انت رجال وكبير ومسؤول عن نفسك 
موب شرط يعرفون ،،
انت الحين لازم تتحرك بسرعه ووجهك ع مبنى القبول والتسجيل
وحاول ع قد ما تقدر انهم يرجعونك في 092
وروح لمدير الجامعة وروح لكل واحد !
وربك يعين سبحانه
ولو شفتها ما تتقدم كلم ابوك يكلمهم ويحاول فيهم
ترى الي يجيهم مهتم ويسوي زحمه معناتها اني من جد يبي يدرس ويكمل
وممكن يعطونه فرصه
والدسمس والله صعب ع الناس الي حولك تفهمه !
الله يفتحها بوجهك وييسر لك ،،
الله لا يذكر الدسمس بالخير أكلته مرتين !!
ولكن كنت صريح مع الاهل وصدقني راح يتقبلون الامر لا تتعب نفسك أكثر ، أنا كنت أتوقع أنهم راح ينتقدوني ، ولكن تفاجأت بردة فعل الوالد ، خلاني أحس أن الدسمس ماهو نهاية العالم وإذا ما توفقت بالجامعة ممكن أروح لمكان ثاني أفضل !! والحمدلله مشت الامور ورجعت للجامعة بإعادة قبول
ومن بعدها شديت حيلي والحمدلله أنا على وشك التخرّج بعد ما ذقت طعم اليأس المرّ وفجيعة الدسمس
وباذن الله هذا اللي راح يصير معك وتصير السالفة هذي مجرد ذكريات
الله يوفقك
الله يسهل عليك اختار الوقت المناسب عشان تكلمهم وفهمهم ان هذا فق توقيف مؤقت
والله على حسب أهلك
يعني إذا ابوك خريج جامعة قله و بتفهم الوضع
بس إذا كان أبوك كبير في العمر و ماه و خريج جامعة شوف أحد اقاربك يكون خريج جامعة و يوضح لأبوك كل شيء
الله يعينك ويسهلها عليك يارب
علّم اهلك باللي صاير عشان ع الاقل ياقفون معك بالدعواي لك
حاس بصعوبة موقفك لاني مجرب بس ماترددت اخبر اهلي وهذا افضل لك لان حبل الكذب قصير وانت وين بتروح من هالحقيقه ؟؟ مالك الا تخبرهم واللي يجيك منهم اعتبر منه لحياتك الحاليه والمستقبليه
و الله مهّد لهم بطريقتك اللي تشوفها مناسبة و عطهم خبر .,
هو صحيح صعب ., لكن مالك إلا تقول لهم ^ـ^
موفق .,
انا اقول لا تقول كلمه وحده لاحد وانتبه لنفسك واشتغل خلال الترم الجاي وان الله احياك واعادوا قبولك فشد حيلك وكمل المشوار واعتبرها كبوة جواد و تكون كسبت ان ما احد يشمت فيك ولا اهلك ينغبنون منك
وسلامتك
عزيزي …
الملاحظة الأولى
تدري انك لو علمت اهلك بوضعك من قبل … ما اخذت دسمس الحين ؟
بس الحمدلله على كل حال
لو فهمت كل اللي ابي اقوله من السؤال اللي فوق … كان بها
ما فهمت
ايميلي موجود في التوقيع
بعد الاضافة ارسل لي هنا وحدد وقت اقابلك فيه <-- لأني ما اتواجد في الماسنجر الا للضرورة
ومستعد اكون معك بالتفصيل الممل بإذن الله
أتفق معك يابوعِلي 
وخصوصا اذا كان السكن متيسر …
ولازم تعرف وش اللي وصلك للي أنت فيه !؟
هل هو أحد أصدقائك أو اللاب توب أو الطلعات ؟ أو أي كان …
وتوصل لحل سبب هالمشكله …
صدقني … مريت أنا بظروف مايعلم بها الا ربك …
لذلك لاتنسى أن ربك قريب … وتالي الليل أقرب
والله يوفقك وييسر لنا ولك صالح الاعمال ورضا الوالدين 
بعد التحيه …
أنا عندي لك رأي … ووممكن تعمل فيه إذا كان قلبك قوي واهلك متفهمين …!!
أول شي أنك تحاول بالجامعه أنهم يعيدون قبولك بشتى الطرق … مثل ماقال أحد الاخوان لأنهم إذا حسستهم أنك مهتم وتبي تكمل دراسه ممكن يرجعونك وخاصه اذا شرحت لهم ظروفك وأعطيتهم أسباب مقنعه اللي أدت إلى تراجع مستواك الدراسي … << هذ الكلام يكون ببداية الترم الجاي .!!
إذا رجعت كان بها وإذا مارجعت تحاول تجلس لك أسبوع والا اسبوعين بالجامعه بعدين تفهم أهلك وتقول لهم أني ماني قادر أكمل دراسه الفصل هذا … وحاس اني مالي نفس بالدراسه … وأتعب كثير وما اذاكر زين … وإذا فتحت الكتاب يجيني إكتئاب (ياعيني ع السجع ) … ولو درست الفصل الجاي ممكن أرسب فعشان كذا تقول اني ودي آخذ راحه هالسممستر وارفه عن نفسي واعيد ترتيب اموري عشان اكمل دراستي بنجاح وتفوق … طبعا لازم تلمح لهم أن مستواك السمستر اللي راح كان مش ولا بد عشان يعذروك ويحسون فعلا أنك محتاج راحه من الدراسه عشان تبدع من جديد في دراستك …!!
