اول شي ترا ما طاح الا انبطح مثل نجدي بما معناه انك الشي تغير وتتوقع شي جديد ويرجع نفس ما كان ويمكن اسواء لحد يفهم غلط ! -----
بسم الله الرحمن الرحيم ابوحمرا ابوحمرا ذا شخص منحوس مقرود دايم حظه معوكس ان جا معه شي صح خرب عليه 100 شي بعد ما خلص المياجر حقته وبدا يستانس وبدو يجونه اخوياه من شتى بقاع الارض للأستجمام في المنطقه الشرقيه وكان يتمتع بالحريه عندما يقوم بالاقامة مع اخيه اللي جا من الرياض واخذ له شقه تمتلك مقومات الحياة المفقودة في السكن ( مكيف زي الناس , تلفزيون وقنوات تفتح النفس , انترنت سريع , دورة مياة نظيفه ) طراه دورة المياه الظاهر الاخوان في ادارة الصيانه مانزلو ترم صيفي < خاش جو بأن الجامعه كلها عبارة عن اترام لأن عندنا في عمارتنا دورات المياه وانتم بكرامه ما تحب الطالب ! من تحاول لمس اي نوع من انوع البزابيز ( بزبوز ولا شطاف ولا دش ولا سيييفون ) تبدا المويه تلاحقك ! حتى مره لقيت واحد طالع من دوراة المياه يركض المسيكين ساحب السيفون وفجأة الحمام وانتم بكرامه كله مويه المهم مالكم بالطويله ابوحمرا ذا فوجئ بأن احد الدكاتره قال له ترا فيه بكره كويز قال هذي يبي لها مذاكره في الغرفه ويتجه الى عمارته وهو راقي مع الدرج المسيكين مستانس ومبسوط ويردد له بيتين ازعج خلق الله فيها ( الف غصن من اليباس … فز لجلك وانثنى … اكسري الاوهام كاس … وان عشقتيني انا … ما ابي من الناس ناااس وما علينا لو طربنا وانتشينا … آآآآه ما ارق الرياض تالي الييييل) ولم يكن يدور في خلده ان الالف غصن ذي لو هي بيده محط فيها اقرب واحد وانه جد بتنكسر اوهام المذاكره كاس وان العشق سيتحول الى كره لإدارة الاسكان ! وان الطرب سيتحول الى شتم ! والنشوه الى غضب وان الويك اند اللي كان مخطط انه يقضيه في الرياض ويتمتع برقتها تالي الليل الى جحيم !
واثر غرفته ملصق عليها ورقه المكرم فلان بن فلان حتى ما كتبو اسمي الكامل حسيت انها بطاقة زواج ؟!؟!؟ تم نقلك للغرفه الفلانيه لأنك فرادى وانتهت المهله المحدده لك انا فرادا ؟ مهله ؟ ويدخل غرفته اللي ما خلو فيها الا بقايا قوارير المويه وبعض من القراطيس وقلييل من اكياس مغسلة اخر ساعه وللأمانه خلو قرطاسه حقت رز بخاري ذيك البنيه اللي على اطرافها زيت
بعد ان كانت مليئة بالسيديات واجهزة الحاسب والمعالجات اللي نطل في الغرفه ولا تهون الهارددسكات اللي من هنا ومن هنا
ويشيك ايميل الجامعه معتقدا بانهم خلو المده ساعه بحكم انه قبل ساعه شيك ايميله ولا لقى شي ولم يجد اي ايميل
وقال ابوحمرا غفر الله له ولوالديه هذي ما يبي لها الا منتدى الجامعه السؤال اللي يطرح نفسه الحين هل السالفه ذي صارت لي لحالي ؟ وهل انا شغاله تحت كفالت الجامعه يشلون عفشي بدون سابق انذار ويحطوني في غرفه ما اعرف اللي فيها ؟ على فكره الشغاله تعامل افضل منا من ناحية حقوق السكن غرفتها معروف ولا احد يدخلها ولا احد يلمس عفشها هل ادارة الاسكان بعد ترم من المعامله الممتازه والإدارة الجيدة مقارنة مع الاداره السابقه الغت نظام ان الطالب اقلها يعطى خبر قبل ان تداهم غرفته وتغتصب حرمتها ويضف عفشه كما تضف المطلقه عفشها ويرمى بها في غرفه ما يندرا من ساكن فيها ولا من راح يكون روميتك ؟ هل اذا كان رومميتك ما نزل صيف يعني انت فرادى ؟!؟ ابي رايكم يا اخوان بهـ اللي صار ونصايحكم لي لأني بكره الله لا يعوق بشر في ادارة الاسكان من عقب صلاة الفجر هذا اذا ما نمت عند بابهم الليله علشان اشوف حل للمصيبه اللي انا فيها
وجزاكم الله خير وسدد خطاكم السائل ع.ط. من الرياض < حس انه قاعد يسمع برنامج فتاوي على الرادو (am 585 يوم الجمعه عقب الصلاة )
يا بعد قليبي والله يا فصيل . . والله أذكرك من طلعة الدنيا وأنت متبهذل من هالمتخلفين . . والله ما تسوى عليك يا شيخ قله تربيتهم وقلة حياهم . . والمثل يقول لك يالذيب ما ضاع حق وراه مطالب . . ترى بكرا ما عندي دوام . . جاهز للدعم اللوجستي والحسي والخطابي والعسكري وجميع أنواع الدعم
ياخي ما نبي تصرف حضاري
ونبي نسكت والله ما نقول لأحد
بس نبي شوي كرامه
نبي شووووي حقوق
نبي نحس اننا اوادم
نبي نحس بـ استقرار
هذا اللي نبيه بس !
