السلام عليكم
الحمدلله أنا انقبلت بجامعة البترول و خلصت اموري كلها و إن شاء الله مستعد للدراسة 
بس أنا ساكن بالدمام و ابغى اسكن قريب من الجامعة عشان الجو الجامعي و المواصلات
أتمنى من اللي يعرف شقق مفروشة للإيجار يعطينا خبر
طبعاً ما بكون بروحي معايي شباب يعني تقريباً حنا 4
أنا طلعت ادور بالخبر ما لقيت كل الشقق اللي لقيتها عوائل
يعطيكم العافية
السلام عليكم اخوي …
انا العام مثل حالتك … وتعبت وانا ادور …
شقق العزاب ما تكون نظيفه …
فيه شقق انا شفتها بالثقبه …
مكانها قبل ملك المندي ع اليمين …
بعد شارع الجزائر مباشره …
شيك عليها …
شوف الرقم هذا … عنده شقق في الدوحه بس انه غاالي
الغرفه الوحده مع دوره مياه مشتركه بألف ريال شهريا !!
0505824202
والله انا مثل حآآلتك بس الجامعه تبعد من ديرتي 51 كيلو مدري يعطوني ولا لا واللي يعرف لا يبخل عليينا
ملك المندي
ياني متحمس اروح لهذا المكان مرره اخرى
آسف على الدخله الغلط
أخوي Motaz
و الله نفس الحالة اخوي
دورت لين ما عجزت عورني راسي و انا ادور
و إن شاء الله راح أروح المنطقة اللي قلت عنها ادور
أخوي د.علوش بن دباس
مشكور اخوي على الرقم و إذا ما حصلت شي راح اتصل و استفسر لأنه غالي 
بس سؤال اخوي الغرفة شقدها كبيرة لو صغيرة ؟ يعني كم واحد تكفي
أخوي الهمداني
و الله ما ظني يعطونا سكن لازم المسافة 75 كيلو حسب ما سمعت
إن شاء الله نحصل لنا شقق و نسكن
أخوي Random
نشوف اخوي إذا سكنا رحنا هناك يوم 
يعطيكم العافية يا شباب و اللي عنده معلومات بعد لا يبخل علينا
عساكم ع القوة
أنا أعرف شباب يدرسوا في الجامعة تبعد ديرتهم عن الجامعة حوالي 79 كم و ما عطاهم سكن و أحضروا إثباتاتهم و أشياء أخرى و برضوا ما عطاهم سكن . ولكن أخي الكريم هناك شقق بالقرب من مجمع الراشد من جهة (كارفور ) هي للعوائل بس لو تفاهمت مع صاحب العمارة ان شاء الله راح يوافق ، لأن أعرف شباب كذا وراحوا كلموا صاحب العمارة ووافق بعد أخذ التعهدات و حضور أولياء أمورهم .
^^^^^^^
طيب كم حدودهآآ ذي
صار لي فترة ادور سكن قريب للجامعة مو محصل 
مآحد عنده معلومات موثوقه عن سكن مناسب قبل نهاية رمضان
يعني كل يوم اندق هالمشااوير والله ما يسوى علينا كذا ما فيه عدل بييين الطلاب
و الله هذا حالنا اخوي " الهمداني " ندور في هالشقق لعل احد يأجرنا
كل يبغوا عوائل و احنا ما نبغى مشاوير كل يوم
خلؤؤؤنآ ندؤؤر حول الجامعه واللي يلقى يعلمنآ
إخواني أنا لي سنتين وأنا أسكن خارج الجامعة
بديت بالثقبة والله لا يوريكم العذاب والحالة
وبعدين رحت شقق حلوة ويسكننون العزاب
إلي سكنا فيه إسمه بلو فالي {blue vally} سابقا كان إسمه وروود الرمال
وهذا تلقاه في المنطقة إلي من جهة سنتر بوينت {سيتي بلازا سابقا} بتلقى بعده محطة بنزين هوه يصيير وراها بالضبط
من ناحية الشقق تراها حلوة ولو أنها فيها ضيق --- غرفتين بثلاثة أسرة ومطبخ مفتوح على الصالة وحمام واحد صغير
السعر قبل سنتين كان 1800 وبعدين 2000 والعام الماضي كلام الشباب 3200
طبعا بجنبه واحد أظن إسمه {السوسن} أفخم منه وأكيد أغلى --- غرفة بحمامها ب 2000
العام الماضي بعد ما رفعو سعرهم رحنا إلى المنطقة عند الإشارة الثانية في الخبر --- ورا ساكو أو ورا فندق ميلان الكبير
في هناك فنادق واجد وحلوة بس عاد تلحق قبل لا ينحجزو ولا لا {الحجوزات معظمها لطلاب جامعتنا}
العام الماضي كان السعر 2500 وألحين ما أدري لأنه العيال للحين ماقررو نسكن أو لا
شقة حلوة --- غرفتين {واحدة بسرير عائلي -- الظاهر كانو يبون عوايل ومعظم الفنادق مثلهم} وصالة ومطبخ و حمام حجمه حلو
وفي نفس المنطقة بتلقى فنادق العوايل --- لو شافك واحد ولا إثنين بيحاول يتحايل معكم ويسكنكم عنده بسعر مرتفع
طبعا جميع الفنادق توفر إنترنت DSL لاسلكي بسرعات حلوة {ونادرا تلقاهم حاطين لك منفذ للسلك شبكة}
راح أحاول أدعم لكم بصور --- بس يبغالي أبحث عن الصور في الأرشيف تبعي
طبعا بحثنا لين طلعة روحنا في منطقتي الدوحة والدانة {لأنهم أفخم وأقرب} ومالقينا شي يسوى للعزاب
هذي بإختصار تجربتي مع الفنادق وآسف إن طولت عليكم
تحياتي
أخوكم
Hussain
هذي كلهآ شقق حنا نبي غرف بس يمكن نسكن شقه اذا كنآ مجموعه
اما اذا كنا اثنين ( لنه معي خويي ) بتطلع الشقه آغلى من بيع آلسوق
لكن الله يفرجهآ
والله صراحة الشقق اللي على 3000 غالية …!!
لسى ندور عن شقق ماخلينا احد نعرف بالبترول ما سألناه
إن شاء الله خير
يعطيكم العافية …