بس أنت من أي دفعه ؟؟
لانه إذا كنت 025 إو 026 أو 027 يكون لك عذر بعد لأنهم بيتفهمون ان لك ثلاث اربع او خمس سنوات وانت تدرس بشكل متواصل عشان كذا أثر فيك هذا فتكون محتاج سمستر راحه فعلا
ملاحظه * الله يخليكم لا احد يطلع لي ويقول الكذب حرام … حطوا انفسكم مكان الولد … وراح تعذرون انفسكم … والله ان شاء الله غفور رحيم
هذا مجرد رأي وحل أنك تخرج من الورطه اللي انت فيها لانه صعب تقول لأهلك انك انفصلت من الجامعه راح تكون صدمه بالنسبه لهم … بس لازم تمثل الدور مزبووووووط وتحسسهم انك فعلا تعبان ومالك نفس بالدراسه عشان يصدقون …!!
الله يفرج همك وينفس عليك كربتك ياااااارب
أنا أخالفك الرأي أيها المهندس الخطير …
والله ما اقدر افتيك مع الاهل
لكن انصحك تراجع مركز التوجيه والارشاد الحين لو بالتلفون واذا بدت الدراسة تمرهم
وعليك بالصبر والدعاء والله يكون معاك
على فكرة ترى الجامعة ترسل خطاب لولي امر الطالب بالبريد في خلال اسبوع الى شهر من الايقاف بانهم اوقفوه عن الدراسة
يعني بالعربي ما ينفع تقول لاهلك ما ابغى الدراسة
<<< صارت لي مع انه اعيد قبولي في نفس الترم
ملاحظه * الله يخليكم لا احد يطلع لي ويقول الكذب حرام … حطوا انفسكم مكان الولد … وراح تعذرون انفسكم … والله ان شاء الله غفور رحيم
لا يا شيخ ؟ افتيتنا الله يجزاك خير
قل خيراً او لتصمت !!
لا صارت ولا استوت ان حل المشكلة يكون باختلاق مشكلة !!
انت ما في شي في قاموسك اسمه تراكم مشاكل ؟
اي صح ان الله غفور رحيم … لكن لا تدعي ربك بهذي اذا كنت متعمد وقاصد هالشي وواعي بكل تبعاته الدنيويه وفي الآخرة !! … لأن الله عز وجل كمان شديد العقاب !!
ههههههههههههههههههه
سبحان الله يعني الخوف من الأب او الام … صاير اقوى من الخوف من الله ؟
ايه معليه ربك يسامح … بس ابوك وامك لاااا هذول خط احمر ؟!!
يجب أن نتأدب مع الله
هدانا الله وإياك (:
توكل على الله واوصل الخبر لاهلك … لكن اختر الوقت المناسب وحاول توصله باسلوب … يعني حاول تبين صعوبة الدراسة والظروف التي حصلت لك … وان شاء الله يعاد قبولك وامورك طيبة ان شاء الله …
اسمعني وانا اخوك …
انا اخدت دسمس (والله الحممد) ومنجد كانت نفسيتي دمااااااااااااار خلاص والله بكيت منجد لاني مقهور اشلون انا دافور في الثانوي والحين في الجامعه دسمس؟؟
المهم انصحك تقول لابوك لانه انا قلت لابوي ولا خفت ولا ترددت لحظة… والله من جد ترتاح نفسيا بالعكس الا ساعدني في القبول مره اخرى بدون تاخير (ماسويت اخلاء طرف)
حاول تكلم الدكتور السويلم وقوله وسوي اعادة قبول
صدقني ترا بتنقبل عادي مافي مشاكل بس المشكله والسوال المهم؟
ماذا بعد القبول؟ هل راح تشد حيلك؟؟ لاااااااااااااازم تغير اسلوب مذاكرتك صاحب الدوافير وانا اقولها بدون خجل اي صاحبهم تعلم منهم كيف يذاكرون …
واذا انك مغصوب على التخصص غير تخصصك ولا يهمك احد انت الي بتدرس انت الي بتتخرج …
بس انا حبيت اقولك ترا والله والله امر القبول سهل صدقني … انت يالحين ارتاح الفصل هاذا وان شاء الله ابداء الفصل القادم او الصيف بكل روووووووووح عااااااااااااااااليه وهمه كبيرة
وربي يوفقك ومعليش على الكلام الملخبط الساعه 4 الفجر هههه ومخي منسم
يالله بلتوفيق
^^^^^^^^^^^^^
كفيت ووفيت الله يعطيك العافية مافات مات ماهو هدفك من قدومك الى الجامعة والله ياشباب الجامعة سهلة وحنا اعطيناها اكبر من حجمها والله اننا ناس منصحى الا اذا وقع الفأس بالرأس استهدي بالله وصل ركعتين استخارة وشد حيلك ولا تأخذك في دراستك لومة لائم وكلما فكرت تهمل تذكر امك وابوك والالم الذي تعاني منه الان واربطه بالهدف الذي تضعه نصب عينيك والله يوفقك ويصبرك ويعوضك خير مما فقدته
الله يكون بعونك اخوي ويخفف همك …
اشوف انك تخبر الوالدة … وبعدها تخليها تكلم الوالد …
وياعساهم يفرحوا فيك بعد ماترجع للجامعه يارب …
.
.