السلام عليكم و رحمة الله و بركاته
الصراحة انا مشاركاتي قليلة في المنتدى
بس حبيت اخذ رايكم في موضوع مررررررررا مهم بالنسبة ليا
اليوم دق عليا واحد من شركة ينبت
انا اول مرة اسمعبها 
هيا احدى الشركات التابعة لسابك في ينبع
و قلي انه لازم اسوي انترفيو في اقرب وقت ممكن في ينبع 
والله انا ودي اشتغل في جدة و بس
و ما قد عمري رحت ينبع و لا اعرف احد في ينبع
ياليت تفيدوني اكثر عن الشركة و عن طبيعة العمل في ينبع
و هل ينبع مدينة حلوة او لا؟
و تنفع للمتزوجين او لا 
؟؟؟
لا تحرمونا من ردودكم المفيدة
اللي اعرفه ان ينبع مدينه كبيره … وبينها وبين جده مسافه تتراوح بين 300ال400كيلومتر …وهناك ينبع البلد وفيها انشاءالله تحصل اشياء حلوه للمتزوجين (كورنيش ,…).وفيه ينبع الصناعيه تلك المنطقه التي اذا مررت من عندها مساءا ترى انوار المصانع الكبيره وفيها عده شركات هناك فرع لشركه سابك وارامكو السعوديه واخرى … اتمنى اني افدتك…
شركة ينبت إحدى شركات سابك وغريب أنك أول مرة تسمع بها
ينبع مدينة أكثر مما تتوقع
مو قرية زي رابغ
تقدر تروح زيارة عشان تتطمن ومنها تعمل المقابلة الشخصية 
بس بيني وبينك سابك ألحين في انحدار يعني مو نفس الميزات اللي تسمع بها
وندعي ربنا انها ترجع زي أول واحسن
للمعلومية اسم سابك في السوق باقي و أي موظف عنده خبرة في سابك له موقعه من الاعراب في باقي الشركات
جدة لا تأمل عليها كثير لأنه مافيه خيارات كثير مطروحة
والله يكتب لك اللي فيه الخير
للمعلومية تكاليف حضورك للمقابلة شاملة تذاكر و إقامة الشركة تحاسبك عليها حتى لو لم تقبل
جيب الايصالات معك 
موفق
مشكورين على الردود
متأكد اخوي (هدي اعصابك) انه
التذاكر تكون على حساب الشركة؟؟؟
وعليكم السلام ورحمه الله وبركاته
المسافه بين ينبع وجده ٢٠٠ كيلومتر(يعني ساعتين بالسياره) وبين ينبع والمدينه ٢٠٠ كيلومتر…
روح احضر الانترفيو واذا ناسبك الوضع اتوكل على الله ولا تنسى تستخير
اتوكل على ربك
و الطموح يبدأ من المكان اللي ربي يكتبله هو
تبدا في ينبع بعد فتره ممكن الشركه تنقلك للشرقيه بعد فتره تروح الرياض بعد فتره تطلع من الشركه تسوي شركه خاصه فيك في جده
وتوكل على الله و صدقني الناس بتاكل بعض
انا اعرف واخد من جده مسوي مقابله في المبرز و ممكن الوطيفه بتكون في شيبه او خلافه وما عندي مانع حتى لو رحاح الخرخير ياخذ راتب من ارامكو كويس و بعد فتره يطلب منهم نقل و صدقني اقلها انك تسوي خبره من المكان اللي انت فيه
تعرف المبرز وين …في الحسا الحسا عن جده كم كيلو …طيب شيبه عن جده كم كيلو …طيب العضيليه عن جده كم كيلوا …طيب انا اقولك الخفجي عن جده كم كيلوا …طيب تناجيب عن جده كم كيلوا …
لك مني الاحترام
وفكر بعقلك كبل ما تفكر بفلبك
الناس جالسه تاكل بعض
الله يوفقك
متأكد يا حبيبي …
خذ الأيصالات معك وبعد الأنترفيو عطها الـ hr وبيعطونك فورم استرداد مش عارف أيش
المهم تكتب المصاريف اللي تكلفتها وتعطيهم الأيصالات ورقم حسابك
إلا إذا الموضوع تغير بعد الأزمة العالمية
تقدر تسأل الـ hr وتتأكد منهم
ياريت تتأكد من المعلومات قبل
المسافة تقريبا زي ماقال مسلم مهندس
مابين 300 الى 400
وهي تقريبا 350 كيلو
