شوف يالغالي …كثير من الطلاب مروا بحالة مثل حالتك لكن اذا تبي تتعلم وتحسن مستواك لازم تواجه خوفك بمعنى ما راح تتعلم الا اذا تغلبت على خوفك …أنا " وأعوذ بالله من كلمة انا " مريت بنفس الحالة فنصحني واحد من خوياي فقال لي: حاول تتكلم حتى ولو اخطأت راح تتعلم من خطاك والواحد ما خلق عالم في هذي الدنيا بس تكلم ولا عليك في اللي يضحكون …وقال شي مهم وهو : احفظ كلمات كثير عشان تعرف أو تخمن على الاقل كلام الدكتور وتفهمه
والله يوم سويت هذا الكلام تحسن مستواي بدون مدري " كيف ؟ " يوم شفت درجاتي بالاختبارات فكانت والحمد لله فوق الآفرج … آسف على الاطالة …اتمنى لك دوام التوفيق والسداد .
أنصحك بأن تصير قوي وجه كما صرّح بذلك بلاك كات … معنا في الكلاس واحد و الله إنه معاني زيك … لكنه يقط و يتكلم و يحاول حتى إن المدرس صار يلتفت عليه كثير و يصحح له و هو من أحسن إلى أحسن
والله ياخوي انا اول ماجيت كنت مثلك ويمكن اردى منك مر علي الشهر الاول وانا احضر الكلاسات وامشي ولا ادري عن شي وتقريبا 90% من طلاب الجامعة مرو بنفس الحالة حاول تروح للمدرس كثير في المكتب واتكلم في الفصل وشارك معاه ورح تمشي تمام وبعدين شوف الاجانب اللي يجون هنا مايعرف حرف عربي وفي غضون شهر تلقاه ببغاء ادخل مواقع تعلبمية في النت واكتب رايتينغ ووديه للمدرس يصححه لك وتعلم من اخطائك واالله بوفقك
نصيحة حلوة لو بتطبقها بتتعلم بشكل اسرع نص اليوم اذا ما كان كل اليوم تتكلم مع نفسك تمرن انك تتكلم مع نفسك بالانجليزي ! بجد راح تتعلم بسرعة اذا فيه كلمة عربية ما تعرف مرادفها بالانجليزي احفظ الكلمة العربية وابحث عن مرادفها بالانجليزي بعدين واكتبها بدفتر صغير تقراه مرة كل يوم ناقش نفسك عن القرامر اذا تركيب الجملة هذي صحيحة ولا لا واسأل المدرس بعدين بالنسبة للمدرسة كلنا ما استفدنا منها في اللغة الانجليزية لا تحسب نفسك الوحيد ولا تخليها عذر يحول بينك وبين تعلم اللغة الانجليزية ربنا يوفق الجميع
هلا بأخوي اللي مهوب ضايع
اهم شي انك ماتخاف من الغلط ولا تحسب ان اللي معك في الكلاس كلهم يفهمون وانت الوحيد اللي ماتفهم
ترى انا جلست اسبوعين ادربي راسي كل ما قال شي اهز ذا الراس
وجتني حاله نفسيه الله العالم بها وجلست ادعي على اللي قالوا لي ادخل البترول
بس الحمدلله خذيت بنصايح اللي سبقوني والحمد لله تحسنت حالتي
ماودي اطول عليك خل معك نوت صغير وسجل فيه اي كلمه تلقطها وحاول تترجمها
وعليك بحفط الكلمات ولا تدقق على القرمر اللحين لان المدرسين ما راح يقصرون معك
هذا اهم شي
شف يالضايع
اهم شي في الانجليزي الفوكابيولري يعني “المفردات” الكلمات بالبطيخي
امسك الكتاب وترجم كل كلمة فيه “حتى المقدمة حتى الاسئلة” كل شي
احفظ معانيها المعاني هي المهمة بالمقام الاول احفظ السبلينق نطق الكلمة
جيب لك دفتر واقعد اكتب فيه الكلمة الين تحفظ السبيلنق واحفظ معناها
صدقني تشوف نفسك تلقائيا فلتة زمانك في الانجلش !
