السلام عليكم
كيف حال الشباب
؟
بغينا نشوف آراء الجماعة بالنسبة لميجر الفزكس البارح
من جهتي ما اشوفه صعب
الا صعب صعب صعب صعب صعبببببببببب مدري منين جايبين الاسألة صراحة 
ما يخافون الله فينا ؟ 
(مقهوووور :()
والله يستر من القريد لكن من جد الميجر فيه اسأله مالها داعي في الحياة
هذا غير الاسألة اللي تتعب وانت تحلها في الاخير تطلع غلط 
نشوف الشباب وش يقولون 
والله وانا اخوك الحال من بعضه …
بس مانقول الا الله يستر …
وربي اني حسييييت اني مالي شي في الدراسه مرررره لاول مره احس الاحساس هذا لكن خير ان شاء الله واللهم اجرني في مصيبتي واخلف لي خيرا منها
لا أنا حليت وكنت ضامن درجة حلوة وطلعت فرحان والبهجة والسرور باينة للعيان ,
المهم جيت شفت السوليوشن , وبعدين تحطمت من بعض الأسئلة الي كنت ضامنها مئة بالمئة !!
ومشكلتهم يعطونك الحل الي عارفين انك بتغلط فيه مع الخيارات الموجودة , وانت ما شاء الله عليك تروح تختاره وأنت مغمض بدون تفكير وفي الأخير تجيب العيد !!
لكن الحمد لله على ما قضى وأراد ,
واللي فات مات يا شباب , وفكروا في الي جاي , فما خفي كان أعظم ,
.
^
نفس حالي بالضبط والله
بدون مبالغة كنت متوقع درجة فوق ال 15 لكن…الحمدلله على كل الحال
والدرجات طلعت يا شباب وبالتوفيق لكم جميعا وحسبي الله على اللي حط الاسألة بس
http://www.kfupm.edu.sa/phys102/Phys102%20Summer%20083/Phys102-083-M1%20results.pdf
الافرج 53 من 100
يا شباب الافرج هذا يعتبر عالي ولا منخفض ؟
يعني الميجر الجاي بيكون سهل ولا نفس الحال ؟!!!
الميجر الثاني دائما صعب في كل الأترام ,
والمنهج برضه صعب وبيقدرون يتلاعبون فيه زي ما يبغون ,
الله يستر منهم ,
.
^
اجل على هالحال بنطلع من الكورس ب D
الى الامام يا جامعتي اللي ما تحب تعقد الطلاب ابد :d
أقول حل لك أولد اكزام وافهم طريقته وبكذا ان شاء الله بتجيب قريد حلو
لكن يبغالك تشتغل عليها أول بأول
ترى أغلب اسئلتهم بتكون من الأولد اكزام
وكل واحد يسوي الي عليه والباقي على ربه
.
^
يعطيك العافية يا بعدي لكن مدري وش اقول لك…
قبل ما ادخل الامتحان الماضي حليت 3 اولد اكزام كاملة مكملة وفهمت فكرة كل سؤال
وفي الاخير درجة على الافرج…
ما اقول الا الله يمتحنهم بس !ا
دكاترة يتنافسون في وضع اصعب الاسألة واعقدها ومهما كنت فاهم بيجيك trick ماله دخل في ام المادة!
يا الله متى نخلص من هالمادة الغبي ونفتك منها هي والكمستري !!!!!
فيزكس 102
بدايتها سهله … عن الموجات والحراره
بس بعدين تبدا تصعب الالكترونات ومدري ويش … شي يروع
الله يوفقكم جمعياً
^
بالنسبة لي الالكترونات اهون بمليون مرة من الحرارة وطختها!
يالله الله يعين بروح اصيح شويتين بعدين بحل الهوموورك هع على الاقل نضمن 0.01 من مية :d
حرررررررررررام حرررررررام والله قهــر
دخلت الأختبار وانا مـذاكر صح وحاط في بالي ما راح اجيب اقل من 16 …!!
يجينــي اختبــار مثل هذا …,؟؟ الله لا يوفق اللي حط الأسئله …
بصــراحه بديـت أشك ان فيه غلط بدرجتي ؟؟
^
لا يا بعدي ما فيه شي غلط في درجتك بس في شي غلط في مخ اللي حط الاختبار!!!
هذا قسم الفزكس
يعني وببساطه " get used to it "
عرفو يستغلون وضع الكورس استاندر
هونو عليكم يا شباب ترى الاختبار مو بداك الصعوبة والدليل
انو بس واحد جاب full mark و بس واحد جاب 19 .
والبااااااااااااااااااااااقي تحت
هذا غير الـ Avg. الفلة (10.7 / 20 ) يلعن أم المصخرة …
الحـمدلله بس,
لكن قبل كم سنة ما كان بذا التعقيد ,
والدليل روح شوف اسئلتهم في الفاينال الحين وزمان وخاصة 101 , فيه اختلاف !!
.
وأزيدك من الشعر بيت , ترى ميجر 1 هو ابسط اختبار , كيف بنقول عن ميجر 2 والفاينال ؟؟؟
والدكتور عندنا في الريسيتيشن قالنا اضمنوا في الميجر الأول لأن اذا ما حد جاب درجة حلوة صعب عليه يعوض بعدين !!!
لكن خلوا همتكم عالية وتحدوهم وما فيه شي مستحيل يا أخوان , ولا يردكم الا ال a+ 
بالتوفيق لنا جميعاً
.
^
الله يعين
الله يوفقكم شباب
وإن شاء الله تعوضون اللي راح في الإختبارات الجايه
والحين اسمحوا لي أدخل عرض بهالسؤال
هل أغلب اسئلة إختبارات الفيزياء 101 و102 تكون على المفاهيم أو مسائل
لأنكم بصراحة خوفتوني من الفيزياء وانا الترم الجاي باخذ 101
وإذا مالكم خلق تردون على السؤال ما الومكم
أتمنى ما أزعجتكم
لا لا ما فيه مشكلة خذ راحتك
معظم الأسئلة بتكون مسائل , في المياجر العايدية أمكن تحصل ثلاثة مسائل مفاهيم بالكثير وتختلف من ترم الى ترم لكن أغلب الأحيان مثل كذا
وانت خش موقع الديبارتمنت وشوف الأولد اكزام وكيف الطريقة
.