ممكن اختبر تحصيلي وانا بثاني ثانوي ؟

الطريق إلى جامعة الملك فهد للبترول والمعادن
1

السلام عليكم شباب انا عضو جديد بالصف الثاني ثانوي

كيف حالكم وايش سويتوا باختبار القياس عساكم kicked ass :boxing_glove:

عموما استفساري بسيط وواضح انا خشيت موقع قياس وشفت التسجيل في اختبار التحصيلي للطلاب بدأ

وحبيت اشوف اذا جيت اسجل بيكرشوني ولا لا :laughing: … الزبدة ماكرشوني وامداني اسجل وقال لي ادفع عشان تأكد تسجيلك :smirk:
الي بعرفه هل اقدر اسجل واختبر كتجربة واخذ فكرة عن الاختبار ؟ … قصدي ادخل واسجل واختبر واذا خلص الاختبار ارجع للبيت ادخل موقع قياس واحذف التسجيل < سويتها مرة بقياس ونفع مانحسب لي الاختبار … < حركة زحف :smirk:

؟؟

عموما انتوا عطوني رايكم وماودي اتورط واسجل وبعدين يكرشوني الاختبار الثاني :neutral_face:

واذا الموقع مامنع طلاب ثاني ثانوي يسجلون معناها عادي لان مكتوب بملفي ثاني ثانوي :neutral_face:

شكراً جزيلاً على تحمل دلاختي :laughing:

2

شكرا على حسن الدلاخه

امزح

بس ماعندي خلفيه خل الباقي ينفعونك اممم قصدي يساعدونك

3

أنا سمعت والله أعلم أن في قرار جديد أصدروه يسمح لطالب ثاني ثنوي بأخذ الإختبار

بحيث يكون الإختبار عن إللي درسته في أول وثاني ثنوي

لكن مافي شي إسمه تجربه

التحصيلي تختبره مره وحده بحياتك فقط

هذا على حد علمي وكلام أخوي الصغير

4

شكرا على حسن الدلاخه

امزح

بس ماعندي خلفيه خل الباقي ينفعونك اممم قصدي يساعدونك

خذ راحتك يابعدهم :laughing: يعطيك العافية

أنا سمعت والله أعلم أن في قرار جديد أصدروه يسمح لطالب ثاني ثنوي بأخذ الإختبار

بحيث يكون الإختبار عن إللي درسته في أول وثاني ثنوي

لكن مافي شي إسمه تجربه

التحصيلي تختبره مره وحده بحياتك فقط

هذا على حد علمي وكلام أخوي الصغير

انت مافهمتني انا قصدي احتال عليهم واختبر بثاني كتجربة واحذف الاختبار كذا يكون الاختبار مايحسب لي وبالنفس الوقت اخذت فكرة عنه :thumbsup:

5

الصراحه أول مره أسمع أن الواحد يقدر يحذف الإختبار :neutral_face:

صحيح وزارة التعليم لك عليها :slight_smile:

بس مهب متخلفين لهذي الدرجه

أنتبه تسوي خطوه تندم عليها بعدين :wink:

6

تقدر تختبر ماعندك اي مشاكل بس ما راح تستفيد اي شي منه سوى التجربه و إستفاد خبرة لا اكثر .

تستطيع الإختبار أكثر من مرة في الإختبار التحصيلي من تجربة شخصية لاكن بعض الجامعات كالبترول تفرض صلاحيه معينه للاختبار وهي سنة واحدة فقط .

7

حتى لو كنت تقدر تختبر تحصيلي … بس ما راح يكون في صالحك … عارف ليش ؟؟
لأنه أكثر من 50% من أسئلة التحصيلي راح تكون من مناهج 3 ثانوي …
فبالله كيف تختبر في حاجة أنت ما درستها ؟؟
و بعدين المشكلة إن الإختبار راح تسويها لمرة واحدة فقط …
نصيحتي لك …
لا تستعجل على رزقك … باقي قدامك سنة و شوية على ما يجيك الدور …
فلا تتهور و تسوي خطوة تندم عليها

8

تقدر تختبر ماعندك اي مشاكل بس ما راح تستفيد اي شي منه سوى التجربه و إستفاد خبرة لا اكثر .

تستطيع الإختبار أكثر من مرة في الإختبار التحصيلي من تجربة شخصية لاكن بعض الجامعات كالبترول تفرض صلاحيه معينه للاختبار وهي سنة واحدة فقط .

