ورافع يدي في كل الاسئلة ولا خلاني اشارك الين ما كل طلاب السكشن اخذو بونس وجا وسألني سؤال صعب محد عرفه وماعرفت اجاوب عليه وسالني سؤالين كلهم اصعب من الاولاني فظليت انا اللي ما خذيت بونس من بين 25 طالب.
فشوروني ياجماعة الخير ايش اسوي هل هو مايدانيني ولا انا فاهم غلط …وعند مين ارجع لحل هذه المشكلة.
وااااااسف على الاطالة.ارجو منكم الرد لحل هذه المشكلة. وشكرا
يا رجال وحد ربك ما حصل الا الخير عموما الدكتور احسن حل معاه اسحب عليه احضر وخلص شغلك وامشي وما عاد بقى شي من السمستر خلص الماده ولا عاد تنزل معاه ابدا.
لا لا اخوي ليش الانتظار لنهاية السمستر ؟
الرجال بإيده قريد وانت لك حاجه عنده …
اللاب الجاي اول ما يخلص روح امسكه على جنب واسأله بأدب قوله اذا انا مزعلك بشئ انا حاظر .
وماتدري ياخوي يمكن غلطت عليه مره بدون ما تردي عشان كذا انا اشوف انك تكلمه من الحين.
(فيس الرومي )
شوف على كلامك هذا
اذا والطلاب لاحظوا تعامل الدكتور معك على هذا النحو روح له الاوفيس وكلمه باحترام زي ما قال الاخ اللي قبلي وقول له هل قد سويت شيمن بداية الترم وما عجبك ؟؟ بكل ادب واحترااااااااااام
وقبل لا تروح ابيك تسأل الشباب اللي معك هل لاحظوا تعامل الدكتور معك ولا لا
اذا قالوا لا ( إسأل اكثر من واحد) . لا تروح له لأنه يمكن يتهيأ لك انه يتعامل معك بقسوة.
.
)