كيف حالكم ياشباب انا طالب إدارة تشرفت بالتخرج من جامعة البترول والمعادن وبمعدل ممتاز و لله الحمد واتمني لكم جميع التوفيق وحبيت اكتب هذا الموضوع والله علي ما اقول شهيد وبعدين حاب انكم تستفيدون من تجربتي المريره مع الاستاذ سامر الحماد:
انصحكم انكم ما تاخذذون معاه ولا ماده و حتي تفكرون تاخذون معاااه لانه ظالم وغير عادل بالمره والله ياخذ لي حقه يوم لا ظل ال ظله والله انا متأكد اني بشوووف فيه يوووم.
تخيلوا بس اني كنت عنده من افضل الطلاب وكانت المياجر مرتغعه جدأ وكانت الهوم ورك اسلمها بوقتها وكانت a مضمونه ويااه ولما نزل الجريد لقيته c رحت له وقلت له قبل اخر يوم للدرجات وشيك بدفتره ومسطرته وقال لي انه عطي درجتي للي فوقي بالغلط وراح يغيرها من c الي b+ وطلعت ممبسوط من مكتبه لان هذا حقي لكن القصه بدت من هنا.
جلست وياااه 3 سمسترات وانا اطارد وياااه وانتظر بالساعات عند مكتبه علشان يغير درجتي اللي نسي حضرت جنابه ما غيرها وكان كل يوم يقول لي عطني وقت عطني وقت وبعدها قال لازم اجيب دفتري اللي فيه الدرجات لاني نقلت من مبني 24 الي مبني 22 ومشيت وياااه وكنت طويل البال لاني كنت محتاج لهذا التصحيح لانه راح يفرق وياااي بمرتبة الشرف لكن للاسف جاني بالاخير وقال لي انا ضيعت الدفتر حقي تخيلوا قال لي هذا الكلام … وبعد ما ضيع الدفتر ما يقدر يغير درجتي مع انه مواعدني وفوق كذا ما خاف من ربه لانه ظلمني والله ظلمني والله ما اسامحه ابد …
اتمني انكم توصلون له هذا المسج ومتأكد انه راح يعرفني لو قرا الرساله لكن ما راح يعرف اسمي ولا رقمي الجامعه وانا ما ابي منه ولا شيء ولو غيرها لي الحين ما ارح تفيدني بشيء لاني ولله الحمد خلصت الماجستير هذي السنه ولله الحمد والمنه ومش محتاج له لكن انا حاب انكم تستفيدون من قصتي ولا تاخذون وياااه اي ماده لانه ممكن يسوي فيكم زي ما سوي وياااي وممكن اكثر …
القصه هذي لها تقريبا اكثر من 5 سنوات لكن ما يمنع انكم تستفيدون منها .
الموضوع الذي ذكره الطالب غريب جدا ولا اذكره
الغريب لماذا لم يذكر الموضوع في السابق
لماذا انتظر خمس سنوات حتى يتكلم في الموضوع
والاغرب ان صاحب الموضوع مسجل في المنتدى من ٢٠٠٩ وهو حسب تسجيله طالب اوريا
والقصه وتغير المكتب وضياع الدرجات شكلها كلها مفبركه
وردي الوحيد: هو قول المتنبي: واذا اتتك مذمتي من ناقص فهي الشهادة اني كامل
كما ان المثل يقول ارضاء الناس غايه لا تدرك
الرجاء التكرم بنشر ردي مع الشكر
سامر الحماد
انا دفعة 97 يا طويل العمر واسمي خالد واخذت معاك mgt300 عام 2002 وكان مكتبك في مبني 24 قريب من مكتب كيال الله يذكره بالخير وسافرت ما ادري وين ورجعت وحطوا مكتبك في مبني 22 قريب من مدرسين الكومبيوتر ics .
كفاك كذب وتكبر الله لا يسامحك انا ما ابي منك شيء ولا ابي منك تعدل درجتي لاني باخذها منك يوم القيامه يا ظالم
لكن لا تكذب علي لو سمحت ومثلك حق المتنبي ما اقول الا هو ما ينطبق الا عليك
والمفروض تقول بني ادم خطاي ممكن ظلمته لكن ردك كان غير كذا
انا حطيت هذا الموضوع انصح فيه اخواني الطلاب مو شكوي
لماذا تطرح الموضوع الآن… ما هي الفائدة المرتجاة؟
لماذا لم تفد الطلاب الذين درسوا معاه خمس سنوات من قبل؟؟… اش معنى الآن.
لماذا مكثت تركض وراءه دون أن تخاطب رئيس القسم عميد الكلية وكيل الجامعة مدير الجامعة؟؟
أشك كثيرا في موضوعك هذا… لتعذرني طرحه الآن غير منطقي… أظنه تصفية حساب لا أقل ولا أكثر.
إنت غلطان والمفروض إنك تعمل اللازم في وقتها وما تنتظر 5 سنوات (رقم غريب جداً)
عندك عدة طرق عشان تاخد حقك, و أكبرها إنها توصل لمدير الجامعة
ثانياً, العفو والتسامح هو من باب أولى إنك تعملو, لأنو لا يجتمع الحب والإخلاص مع الكره و البغض والكراهيه فلو سقط جزء بقي الجزء الثاني و ما راح تقدر تتخلص منو مع الزمن.
ثالثاً, حاول تروح للدكتور و تتناقش معاه الأن و تحل المشكلة ( طبعاً ما راح تستفيد من شيء) لكن عشان إللي بقلبك لازم يكون على لسانك و لا تكتم شيء, حاول تشرحلو الوضع و تقلو اللي صار و تقللو إنك مسامحو لوجه الله
رابعاً, لا تغلط على أحد في ظهره و هو مو موجود و أتهمت الدكتور بالكذب مع إنو إنت ما عندك دليل تثبتلنا هي
وفي الختام ما أقول غير الله يوفقك في حياتك العملية والعلمية والدينيه و يا رب تكون قدوة حلوة لأطفالك و لعائلتك و أصدقائك
انا اعرف زميل لي في جامعة البحرين كان ضامن ال a في مادة من لغات البرمجة وتفاجأ بال f ولبكرة مو جايين يغيرونها له مع العلم رفع تظلم ولكن للأسف هو الآن انحرم من حفل التخرج لأن اللي يحصل على f في اي مادة ينحرم من التكريم في حفل التخرج وأنا ماأستبعد هذا الشيء بتاتا.
