بسم الله الرحمن الرحيم
تحية طيبة أخواني الكرام
أنا يا جماعة حبيت استفسر عن البريك " للغداء - الصلاة " 
فكم بريك الغداء " يمدينا نهرول للراشد " 
؟
وكم بريك الصلاة ؟
وشكراً ،،،
البريك هذا ما تدري فيه وين راسك من رجلك 
قال راشد قال
^^
ههههههههه
يمديك بس لازم تستعجل
بس مالها داعي
ها البريك بلششة يحير , ما تدري وش تسوي فيه
أول شي قصير 50 دقيقه
ثاني شي وقت صلاة تروح منه ربع ساعة المطاعم مقفلة
ثالث شي اذا طلعت ورجعت بتلقى زحممة عند البوابة الرئيسية يبيلك 10 دقايق
يعني صعب تتغدى فيه ألا بمطعم الجامعة ( الله يكرم النعمة ) , و اذا طعت بتأكل على السريع ما تتهنى بالأكل
أنا واحد بها البريك كنت أرجع الغرفة وأجلس على المسن وألا أنسدح على السرير أريح شوي
بداية السنة الماضية كان ساعة و 10 دقايق
وبعدين صار 50 دقيقة
بس رجعوه فـ الأخير وصار ساعة و 10 دقايق
يمديك تاكل برا بس لازم تستعجل وما بتتهنى فـ الأكل
معك ساعة تقريبا ً …
لصلاة الظهر والغداء …
يقللونه شوي أو يرفعونه شوي … بس تقريبا ً ساعة
ويمديك اذا برمجت نفسك تتغدا بالراشد ولا مجمع الظهران ولا أي مطعم تبيه زي ما يسوون الطلاب …
بداية الدراسة بتحس الموضوع صعب … بس مع الوقت بتقدر تتحكم في وقت البريك وتبرمج نفسك صح 
باقي البريكات 10 دقايق …
الا البريك اللي يوافق صلاة العصر يكون ثلث ساعة …
موفقين …
،،،،،،،
صح كلامه
بعدين لا تفكر في الراشد كثير ههههههههههههههه
بما انك اوريا … يمكن تكون مداوم هناك كل يوم في الليل
بس لا تفكر وسط الدوام
شي ثاني انا والله بريك الظهر ذا ارجع اريح في الغرفه او اروح مطعم الجامعه
هالبريك صراحة يرفع الضغط لأنك من جد ما تدري وش تسوي…!!
بس عن نفسي ما كنت اتغدى اذا عندي بريك ساعة…!!
بس اذا جدولك حلو فبتجيك ايام يكون بريك الغدا حقك 3 ساعات او ساعتين…!!
هنا يمديك تتغدى بأي مكان تبيييه…!!
اما بريك الساعة يمديك ياخوي تطلع برا بس ما بتتهنى لأنك تبي تخلص سريع سريع…!!
بالتوفيق…!!
ترى مهب يلعبون فيه حسب المزاج
التوقيت " موسمي " يعني بشكل ثابت كل سنة يتغير من فترة لفترة حسب تغير الاوقات …
أدري ما فهمت شي من كلامي , بس باقي عشر دقايق على الاذان وانا مضيع ما عرفت اشرحها كيف 
اما بالنسبة لـ (( الرااشد ))
هذي بدايتها اللي يعين من تاليهااا
بس تدرووون عاااد فلوووها …
يمديك تروح الراشد بس على حسب جدولك
عاد انت وحظك
أقصد اذا كان دوامك ايرلي يعني الانقلش يخلص 10 وبعدها مثلا pe تخلص 11 وماعندك شي بعدها الى الساعه 1 يمديك
ولكن هم يحطون الجدول عكس رغبتك
والله كأنهم يدرون وش في خاطرك
لا تستعجل على رزقك