يعني اقل شي 3 ساعات بالسرعه المعقولة
وبالنسبة للشركة… هيا احدى شركات سابك وسابك مالها شركات او مصانع غير ينبع او الجبيل الصناعية
يعني لاتفكر انك في المستقبل ممكن تنقل لجده عن طريقهم
لكن ممكن عن طريق غيرهم … هذا شي ممكن
وبالنسبة للتذاكر
تقدر تكلم الموظف اللي يتواصل معاك بهذا الشي وراح يفيدك ويأكدلك
اخ أحمد شكلك تروح من طريق ثاني انت
المسافة زي ما قال اخونا 200 تزيد تنقص … بس مو 350
يعني ساعتين تقريبا
والمسافة بينها وبين المدينة تقريبا 175 كلم مع الهاي وي الجديد
أما عن ينبع (الصناعية طبعا)
فهي مدينة رايقة … مرتبة … هادئة
تبعد عن ينبع البلد 15 كلم تقريبا
كورنيشها رائع للعوائل
فيها مستشفيات من أهمها مستشفى الهيئة الملكية
فيها مول جديد وكبير وتحصل فيه أهم المحلات المشهورة والماركات… وفيه هايبر بندة … يميزها عن الجبيل الصناعية انها فيها حركة أكثر شوي … خصوصا في الصيفية والاجازات …
يعني اجمالاً هي مدينة مريحة ومناسبة اذا كنت تبغى تعمل وتبني مستقبلك المهني لك انت والعائلة … انا شخصيا انصحك فيها
واذا رحت تسوي المقابلة خذ لك لفة فيها وشوف الوضع
أتمنى اني اكون أفدتك
والله يوفق الجميع
^
^
انا متأكد انكم تقصدو شي ثاني غير ينبع الصناعية اللي يسأل عنها
او انكم ماتدرو عن المسافة شي… ولمن تمسكو الخط… عينكم ماتشوف النور ودووووس يامعلم على 200… عشان كده توصلو في ساعتين
اذا ماكان عندك عروض ثانيه فروح وقدم وكمل شغلك احسن من الجلسه بالبيت و اذا المشوار ساعتين او ثلاث مو مشكله غيرك يشتغل في الشرقيه واهله في جده … توكل على الله تراها احسن من جلسه البيت واذا ماجازتلك بعدين قدم على شركات ثانيه وراح يكون عندك خبره
ياشين اللي يفتي … وأظن ماعمره وصل التحلية (على فكرة التحلية تقريباً 45 كم عن ينبع)
المهم أنا أقتبس كلام كاتب الموضوع وأرد حبه حبه
ما قصرتوا يا شباب
يعطيكم الف عافية على ردودكم
بس عندي سؤال بسيط للي يقولوا انه ينبع تبعد عن جدة 200 كم 
شكلكم تروحون عن طريق البحر مو بر
المعروف انه ينبع تبعد عن جدة حوالي 300 كم
بخصوص الانتقال لجدة
لمعلوميتك فيه مكتب مبيعات في جدة
وأعرف كم واحد من الشباب كانوا في الرياض وانتقلوا إلى جدة في المبيعات
طبعاً مع فارق الميزات الواضح … لكن لعيون جدة تهون كثير شغلات ولا مو؟
والله انك صادق
يا لبييييييييه يا جدة 
اعتقد مكتب المبيعات اللي موجود في جده هوه تابع لسابك…
ماعندي فكرة هل هوه تابع لينبت او لأ
اقصد هل تقدر تحول عليه وانت موظف ينبت او لأ
آجل 200 كم
هااااااااااااااااهـ ؟؟؟
يا حليل اللي يفتي من رآسه
المسافة 350 كم تقريبآ
من ينبع البحر … السنتر
و مع الطريق الجديد تجيبها في ساعتين إذا صكيت 170
لـ راعي الموضوع …
لما تخلص من الآنترفيو … خذ لك لفة … على البلد
موفق اخوووي
اي يفتي من راسه واي خرابيط…انا متآكد من هذي المعلومه… المسافه ٢٠٠ كم
جايبها من قريبي …هو يشتغل في ينبت… ودايما ينزل جده تقريبا كل اسبوعين…
^
^
روح تأكد مرة ثانية الله يخليك
وياريت تتأكد من المعلومات اللي تكتبها … ومو كل شي ينقال لك صحيح
اسحب كلامي واعتذر من كاتب الموضوع…
كلمت قريبي و اكدلي ان المسافه ٣٠٠ كم =(