إن من أقسى المشاعر التي يمكن أن يعيشها الإنسان هي شعوره بالقهر والظلم من آخر يملك السلطة عليه ولا يجد من ينصره وينصفه . . لن أطيل في كلامي عليكم . . القصة وما فيها هو أننا امتحنا الامتحان النهائي في مادة من المواد "4 level " يدرسها دكتور واحد في صباح يوم الخميس الساعة الثامنة تقريباً . . وينتهي الامتحان بعد ساعتين تقريباً . . المهم كنا حوالي 40 طالبا وكان الامتحان اختيارات من 50 سؤال . . وبدون ورقة OMR . . بقدرة قادر خرجت القريدات النهائية بعد صلاة الظهر مباشرةً . . أنا وكثير من زملائي الطلاب متأكدين من أنه هناك خطأ في التقدير وأننا نستحق أفضل . . هذه ليست المشكلة . . المشكلة أن يأتي هذا الدكتور الذي حاز على أعلى درجات العلم “والمفترض أن يحوزها بالاخلاق من قبل” ويستخدم مع الطلاب اسلوب صبياني وخبيث و يعتمد طريقة لوي الذراع من تحت الطاولة . . سوف أدعكم مع رسالته . . سوف تكشف لكم ما اتحدث عنه
This is a general message to all students, while implicitly addressing specific inquiries.
Please be advised that your grades (posted in the WebCT) indicates your grades as posted to the Registrar website.
I strongly believe that there is no further room for any upgrades.
If you want to appeal about your grades, that is fine. I will show you your papers as well as the decomposition of your grade. If there is no mistake from my side, I will then deduct all the bonus points from your grade and re-submit your grade as it was in its actual level. Please do not risk a downgrade.
Visit me, only if you are 100% sure that your grade should have been graded higher than what you have obtained now.
هل هذا عدل ؟؟ . . هل هو إنسان معصوم من الخطأ ؟؟ . . علماً أنه قد نسي مسبقاً أن يصحح لي اسايمنت عليها 8% !! . . ولكني الآن محتار وخائف . . مثل ما نقول بالعامي مسكنا مع اليد اللي تعورنا . . البونس عليها حوالي 8% . . يعني فيها قريد او قريدين . . لكن . . من ابسط حقوقي أني أتأكد من نتيجة جهد وتعب وشقاء 4 شهور!! . . اعذروني على سوء التعبير وسوء التنظيم . . أرجو المشورة والتفاعل . . تحياتي لكم
الله يوفقك يابو يعقوب ويعطيك العافية على هالتجاوب السريع . . بس الامتحان الخميس الصباح . . وامس طول الوقت وانا اروح لمكتبه احاول القاه عجزت . . والمشكلة هو معطينا وقت صباح السبت . . أنا مدري وش اسوي الحين . . هل أروح له للمكتب على طول ولا اراسل الدكتور الصويان ولا وش اسوي . . أخاف اتمشكل أنا وياه ويرسل القريدز وبعدها ندخل بمتاهة مالها اول ولا تالي . . شورو علي يا اخوان
رح للدكتور عبدالعزيز الصويان و فهمـه مشكلتك … و الأفضل إنكم تتحـدون كـ مجموعة من السكـشن … و تروحون مجموعـة افضل … تحسباً لأي ردة فعـل غير محسوبة من هالدكتـور المتحجـر مع إحترامي …
مهما سوى الدكتور يبقى دكتور له مكانته و لو له السلطة بيدهـ يسوي هالشيء ما بيسويه من عبث , و صح إنّه حركاته ما يسويها دكتور أخلاقه عالية و لكن يمكن ما سوى هالحركة إلا من قهر
يعني يمكن مسهّل لكم الإختبار << بالنسبة له هو
و ما جبتو! درجات عالية زي اللي ع باله
أنآ أشوف إنّكم تتناقشون مع الدكتور من راسكم لراسه و ما تدخلون الإدارة لأنه كذا بيحس الدكتور إنّه شويتين ماله مكانه
و بكذا حيسوي لكم اللي تبغونه
تحياتي و الله يكون في عونكم
ثامر بن دعجم
خليني اقول لك حاجة ياصاحبي
ماعمري رديت عليك او اتكلمت عليك في المنتدى الا في موضوعك اللي حطيته عن الاستفسارات
المهم خلنا نجي للجد و “بدون زعل”
ترى اللي انت قاعد تسويه في المنتدى وعلى بلاطة “موب حلو”
شوف كم موضوع يتعلق بالجامعة والحياة الجامعية جيت -واسمح لي على هالكلمة- اتفلسفت فيه ويعني خصوصا لما يتعلق الامر “بالامور الاكاديمية” يعني اسمح لي هذي حدك …!
يعني ممكن الحياة الجامعية تتفلسف وتتكلم نقول يلا ممكن الولد هذا انسان لف العالم كله وعنده خبرب 530 سنة في الحياة ومشاكلها اما انك تتكلم عن الامور الاكاديمية هذي صعبة شوي
وما اظن دراستك في ثانوية بنظام الساعات تعطيك الخبرة الكافية انك تتكلم عن الامور الاكاديمية الخاصة بجامعة الفهد
الرجال في موضوعه يقول مادة level4 تدري يعني ايش؟
يعني الرجال على وجه تخرج خلاص يعني بالله لو انت مكانه كيف راح يكون شعورك؟
لما يجي واحد اصغر منك بما لايقل عن 5 سنوات وماعنده ادنى خبرة باللي انت تتكلم فيه ويجي يتفلسف عليك؟ يقهر صح؟
وعلى فكرة ترى فيه كم قطة عليك من الاعضاء من ردودهم تقدر تستشف يعني “وش يبي ذا”
بس اكيد انت ماخذك الحماس مشالله
يعني اخذها مني من هنا الين الكم شهر الجاية الين تجي الجامعة حدك قسم “الطريق”
لا اشوف لك مشاركة في غيره
امزح معاك ياخوي بس خفف شوي من “تفلسفك” الزايد
الله يوفقك انشالله قل امين
وزي ماقلنا “بدون زعل”
أخوي باختصار هذا الشيء موب من حقه… ويعتبر ( فلة حيا ) … روح ومعك مجموعة كفو من الشباب ، ووصلوا كلامه واللي كتبه في رسالته الى مسئول أكبر منه… روح راجع درجتك وبدري عليه يسوي ( ديديوكيشن )… لكن أشوف الدكتور موب سهل ومسوي ذكي : قال راح أحذف الدرجات اللي أنا أضفتها لكم وما راح آخذ من حق أحد ، يعني فوق الأسلوب القديم اللي يستخدمه : يتمنن على الطلاب بالبونسات اللي مسويها…
بعد ما تطلع القريدات: أنصحك تنشر اسمه عبره له ولأشكاله… ولا أحد يجي يقول لي: الشغله موب شخصية ومن هالكلام لأن الأسلوب الدبلوماسي الزائف ما راح يفيدنا في شيء لأننا طلاب وما راح يفيدنا إلا وضع الدكتور في الأمر الواقع بنشر اسمه…
نصيحة: لا تتهور وتروح عند الدكتور قبل ما تنزل القريدات وتقول له إنه موب حقك اللي تسويه ، لأنه في دكاترة الباطل عندها حق والحق باطل ، وعندهم الإفـفـز بالمجان… في مقولة جميلة: (( اذا كان لك عند الكلب حاجه قل له يا سيدى))…
. . شورو علي يا اخوان 
و بكذا حيسوي لكم اللي تبغونه