شي جيد اذا انت مجربه اكيد لاتورطني … وعموما انا ماهمني الدرجة الي يهمني اني اخذ فكرة عن الاسئلة واعرف كيف طريقتهم في السؤال هل يجونك من على جنب زي القياس ولا دايركت :wink:

حتى لو كنت تقدر تختبر تحصيلي … بس ما راح يكون في صالحك … عارف ليش ؟؟
لأنه أكثر من 50% من أسئلة التحصيلي راح تكون من مناهج 3 ثانوي …
فبالله كيف تختبر في حاجة أنت ما درستها ؟؟
و بعدين المشكلة إن الإختبار راح تسويها لمرة واحدة فقط …
نصيحتي لك …
لا تستعجل على رزقك … باقي قدامك سنة و شوية على ما يجيك الدور …
فلا تتهور و تسوي خطوة تندم عليها

بالنسبة للمذاكرة زي ماقلت ماراح اذاكر بس راح اخذ فكرة عن الاختبار ولو ابي اذاكر موب لازم ادرس ثالث ثانوي فيه كتاب رام 2 للاختبار التحصيلي واذا زي ماقال the student اقدر اختبر فهذا شي جيد :sunglasses:

9

تقدر تدخل الاختبار زي ماتبي زي القدرات لكن زي ماقالوا لك الاخوان ماراح تستفيد شي لأنه 50% ثالث ثانوي

ومن ناحية الأسئله فهي سهله جداً ومافيها اي لف ولا دوران زي القدرات بس الهدف من التحصيلي اختبار لمعلوماتك.

واذا انت دافور ذاكر وادخل الاختبار بتستفيد…لأن كثير ماتنعاد الأسئله.

10

ممم ,مآ آشوفْ آنه آلقرآر آلصح آنك تدخلْ آلإختبآرْ آلحينْ وآنتْ بثآنيْ …
من وجهة نظريْ …
عشآنْ آلآسبآبْ آلتآليةْ, ومرتبهْآ علىآ آمهيتهآ …

آولاً , حتىآ لو تلآعبتْ فيْ آلموقع علىآ حد تعبيركْ وحذفت آلنتيجه قدآمكْ فـ ورقتك موجوده عندهمْ وفي سجلآتهمْ مآ آنحرقتْ ! , وزيْ مآ يقولونْ آبعد عن آلشر وغنيْ لهْ , مآ تسوىآ بآيْ طريقه ْ آو بآخرىآ تسجلْ لكْ درجتكْ آللي آكيد آنهآ رآح تكونْ سيئه جداً , وبعدينْ مآ ينفعك آلندم …

ثآنيْاً , زيْ مآ ذكرْ آخويْ آللي قبلْي آلإختبآرْ آكيدْ عليهْ 50% من ثآلثْ ثنويْ مقسمه علىآ آلفصلْ آلآولْ وَ آلثآنيْ , يعنيْ لو قلنآ آنكْ طآلبْ خرآفيْ بسمْ آلله عليكْ ,وجبتْ 100 فيْ آسئلة ثآنيْ فـ آعلىآ درجه رآح تكونْ لكْ 50 , يعنيْ مآ رآح تستفيد ْ آيْ شئْ , سوىآ درجه سيئه مسجله بإسمكْ ,

وثالثاً , حطْ آلحآله آلنفسيهْ آللي بتجيكْ إذآ دخلتْ آلإختبآرْ , آضمن لك درجتك رآح تكون تحتْ آلـ 50 فـ هلْ تقدرْ تعيشْ مع نفسكْ وآنتْ جآيبْ آلدرجه هذيْ ؟ , حتىآ لو كآن آلإختبآرْ مجردْ تجربهْ !! , ومن نآحيةْ نفسية بعد ممكنْ تنصدمْ من آلإختبآر ْ وتشوفْ آسئله لهآ علآقة بثآلثْ ثآنويْ , ورآح تكونْ صعبهْ بآلنسبهْ لكْ , وتآخذ فكرهْ عن آلإختبآرْ آنه صعبْ وخرآفيْ , وحتىآ لو مآ آخذتْ آلفكرهْ آنتْ عقلكْ آلبآطنْ رآح ْ يآخذهآ !!!

فـ نصيحتيْ لكْ من آخوكْ, لآتدخلهْ , وركزْ بثآنيْ , وثآلثْ يحلهآ ربكْ :- ) …

11

^

كلامك صحيح ومافيه شوائب ابدن لكن الحين طلع انه موب ممنوع على ثاني ثانوي تبعاً لما يقووله the student فماراح احذف الاختبار
وغير كذا زي ماقلت لكم فوق انا ماراح ادخل الاختبار لأجيب درجة راح ادخل عشان اخذ فكرة فقط اذا كان مو ممنوع ويحرمني من اختبار الي بعد ثالث فماراح ادخله < اتمنى وضحت الفكرة :slight_smile:

12

^^

عادي تدخل الاختبار وانت بثاني ما عندك اي اشكالية ,

13

^^

عادي تدخل الاختبار وانت بثاني ما عندك اي اشكالية ,

اذا كفو يعطيك العافية