الدكتور \ عبدالرحمن العصيل
أستاذ
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
ملك !
اذا كنت تحب السياسة والتاريخ نزل معاه … كلاسه ممتع وما ودك يخلص
اكثر حركة يكرها انك تحضر واحد او واحد يحضرك
يخليك تحذف الكورس علطوول
بالنسبة لاختباراته اذا ذاكرت كويس سهلة
1 Like
طيب شرحة بالانجليزي والا بالعربي؟؟
وهل مذاكرة المادة تعتمد على الكتاب ام على شرحه؟؟
--
مشكورين
السلام عليكم
انا توني مخلص كورس GS423 معاه في هذا الترم 091
وراح اعطيكم انطباعي عنه
التحضير : يوووووووووووووميييييييييييييييييا ويشدد على التحضير ويا ويلك يا سواد ليلك لو حضرت خويك او خويك حضرك بيهبل بكم تهبيييل
وكل نهاية كلاس لازم يعد الطلاب ويشوف كم الموقعين وكم الموجودين في القاعة
طريقة الشرح : ممتعة نوعا ما وفيها كلام عن السياسة والاحداث الراهنة…الخ
الكويزات : كان عندنا كويز واحد من 6 درجات
الاختبار كان صعععععععب بمعنى الكلمة
جايب تواريخ ويقول لك اكتب جنبها وش الحدث اللي صار في هالتاريخ
المشكلة انه جايب تواريخ ما لامها داعي زي تاريخ قنبلة هيروشيما وناجازاكي
المهم اني جبت العيد في الكويز لكن للامانة انا حسيته انه صعب
المياجر: صععععععععععععععععععععععبة (ملتبل شويس + صح وخطأ)
اول ميجر شاف الطلاب مزحفين وكلهم ناقصين درجات بالهبل
وكان زعلان وقال بعيد لكم الميجر وعاده وشاف الطلاب تحسنو شويتين
مشكلته دايما ماخذ مقلب ان مياجره سهلة والكارثة انه يجيب من بين السطور
الفاينلات : الفاينل كان سهلللللللللللللللللللللللللللللللللللللل موووية بصراحة ما قصر معانا (كله ملتبل شويس)
القريد النهائي: من جهتي ما عجبني فأعطيه C (لمعرفة السبب انظر ادناه :d )
الصوت: واضح جدا وممتاز
إضافات : بالنسبة لي الكورس كان سيئ جدا جدا جدا يجلس يشرح اشياء طول السمستر موب داخلة معنا في الميجر انا اقدر انه يبغى يوصل لنا معلومات ومعلوماته جدا رائعة لكن وش ذنبي اجي اتعلم اشياء واختبر في اشياء ثانية !
تعبنا في المياجر قبل الميجر بيومين يحدد لك شابتر ولا شابترين من الكتاب ويقول ذاكرهم لان الميجر منهم
ولما تفتح الكتاب تتفاجئ ان فيه كلام كثييييييييييييييييير واغلبه موب مفهوم مع ان انجليزيتي ولله الحمد ممتازة لكن الجمل مكتوبة لناس لها خبرة في السياسة
كنت اسمع انه محترم وخلوق وانا ما انكر هالاشيا لكن انا ما عجبتني اخلاقه بكل صراحة
فيه نوع من التعالي على الطلاب وفي كم موقف يصير لي معاه يحسسني كذا
يعني مرة من المرات كان حاط الميجر يوم الثلاثاء
جا في يوم السبت من نفس الاسبوع وقال بخلي الميجر الاربعا
قلت له انا عندي في نفس اليوم ميجر
قال لي هل الميجر في نفس الوقت ؟
قلت لا
قال طيب ما في مشكلة اجل
رحت له بعد الكلاس وقلت له المادة الثانية اللي عندي صعبة وما اقدر يكون عندي ميجرين في نفس اليوم
قال لي اللي بيحل وعنده ميجر واحد بيحل وعنده ميجرين (عاش مصرف)
موقف ثاني في ميجر 2 كان في سؤال مش مفهوم بالمرررررة
رفعت يدي قلت له ممكن توضح السؤال
جلس يقراه بعدين قال لي السؤال واااضح جدا
قلت له طيب انا مش فاهم المصطلحات اللي فيه
ضحك ضحكة صفراء وقال لي حل واعلمك معناها بعد الميجر…(لا تعليق!)
