السالم عليكم ورحمة الله وبركاته …
حبيت اسأل عن مدى اهمية ونتيجة اتباع الخطة من قبل الجامعة من ناحية المواد التي وضعت لكل ترم وهل الافضل اتباعها ام تنزيل المواد بناءً على الرغبة الشخصية
لانني اتوقع ان الخطة افضل من ناحية الترتيب للطالب
ارجو ابداء الرأي والمشورة لاخوكم
مسيك بالخير
انا من رأيي اتباع الخطه المرسومه من قبل الجامعه والخطه المرسومه من قبلك
اقصد بذلك تستفيد من الخطتين في الوقت نفسه
طيب مثل: انا ماودي اضغط نفسي في الدراسه على كذا صعبه اتبع الخطه المرسومه من الجامعه
الحل: ضبطت لي عدد ساعات في كل سمستر ماتتعدى 15 ساعه
واعوض النقص في الساعات بتنزيل الصيفي
ارجو ان الفكره وصلت
وفالك التوفيق
بس انا ما ابي ابني شئ على الصيفي يعني ابيها بضروفها
(ما ابي اعتمد على الصيفي الواحد ما يدري وش يصير عليه))
ارجو منك قراءة موضوعي تغيير التخصص للاهمية
وجزيت خيراً
على كذا انا من ناحيتي تعديل خطه خاصه افضل واسنع
لانك راح تتحكم في جدولك إلى يوم تخرجك إن شاء الله
وأنصحك انك تبني لك خطه واضحه للسنين اللي بتقضيها في الدراسه بالجامعه
أفضل حاجه انك تاخذ لك الخطه الشجريه لتخصصك وتمخمخ عليها صح وتقرر 
شوف عندي لك طريقه
سوي لك ملف في برنامج اكسل وحط خطتك الى التخرج >>> وهذا الشي لازم انك مسويه
وتحدد المواد اللي بتاخذها, وافضل انا على الجدول الجامعي
الا انك تاخر ماده بدل ماده ولا تريح ترم وترم تزيد شوي
طبعا اذا تبقى اسوي لك عطني تخصصك وانا باضبطه لك
تقبل ودي
يعطيك العافيه ابو رغدا
حمستني لموضوع الاكسل;)
إذا ممكن لاهنت تسوي لي ملف اكون لك من الشاكرين 
تخصصي هندسه ميكانيكيه (تطبيقيه)AME
ابشر بالليل وهو عندك
اخ ابو رغدا، انا عن نفسي افضل اني اسويلي خطه خاصه فيا و امشي عليها احسن من خطة الجامعه.
لاني مشيت اول ترم على خطة الجامعه و قلت خلينا ملتزمين و ندمت لاني نزلت ماده مالها داعي و لا تفتح شي و لا حاجه و حتى قريد ما جبت فيها
--- نصيحتي لك انك تقعد مع ٢ من الشباب السينورز من نفس تخصصك و و تسوو الخطه مع بعض و بالمره اسألهم عن احسن من يدرس الكورس و اكتب اسماء المدرسين و من افضل واحد فيهم و من السيء اللي تبعد عنه
و نصيحه اخرى
---- لا تسوي خطتك مع واحد دافور، لانو معيار الكرف يختلف عند هذا الشخص فحاول تختار اشخاص متوسطين و في نفس الوقت فاهمين في التخصص
تحياتي
نصيحتي لك انك اول سمستر لا تنزل كثير … يعني لو نزلت 15 بيكون كويس … علشان ال15 لا كرف مره ولا سهله مره بنفس الوقت تصير تعرف انت من النوع اللي ممكن يتحمل اكثر من كذا ولا لا …
مثال لجدول 15 ساعه :
Math 101
phys 101
ias 111
ias 101
ics 101 or engl 101
هذا جدول 15 ساعه ومو صعب … بنفس الوقت انه فيه اهم مادتين لازم ما تأخرهم الفزكس والماث … وعلى فكرة انا اخذت نفس الجدول اللي فوق في اول ترم لي ( اخذت الانجلش اول ترم ) والحمد لله ما ندمت عليه ومشت اموري تمام وعرفت قدراتي وجربت نفسي في شي ما ينكب … لان العربي والاسلامي سهالات وما عندك الا مادتين تحتاج شغل طول الترم (الماث والفزكس )
فوق هذا كله بيكون دوامك خفيف لانه ما عندك الا لاب واحد ( دوامي كان من 8 ل12 هذيك الايام … :d) الا لو اخذت اي سي اس بيكون عندك لابين …
اذا كانت انقليزيتك ممتازه انصحك تاخذ الانقلش اذا نص نص خذ الاي سي اس وشد حيلك فيها وخل معدلك عالي من البدايه ترى والله ترتاح بعدين
أنا معااااك