حضاري
ما ينسكت
طحلفوش
مدري وشو
بكيفها
اهم شي كرامتنا
والله اعظم اهانه يتعرض لها الانسان انها تنتهك حرمة منزله بدون سابق انذار
اقلها يا علي لو ان لك صور خاصه بأهلك في الغرفه معلقها
مذكراتك ويومياتك ما تبي احد يطلع عليها
غير الاشياء الثمينه الموجوده
انا غرفتي فيها معالج كمبيوتر قيمته فوق الـ 1000 ريال
والله اذا جيت اشيله اقعد اتنافظ وانا تخصصي هندست حاسب
ما بالك بعامل سراكو يجي يشيله كأنه شايل منديل من الارض !!!!
ولا ادري وينه الحين
واكبر حق للإنسان انه يكون له مسكن مستقر
وانا حاس كأني قطو !
شايليني من غرفه وناطليني في غرفه ثانيه
بس هذا اللي نبغاه !
شف طال عمرك … لا يردك إلا باب المدير حق الإسكان … وانصحك تطالب بتعويض مبلغ وقدره
هي ماهي فوضى !!
إدارة الإسكان تستهبل صدق !!
طق لك خيمة عمودين قدام مكتبه … ولا يهمك …
يبن الحلال لو احط لي خيمه اخاف يجون ويشيلونها
يقولون فرادى
منور الموضوع يا بعدي
----
الله يعينك عليهم …
أخوي انت اش وضع روميتك الأصلي سحب من الجامعة ولا ما نزل صيف؟
يا ابوحبيبي روميتي ما ادري عنه
حتى انشالله لو انه ساحب ع الجامعه
وش دخلني فيه
هو روميتي
وانا ابوحمرا
وش يدريني عنه اقلها يرسلون ايميل بس
------
يا بعد قليبي والله يا فصيل . . والله أذكرك من طلعة الدنيا وأنت متبهذل من هالمتخلفين . . والله ما تسوى عليك يا شيخ قله تربيتهم وقلة حياهم . . والمثل يقول لك يالذيب ما ضاع حق وراه مطالب . . ترى بكرا ما عندي دوام . . جاهز للدعم اللوجستي والحسي والخطابي والعسكري وجميع أنواع الدعم
ياحبي لك يابوعزه
الحق ما ضاع وراه مطالب
بس كرامتك ان ضاعت
تطالب فيها ؟
ولا وش تسوي
والله حصلت لروميتي الجديد، هالكلام السمستر الماضي مو الصيف
خشوا غرفته و شلوا العفش حقه و جابوه غرفتي يوم الاجازة الاسبوعين، انا يوم دخلت تفآجأت حصلت اغراضه محطوطه فوق سريري و المشكلة ان السرير الثاني فاضي، ولا رموا البطانية و المخدة بعد
مصخرة صراحة.
الله يعينك
ولا تستغرب شي انت في جامعة الملك فهد الي تعين محضر مختبر مدير للأسكان !!!
عالعموم طلع حرتك فيه وما جاك بوجهك >>> طلع منها
ومش غريبة عليهم لاني مستلم خطاب اني فرادى السمستر الماضي في الاسبوع الاخير ومهله ان ما خانتني الذاكرة تنتهي اول ايام الفاينل !!!
وبعد ما طلعت كل الي براسي على المتخلف مديرهم قال لي حنا نبغى نجهز السكن لطلاب 29
يعني مشكلة الاسكان سببها اني فرادى بس الحمدلله انك جزء من المشكلة علشان ما احس بالذنب
نفسك بالضبط !
نسق مع هالرجال وروحوا لهم اليوم مبكر وكل واحد يستعرض للثاني قدراته في تطليع الحرّة …
كلكم معاكم حق وانشبوا لهم يعطونكم مهلة لين نهاية الصيف أو يخلونكم تجيبون أحد من برى يسكن معاكم أو في أسوأ الأحوال لا يطلعونك من غرفتك ! لو بغوا يجيبون لك واحد مهب مشكلة تزبد له من اول يوم وتقول له بيرجع روميتي من بداية الترم الجاي لذلك صرف عمرك من الحين على اساس روميتك بيرجع في ترم 091 أو تجيب أحد تعرفه في أسوأ الأحوال
