السلام عليكم
صباح / مساء الخير
عندي استفسار بسيط …
انا عدلت اسمي في بطاقه الاحوال المدنيه وابغى اغير اسمي في بطاقه الجامعه
السوال اللي يسدح نفسه
وش الاوراق المطلوبه ؟ هل يبغون مثلا برنت من الاحوال ؟
ارجو التفاعل
يا رجال ابقى على نفس اسمك الاول بالجامعة الى حين التخرج وبعدين هم يدققون مع الجواز
^^^^^^^^^^^^^^
ابغى وثيقة التخرج تكون بنفس الاسم
كله بوقته يارجل
عن طريق عمادة شؤون الطلاب
اتوقع تقدم طلب عن طريق موقعهم وفي اجراءات ثانيه ما اعرفها صراحه
بس تقدر تكلمهم وتشوف وش المطلوب
نفس الشي انا السبيلنج حق اسمي فيه غلط بس بانتظر الى قبل التخرج مرة وحدة ان شاء الله 
رح شباك رقم 5 في العمادة وقول للموظف ابغى اغير الاسم
يحولونك على موظف البطاقات
يتاكد اولا من اسمك في الاحوال ثم يغير لك البطاقة حسب اسم الاحوال
ولا اعتقد انها تحتاج خطاب
مبنى شؤون الطلاب …
رااح تلقى اللي تبيه … موفق خير …
اللي أعرفه إن الطالب إذا عدل اسمه تبهذل من جديد لازم يصدر شهادة الثانوية العامة باسمه الجديد بعدما يعلن في أحد الصحف وبعدها يقدم طلب لعمادة القبول والتسجيل بتعديل الاسم ويجب احضار صورة من الجواز،،
مشكورين يا شباب وانا ان شاء اخلص من المياجر واتفرغ لهم
أخي الكريم … الإسم في البطاقة غير مهم، أقصد البطاقة الجامعية سواء كان هناك إختلاف في التهجئة، أو إضافة اللقب … ولكن المهم الاسم في نظام التسجيل، لان الوثائق وأعني وثائق التخرج وكشف الدرجات تصدر بالاسم الموجود في النظام، ومن الأفضل مطابقة الاسم مع الموجود في الجواز، لأنه الوثيقة الرسمية خارج المملكة.
يمكنك التوجه الى مكتب التسجيل، وطلب نموذج تعديل الاسم، سيطلب منك تعبئة النموذج وإرفاق صورة من بطاقة الهوية أو الجواز، أظن المكتب 126 إذا لم تخني الذاكرة.