وما عجبني فيه انه ما يلتزم بمواعيده
يعني لما جا يعيد لنا ميجر ون
قال لنا بيكون السبت
لما جا السبت وكل العالم مذاكرة
قال انا ما حطيت اسألة راح نأجل الميجر للاثنين
جينا الاثنين ونفس الفلم الهندي قال ما حطيت الاسألة خلوه الاربعا
هذا غير انه خذ اكثر من اسبوع علشان يصحح الفاينل…
المهم بشكل عام اللي يبي سواليف ياخذ الكورس عنده اما اللي يبي قريد لازم يكون حفييييييييييظ ويشد حيله ويحفظ الشابترات المحددة من البداية للنهاية
على فكرة انا ما انكر انه يدف
اسف على الاطالة لكن هالكلام من واقع تجربة في الترم الماضي وانا كنت ماخذ المادة علشان ارفع الجي بي اي وللاسف اقولها هالمادة كانت اقل قريد خذته في هالترم
بالتوفيق يا شباب واي سؤال انا حاضر 
1 Like
سلام عليكم
--
مشكور عزيزي بوشخاط
كلامك وصل
طيب ما يمدينا نغير المادة؟؟
--
تحياتي لكم
بالعكس والله الدكتور جداً محترم وحاط الطالب على راسه صراحة …
…
أنا اخذ معه في ترم 092 …
خلانا حنا اللي نحط ماتيريال الميجر 1 و 2 , وحنا اللي نحط طريقة الاسئلة وخليناها ملتبل تشويس , وحنا اللي حددنا يوم الاختبارات !! …
…
وأيضاً قال لنا ان فيه 8 درجات على الكويز , ودكم تاخذون كويزات ولا تحضرون بالليل محاضرة وحدة بالاسبوع وتكون برلمان ؟ , اخترنا البرلمان ومجرد حضوركـ انت يالطالب يعني حصولكـ على درجة الكويز …
…
الدكتور أشوف انه أفضل دكتور خلقاً مر علي , كل شيء يسويه يشاورنا من قبل واذا شخص واحد بس معارض يدور طريقة ثانية يرضينا كلنا حتى لو على حساب نفسه …
…
انا ما اكذّب الاخ اللي فوقي لكن بعض الكلام اللي قاله صحيح …
1- ان الدكتور يتأخر كثير في تصحيح المياجر والحين لنا اسبوعين وشوي من اختبرنا ولا وزع الدرجات وأيضاً تم تأجيل إحدى المياجر بدون علم مسبق بعد ما كنا جاهزين ومتفقين …
2- لو تنظر للكتاب وتقارنه بما يشرحه الدكتور , تعرف ان الدكتور ما يتكلم عن المنهج بالمرة وهو ذكر الشيء هذا من اول السمستر وقال ان المنهج أي كلام وأنا بكمل على شرحي , لكن أحياناً تلقى الكلام اللي يقوله موجود بالمنهج …
ممكن ان الطلاب يخافون من ان الدكتور ما يشرح لكـ المنهج لكن بالعكس الدكتور مقدر هالشيء وعارفه ويقول لكـ ذاكر هوامش الكتاب فقط وتتكون من مصطلحات وتعريفها ويجيبها نصياً بالاختبار , يعني تقدر تحفظ كلمة وحدة من التعريف كامل تغنيكـ عن حفظ التعريف وتدللكـ على المصطلح …
…
في النهاية , الدكتور ما همه المنهج ولا القريدات ولا المادة , هو يحط لكـ الاي بلس بجيبكـ وانت وضميركـ …
…
اهم شيء الاستفادة مما يقوله الدكتور ومعرفة الصراعات اللي تعيشها الأمة ووش اللي لكـ ووش اللي عليكـ ومعرفة حقيقة دول الغرب …
…
" انا ما تهمني المادة بقدر ما يهمني دوركـ مستقبلاً في إفادة الأمة ومعرفة الصراعات اللي تعيشها , وعن المادة انا ابي كل الطلاب ياخذون اي بلس ومابي احد ياخذ اي " الدكتور عبدالرحمن العصيل …
1 Like
حسبما سمعت الدكتور سيترك الجامعة قريباً ،، والدليل ما نزلت gs423 في 101
احسن…
هالدكتور يصلح محاضر في محاضرات عامة
وليس مدرس منهج في جامعة
--
تحياتي لكم
http://skfupm.kfupm.edu.sa/vb/images/modern/misc/navbits_finallink_rtl.gif ماذا تعرف عن مواد الـ gs
1 Like