السلام عليكم
كيف الحال يا شباب
شباب انا صارلي حادث يوم الثلوث قبل الاختبار بنص ساعه وغبت بسبته عن الاختبار
على بال ما جا المرور ورحنا القسم عندهم الا قد مره على الاختبار اكثر من ساعه
والدكتور قالي ما رح نعيد لك الاختبار الا بعذر …والمرور ما اعطوني الا ورقت التصليح
يعني هل ورقت التصليح هي تعتبر العذر بالنسبه لجامعتنا ؟؟!!
تكفون وش السواة ترى بكره اخر موعد لي لتسليم العذر
وانا اول مره يصير لي هالظرف
تكفون يا شباب هذي فيها مستقبل
وعليكم السلآم
اول شي حط ببالك : قدر الله وما شاء فعل
ولا يضيق صدرك … وان شاء الله ربي يكتب لك اللي فيه خير
واللي اقدر افيدك فيه …
رح للتوجيه والارشاد مبنى 17 واشرح لهم وضعك … وان شاء الله يفيدونك
واذا مانفع … رح لشؤن الطلاب
وادعي ربك انه ييسرها لك
والله يكتب لك اللي فيه الخير ان شاء الله
ونسيت اقول لك بعد
قبل ما تروح للتوجيه والارشاد وتروح لشؤن الطلآب
رح كلم الدكتور … اشرح له وضعك وان شاء الله يكون متفهم لك ويعيد لك الاختبار
لان الدكتور يقدر يعيد لك الاختبار
بالتوفيق يارب
لا تخاف حقك ان شاء الله ما يضييع
بس اتوقع انهم راح يكنسلوا عليك الميجر بس يضييفوا درجة الميجر الى الفاينل
و الله يعينك
و الله رح كلم الدكتور وشف
وفيه اذكر واحد نفس حالتك بالظبط وعاد له الدكتور الاختبار
الله يكون بعونك
خذ صورة من تقرير الحادث لأنه يبين وقت وقوع الحادث باليوم والساعة … ورقة الاصلاح ما فيها اي تفاصيل
والله شوف المفترض انك اول ماخلصت اجرائاتك مع المرور … تاخذ منهم ( مشهد )
انا صار عليه وتوقفت كم ساعه << ماقطع اشاره 
المهم اول ماخرجت قلت اعطوني مشهد … وطبعا من وقت ماتوقفت لين خرجت
رحت شؤون الطلاب وسوولي عذر رسمي عليه ختم الجامعه
تقدر ترجع لنفس القسم ومعك صورة تقرير الخادث وتاخذ ورقة موقعه ومختمه يشهدون لك فيها انك كنت عندهم وقتها
ممكن رسمية اكثر من تقرير الحادث
انا سويت كذا قبل ايام الاوريا وقبلوها الدكاترة
شباب الله يعطيكم العافيه
بس يخوي احنا ما خشينا القسم
بس يوم وصلنا عنده الحمد لله تنازلنا عن الحادث
واعطونا ورقه اصلاح فقط لا غير
يعني ما شفتهم سوو تقرير ولا شي
انا اول مره يصير لي حادث لا وبعد في وقت ميجر
ولا اعرف وشو المشهد هذا اللي تتكلمون عنه
يعني ما عندي الا ورقة الاصلاح بس
يعني كيف بالله يا شباب خلاااااااص مافي امل
طيب وش ذنبي انا ؟؟
وربي حراام حراام يا شيخ
هونها وتهون يا صااااااااحبي
حتى لو تنازلتو لا بد من وجود تقرير سواة العسكري اللي وصل للحادث
تحصلة عند القسم اللي رحتو له سواء مرور الظهران او الخبر
الحمد لله على سلامتك أولا
إن شاء الله تنفرج
وحاول تقابل المهندس ماجد الحارثي يمكن يفيدك ( وكيل عمادة شؤون الطلاب ) وان شاء الله ما يقصر معاك
الحمدلله على سلامتك
اول شئ الحمد لله على سلامتك
ثاني شئ فيه تقرير روح للمرور اللي رحتم له
انتم ما وصلتم هناك اصلا الا والتقرير موجود وبعدين صار التنازل
وانت فهمهم هناك انك تحتاج التقرير لان راح علي موعد ضروري ومالي عذر غير
شئ منكم يثبت اني كنت هناك ساعتها … والله يسهل لك ان شاء الله .